Tuesday, December 29, 2020

The Newspaper Sinhala movie review (ද නිවුස්පේපර්)

 සරත් කොතලාවල සමග කුමාර තිරිමාදුර අධ්‍යක්ෂණය කල "ද නිවුස්පෙපර්" සරලවම කිව්වොත් හොදයි ටිකයයි.



ආරම්භක රූපරමු සම්බාව්‍යගනයේ වූ නිසා, "සුස්ති"ට වඩා ඇල්මක් ඇති විය තවදුරටත් මෙය නැරබිය යුතු බව සිත කිවේය. ක්‍රමයෙන් කතාව දිගහැරෙන විට එකී සිතුවිල්ල තවත් මෝරා "මේක නම් මරු" යන සිතුවිල්ල දක්වා වර්ධනය විය. හැමෝම මේක බලන්න කියලා දාන්න ඕනේ කියලා සිතුනි.

සියල්ල බිදවැටෙන්න ගත්තේ අනවශ්‍ය සිද්දියක් උලුප්පා දක්වා, කතාවේ තාත්විකබාවය බිදවැටීමත් සමගයි. එයින් පසු කතාව ඔහේ දිගහැරෙන්න පටන් ගත් අතර කිසි රසයක් නැති රූපරාමු රාශියක් බවට පත්විය.

චිත්‍රපටය නොබැලු අය  මෙතනින් එහාට මේ විචාරය කියවීමෙන් කතාවේ සිද්දීන් ගැන දැනගැනීමට හැකියාව වැඩිය. එම නිසා, 6/10 වුනත් චිත්‍රපටය නරබා පැමිණෙන්න.

සිංහල කොටියෙක් ලෙස හංවඩු ගැසුනු, ගමේ අගතියට පත්වුන පවුලක වැඩිමල් සොහොයුරා ඔහුගේ මිතුරෙක් සමග කොලබ පැමිණ එකී කරුණ නිවැරදි කිරීමට දරන උත්සාහය කතාවේ මුලික අදහසයි.

තාත්වික බව බිදවැටෙන ප්‍රධාන සිදුවීම වනුයේ ප්‍රධාන කතෘතුමාට පහරදීමයි. එකී පහර දීම අතිශය තාත්වික වුවත් ඊට පසු සිදුවීම් අතාත්විකය. යම්කිසි සිදුවීමක් අරබයා මාධ්‍ය භාවිතාව හරියටම හරි වුවත් ඉන්පසු සිදුවූ සිදුවීම් කතාවේ හරයට සිදුකලේ හානියකි. එතරම් දැවැන්ත උද්ගෝෂණ, මාධ්‍ය සාකච්චා පවත්වන සිදුවිමක විත්තිකරු ගැන කිසිවෙකු කතා නොකිරීම අතාත්විකය. මේ කතාව දශක දෙක තුනක් පැරණි කාලරාමුවක දිගහැරෙනවා නම් එකී කරුණ සත්‍ය වීමට තිබුනි එත් වර්තමාන මාධ්‍ය ඕනෑම කුණුගොඩක් විකුණන්කන ස්වභාවය කතාවෙන් ගිලිහීම තාත්විකබව පරිහානියට ලක්කළේය. 

මගේ දැක්මට අනුව තාත්විකම කතාව වනුයේ, එකී පහර දීමෙන් පසුව විත්තිකරු කොලබ පැමිණි කරුණ සමාජ ගතවී ප්‍රධාන පුවතක් ලෙස එහි ප්‍රතිපලයක් ලෙස ඔවුන්ගේ ජිවිත වෙනස් වීමයි. ජනතාවගේ අනුකම්පාවෙන් පාර්ලිමේන්තුවට යෑම වුවද තාත්විකය. ගමේ උන් සර් කියමින් ඔහු ලග වදවැටෙන තත්ත්වක් වුවත් නිර්මාණය කිරීමට තිබුණි. මේ කතාව තුලින් මාධ්‍ය තුලින් චරිත පිම්බීම, ඕනෑම දෙයක් මාර්කට් කළහැකි බව, ජරාජීර්ණ දේශපාලන භාවිතාව ගැන පුළුල් සාකච්චාවක් කිරීමට හැකියාවක් තිබුණි. අවාසනාවට එය එසේ නොවී අතාත්වික මාර්ගයේම ගමන් කළේය.

චිත්‍රපටියතුල දේශපාලනික උවමනාවක් නිසා කතාව බිදවැටුනාදැයි සැකයක් එන්නේ චිත්‍රපටියේ නිෂ්පාදක ලැයිස්තුව දැකීමෙන්ය. මගේ නම් මතය අනවශ්‍ය කරුණු උලුප්පා දක්වන්න යෑමෙන් ඉතාමත් රසවත් කතාවක් විනාශ කලබවය. මෙය සරත් කොතලාවලට කුමාර තිරිමාදුරට අලුත් දෙයක් නොවන්නේ ඔවුන්ගේ "තණ්හා රතී රගා" චිත්‍රපටියත් මෙසේ බොලද අවසානයක් ලබාගැනීමයි. කතාව හොදට ගොඩනගා පසුව එය විනාශ කිරීම කණගාටුවට කරුණකි. එත් උත්සාහය අගය කලයුතුය.      

Friday, August 7, 2020

ජවිපාවුන්ට කෙල විමට හේතු

~ මහින්ද හොරා හොරා කිව්වට හොරකම් එලිනොකිරිම හා හරි ඒවා අස්සේ බොරු ඒවා කීම 
උදා : ලැම්බෝගිනි 19 / රත්තරන් අස්සයෝ / ඩුබායි හොටෙල්

 ~ කුඹියෝ ටෙලිනට්‍ය : දේශපාලනේ ගෙම් එකක්... සමාජවාදි පක්ශ රටම අවුල් කරනවා... 

~ විරුද්ද පක්ශයේ ප්‍රචරන වලට ක්‍රියාවෙන් උත්තර දිමට හා තම නිර්දෝශිබව ජනගත කිරිමෙ නොහැකියව. 
උදා : රතු අලි පැටව් / මහින්දගේ අන්ඩුවෙන් එලියට පැමිනිම 

~ සරල සුන්දර දිවිපැවත්ම ගැන එකිනෙකට වෙනස් පිලිතුරු හා "හාමුදුරුවෝ ඉන්නෙ කොහොමද කියලා අහන්නේ නෑනේ" වැනි හුදි ජනතාව කිපෙන කතා කීම 
උදා : යලුවෝ උදව් කරනවා / පක්ෂෙන් දෙනවා / අපිට දේපල තියෙනවා 

~ චව් චව් නිය්‍යාය හා කරන්න පුලුවන් හොදම විදිය ගැන සදහනක් නැතිකම 
උදා : ඔක කරන්න බෑ / රටේ කලුගල් ඔක්කොම ඔනේ ඔක හදන්න 

~කුහක කම 
උදා : තම ළමයින් ප්‍රයිවට් කැම්පස් යවමින් අනිත් අයට එය කිරිමට ඇති අයිතිය නැතිකිරිම 

~අනුර කුමාරට ඇති අකමැත්ත 

~පෙර වැරදි ගුඩ් ලක් නෙක්ස්ට් ටයිම්

Thursday, May 17, 2018

මැයි 18 ඇත්තටම සමරන්න ඕනෙද ?

ශ්‍රී ලංකික තිස් වසරක යුද්දයෙන් මියගියේ ශ්‍රී ලාංකිකයෝය සටන් වැදුනේ  ශ්‍රී ලාංකිකයෝය යුද්දයට හේතුව රටේ ජාතින් අතර ප්‍රශ්නයකි. ප්‍රශ්නය මුල් කරගෙන අවි අතට ගත් පිරිස අවියෙන්ම වැනසුවත් ගැටුමට මුල්වූ හේතු වලට සදරනයක් සිදුවුවාද යන්න ගැටලුවකි...

එකී ත්‍රස්තවාදී සන්විදානයෙන් බැට කෑවේ සිංහල ජාතිය පමණක් නොවන අතර දෙමල විමුක්තිකාමීන් වුවත් ඔවුන් දෙමළ ජනයාටත් වදයක් හිසරදයක් විය... එහෙත් එකී ත්‍රස්තවාදී පරාජය සිංහල ජාතියට දැනෙන විදියටම අනෙක් ජාතියට නොදැනුනේ අපි එය සැමරු ආකාරයෙන්ද? දෙමල්ලු ඔක්කොම කොටි යන ලේබලය නිසා අපි ඔවුන්ට සලකපු හැටියටද? නැත්නම් එය පොදු දෙමල ජනයා ලැබූ පරාජයක් ලෙස ඔවුන්ට දැනුන නිසාද?

සිතන්න යම් හෙයකින් රජයේ හමුදා පැරදී ත්‍රස්තවාදීන් ජයක්ග්‍රහනය කරානම්... ත්‍රස්තවාදීන්ගේ විජයක්ග්‍රහණ පෙළපාලියක් බැලීමට ඔබ කැමතිද ?? ත්‍රස්තවාදීන් ඉබේ බිහිවන්නේ නැත... සම්පුර්ණයෙන් වැනසීමට අවියෙන් පමණක් නොහැකිය... රට බෙදන්න හදන්නේ එකම රටක එකම මිනිස්සු කියා නොදැනෙන නිසා නොවේද ??

යුද්දයෙන් පසුව උද්දාමයෙන් පාරවල් දිගේ නටන්නේ නැතුව... උතුරේ මිනිසුන්ගේ ජන ජීවිතය නගාසිටුවන්න පෙළගැසුනානම්...
යුද්දයේ නටබුන් බලන්න විනෝද චාරිකා යනවා වෙනුවට සහෝදරත්වයේ චාරිකා ගියානම්...
විජයක්ග්‍රහණයේ පෙළපාලි කියල වෙන රටවල් වලින් සල්ලි දීලා ගත්ත ඒවා නොපෙන්වා උතුරේ සංවර්දන, යලිත් මෙවන් ගැටුම් ඇතිනොවීමට ගන්නා පියවර ප්‍රදර්ශනයකරා නම් තත්වය මිට වෙනස් වීමට තිබිණි...

උතුරේ සංවර්දනයට රාජපක්ෂ රජය වැඩ කලත් තුවාල වූ හදවත් සුවපත් කිරීමට වැඩකලේ නැත... බෙදුන බෙදිල්ල තාමත් එහෙමය... කෙතරම් දේවල් රාජපක්ෂ කරත් දෙමලෙන් කතා කලත් දෙමල හදවත් ස්පර්ශ කිරීමට නොහැකිවුනේ සිංහල චන්ද ගැන සිතා යුද ජයක්ග්‍රහණ විකුණන් කෑමය....මෙය සනාත කරන්නේ 2010 ජනාධිපතිවරණයයි... දකුණේ චන්ද තොග පිටින් ලැබෙද්දී උතුරේ චන්ද වැටුනේ ප්‍රතිවාදියාටය...

දැනුත් පමා නැත... සියල්ල පටන් ගත යුත්තේ පාසැලින්ය... දැනට ඇති ජාති ආගම ස්ත්‍රී පුරුෂ බවය මත බෙදුණු පාසල් වෙනුවට සැමට එකම පාසලක් හදුන්වා දියයුතුය.... සිංහල පාසලකට ගිය මට සිංහල බහුතරයක් වෙසෙන නගරයක ඉපදුන හැදුන වැඩුන මට මුලින්ම මුස්ලිම් යාලුවෙක් දෙමල ජාතික යාලුවෙක් ලැබෙන්නේ වයස 20ක් විතර වූ පසුය... මේ තත්වය වෙනස් කල යුතුය... සියලුම දෙනා සිංහල දෙමල ඉංග්‍රීසි භාෂා ත්‍රිත්වයම ඉගෙන ගත යුතුය..... පාසල් නිවාඩු සමයේ සතියක් පමණ දිගු අන්තර් පාසල් කදවුරු ඇති කල යුතුය... දකුණේ පාසල් සිසුන් උතුරේ පාසල් වල වැඩසටහන් වලට සහබාගි වියයුතුය... උතුරේ සිසුන් දකුණට පැමිණිය යුතුය... උතුරේ දකුණේ විශ්ව විද්‍යාල එකතු වී පර්යේෂණ කල යුතුය....
එකිනෙකා අතර අවබෝදයක් ඇති තාක්කල් ජාතින් අතර ප්‍රශ්න ඇති කල නොහැකිය.... සැබෑ විජයක්ග්‍රහණය එයයි....

Monday, September 18, 2017

ජනපති නොවූ තාත්තා


අම්මාගේ විපක්ෂ උද්ගෝෂණ විශ්වාසභංග වලට මෙන්ම අයියාගේ සහ මාගේ වෘතීය සමිති ඉල්ලීම් වලට තාත්තා උත්තර දුන්නේ රනිල් මෙන් සිනාවෙනි..... අනෙක් තාත්තාලා මහින්ද මෙන් පැගිරි විසිවෙන්න ගහනකොට අපේ තාත්තා අපි කුමන වැරද්දක් කරත් අවස්ථා දෙකක් හැර අනෙක් සෑමවිටම සිනහාවෙන් පමණක් පහර දුන්නේය .....

එක අවස්ථාවක් වුයේ අයියා 88-89 කාලයේ මෙන්  ගෙදර තුල පත්තර පුච්චා ගෙදරම  ගිනි තබන්න උත්සහ කල අවස්ථාවේ තාත්තා අයියා උස්සා පොලවේ ගසන්නට හැදුවත් අම්මගේ විදෙස්  මැදිහත් වීමෙන් එය වැලක්වුනි  ..... එසේ ගත් කල රටම ගිනි ගන්නට තිබු අවස්ථාවක් අපේ තාත්තා මැදිහත් වීමෙන් වැළක්වී ඇත ......

අනෙක් අවස්ථාව වන්නේ මාගේ ඉල්ලීම් තාත්තා ප්‍රතික්ෂේප කල නිසා අබෝලිෂ් ප්‍රයිවට් යුනි උද්ගෝෂණ මෙන්  තාත්තා ගෙදර පැමිණීම වැලක්වීමට... ගෙදර හා තාත්තා ව්‍යාපාරික ස්ථානය  යා වෙන  දොර වසා දැමුවෙමි ..... එය හරියට කොල්ලිපිටිය වැසෙන්න පෙළපාලි ගියා  වැනිය ..... එවැනි මොහොතක බොහෝ දුක් විද අතුරු මාර්ග වලින් තම ගමනනාන්තය කරා යන අයමෙන් ....තාත්තා සැහෙන සටනක් දී අනෙක් දොරෙන් ගෙදර ඇවිත් මට තඩිබෑවේ පාරිබෝගිකයෙක් ඉදිරියේ වූ ලැජ්ජාවත් ඇවිදින්නට සිදුවූ දුරත් ගණනය කරමිනි.... තත්වය එසේ වුවත්  අවම බලය පාවිච්චි කරමින් ඔහු පහර දුන්නේ  මගේ දණහිසෙන් පහළටය...... මා ගහක් කැපුවා මෙන් ඇදවැටුණි..... තරහා නිවෙන තුරු පහර දෙනවා වෙනුවට තාත්තා කලේ එක පහරක් ගසා සීතල වතුර වීදුරුවක් බීමයි ..... ඒ තාත්තාගේ තරහව පාලනය කිරීමේ හැකියාවයි....


කුමක් වුවත් තාත්තාගේ ආදරේ කොන්දාගේ රුපියල වැනිය ..... එය කිසිදා නොදෙන අතර එය ඔහු ලග ඇති බව අපි හොදින් දනී ...... එය නොදීමෙන් ඔහුට ලාබයක් තෘප්තියක් ඇද්දැයි නොදනිමි .....
එනිසා එය ඉල්ලා සිටිනවාට වඩා නිකන් සිටීමට හොදය ......

මේ මොකක් වුනත් අපේ තාත්තා පොළොවෙන් උපන්නේ නැති නිසා ජනාධිපති වීමට බැරිව අපේ තාත්තාම විය <3 ......

කර්තෘ : පොඩි පුතු කිංග් ආලවක
පිට කවර නිර්මාණය : ලොකු පුතු චිරන්ත ඇට්කින්සන්






Wednesday, June 28, 2017

අවුරුද්දකට ආසන්න කාලයක් දක්නට ලැබුණු .....
තායිලන්ත ගැහැණු ළමුන් හා ලාංකීය ගැහැණු ළමුන් අතර වෙනස ........

~ බහුතරයක්  ලස්සනය .....

~ කොල්ලෙක් සිනාසුනු විට හෝ කතා කල විට කතා කරන අතර ලංකාවේ කෙල්ලන් මෙන් රවන්නේ පුප්පන්නේ ගස්සන් යන්නේ නැත .....

~ රූපය ගැන උඩගු නැත ..... ඕනෑම වෙලාවක සිනහවෙන්  මුව සරසාගෙන සිටි ...... අඩි දෙක තුනක් උඩින් නොයන අතර නිතරම බිම් මට්ටමේ සිටි .....

~ නිතරම ශුද්ද තායි වලින් කතා කරන අතර පොෂ් වීමට අතරින් පතර ඉංග්‍රීසි කෑලි ඔබන්නේ නැත .....

~ මේකප් වලින් බොහෝ දෙනා තවත් ලස්සන වන අතර ලංකාවේ කෙල්ලන්ගේ  මෙන් බඩ පපුව දාල යන්නේ නැත .....

~ රාත්‍රී සාද වලදී ෆ්ලෑෂ් ලයිට් යොදාගෙන ගත් පින්තුර වල මෝහිනිගේ නංගිලා මෙන් පෙනෙන්නේ නැත .....

~ උපතින්ම කොන්ඩේ කෙලින් නිසා ආලේපන භාවිතයෙන් කෙලින් කර ගැනීමට අවශ්‍යතාවක් නැත ..... ලංකාවේ සමහර අය කොණ්ඩය කෙලින් කල විට දැනෙන අජුත බවත් කෘතීම බවත් නැත .... 

~විවිධ පාට වර්ග වලින් කොන්ඩේ පාට කරයි ..... ලංකාවේ මෙන් මලකඩ පැහැය පමණක් භාවිතා නොකරයි .....

~ ඉතාමත් කොටට ඇදුම් අදින අතර ඒ ගැන වැඩි තැකිමක්ද නැත ..... ලංකාවේ මෙන් අපි ඇන්දුවා වගේ අපිට රවමින් ඇදුම යටට අදිමින් යන්නේ නැත....

~ සැමගේම මුහුණුවර එකම වගේ බැවින් වෙන් කර හදුනා ගැනීම තරමක් අපහසුය ....

~ සැබෑ නම ඉතා දිග වන නිසාත් උච්චාරණයේදී දිව උලුක් වීමට හැකි නිසා අන්වර්ථ නාමයන්ගෙන් පෙනී සිටි .....

~ සමහරක් ගැහැණු ළමුන් උපතින්ම ගැහැණු ළමයි නොවන අතර මගදී වෙනස් වූ අය වේ ....

~ කොතරම් රූමත් වුවත් රූපයෙන් උඩුගු නොවී පාරේ බඩු විකිනීමට තරම් වුවත් ඇති හැකියාව ....

~ පිරිමින් සමග කරට කර වැඩ කරන අතර කාන්තා සමතැන සුන්දර රැකියා වලට පමණක් සිමා කරගෙන නැත ......

තත්වය මෙසේ වුවත් මා තවමත් දේශීය දේ අගේ කරන කොල්ලෙක්මි ......

Monday, May 1, 2017

ලංකාවේ සහ තායිලන්තයේ මැයි දින වෙනස් කම් .....

මැයි 1 කියා කාටවත් ගානක් නැත....
හිතේ  ඇතිවූ කුතුහලය නිසා  සොයාගත් කරුණු ඇසුරින්.....



පක්ෂ 11 වර්තමාන පාර්ලිමේන්තුව නියෝජනය කරත් පක්ෂ මට්ටමින් මැයි රැලි නොපැවැත්වීම......
අපේ තමා සෙනග වැඩිම මැයි රැලිය යනුවෙන් පොස්ට් ෂෙයාර් කිරීමට වඩා එහාගිය බුද්ධිමත් බවක්  තායිලන්ත තරුණ ප්‍රජාවට තිබීම ......
බොහෝ කාර්යාල මැයි දිනයේ වුවද වැඩ කිරීම වගේම  බොහෝ කර්මාන්තශාලා එහි සේවකයන් වෙනුවෙන් විනෝද උත්සව සංවිධානය කිරීම ......
මිලියන 40ක් වූ සමස්ත ශ්‍රමබලකායෙන් 2% පමණ වෘත්තිය සමිති වල සාමාජිකත්වය හිමි නිසා ඇල්මැරුණු මැයි රැලි ......
තිබෙන මැයි පෙළපාලි වුවත් අවසන් වන්නේ දේශපාලුවන්ගේ හිස් කතාවලින් නොව ..... පැමිණි අයගේ විනෝදාස්වාදය වෙනුවෙන් පැවැත්වෙන ක්‍රීඩා වලිනි ......
පෙළපාලි වල අරුත අනිත් පක්ෂ වලට කෝචෝක් දැමීම නොව තමන් මුහුණ දෙන ගැටළු පිළිබදවය.......





එන්න....
තමන් කැමති පක්ෂයේ  මැයි රැලියේ සෙනග ෂෙයාර් කර  විනෝද  වන්න එන්න .....

source and photos : link1 link 2

Wednesday, April 5, 2017

සටන හරියට කරමු .....

සටන හරියට කරන්න මුලින්ම කුහක කම ඔලුවෙන් අයින් කරන්න වෙනවා ...... දොස්තර කියන්නේ අනෙක් රස්සා වගේම එකක් කියල හිතන්න වෙනවා ..... කුහක කම එන්නේ දොස්තර කියන්නේ හෙන ලොකු කෙනෙක් අපිට විතරයි පුළුවන් අනිත් එවුන්ට බෑ..... අනිත් රස්සා වගේ නෙමේ මේක ජිවිතත් එක්ක කරන්නේ.... විදිහේ පුහු මානසිකත්වය නැති කර ගන්න ඕනේ ..... මොකද ජිවිතත් එක්ක බද්ද වුන එකම රස්සාව මේක නොවෙන නිසා ...... 

කුහක කම අයින් කරාට පස්සේ හිතන්න ඕනේ .... අපේ රටට මේ දේ ඕනෙද කියල ..... සිය ගණනක් පිට රට ගිහින් ඉගෙන ගෙන එන එක හොද වෙන්නයි .... මෙහෙ ඉගෙන ගත්තම වැරදි වෙන්නයි බෑනේ .... ඒ කියන්නේ මේ රටේ ඕනේ දෙයක් ..... මෙහෙ තිබ්බා නම් අපේ අය චීනේ රුසියාවේ නේපාලේ බන්ග්ලාදෙශේ ඉන්දියාවේ යන්න ඕනේ නෑ .... චීනේ රුසියාව නම් ටිකක් හොද වුනත් අනිත් රටවල් ගන්න දෙයක් නැත ..... ඒ කියන්නේ මේ රටේ නැති දෙයක්.... 

සයිටම් එන්නේ ඔය වෙළදපොල අවශ්‍යතාව තේරුම් අරගෙන ...... ඇත්ත, සයිටම් කොලේ වහලා ඕක පටන් ගත්තා ..... හරියට පහසුකම් ටික නැතුව උන් පටන් ගත්තා ..... ළමයි ගියා .... ප්‍රමිතියක් නෑ කිව්වා ..... ප්‍රමිතිය හදාගන්න දුන්න ඉස්පිරිතාලේ සයිටම් ළමයි එනවාට ස්ට්‍රයික් කරලා නැවැත්තුවා ......GMOA එකේ අවුල් විසදගන්න උසාවි යන්න වුනා ....නඩුව දින්නා ..... ඔය සිද්දි වෙන්න කලින් කාලයක් තිබ්බා GMOA එකේ සහතිකේ ගන්න ඕන දෙයක් කරන්න කැමති වෙච්ච කාලයක්.... ඒ කාලෙත්  වහපන් වහපන් කියන්නේ නැතුව ප්‍රමිතිය හදන්න ඇත්තටම වැඩ කරානම් ප්‍රශ්නේ සැහෙන දුරට විසදිලා.....

වහපන් කියන්න ලේසි හරියට කරන්නේ කොහොමද කියන එකයි අමාරු ...... 
රටට අවශ්‍ය දෙයක් නිසා කරන්න තියෙන්නේ  ප්‍රමිතියක් ඇතුව කොහොමද ඕක කරන්නේ කියල ..... මුලින්ම කරන්න ඕනේ දැනට තියෙන මෙඩිකල් ෆැකල්ටි එක්ක අලුතෙන් දාන ඒවා එකතු කරන එක ..... ඒ කියන්නේ අලුතෙන් දාන එකේ විභාග  ඇතුලත් වීමේ ක්‍රම ඇතුළු බොහෝ දේ රජයේ මෙඩිකල් ෆැකල්ටි එකේ අනුමැතිය මගින් පවත්වන් යන එක ..... මේක රජයේ මෙඩිකල් ෆැකල්ටි එකට අලුතෙන් වැටෙන වැඩක් නිසා සෑම ළමයෙක්ගෙන්ම යම්කිසි මුදලක් රජයේ මෙඩිකල් ෆැකල්ටි එකට ගන්න ඕනේ .... මේකෙන් ඒ රජයේ මෙඩිකල් ෆැකල්ටි වල අවශ්‍යතාවන් සදහා අමතර අදායම් මාර්ගයක් ද වෙනවා.... ප්‍රමිතියත් ආරක්ෂා වෙනවා.... සුදුසු කම් තියෙන අයට ඇතුලත් වෙන්න පුළුවන් වුනාට හොදම අය විතරක් එලියට එන්න මේ ක්‍රමෙන් පුළුවන් ...... විභාග ක්‍රමය විනිවිද බාවයකින් කරන් යන එක රටේ කාටත් හොදයි ..... විභාග තොග ගණන් ෆේල් වෙන තැනකට ලක්ෂ ගණන් පුජා කරන්න කවුරුත් එන්නේ නෑනේ.... ඒ නිසා නිකන්ම ඒ ඒ ආයතන වලට තමන්ගේ ප්‍රමිතිය ගුණාත්මකභාවය ගැන දෙපාරක් නෙමේ තුන් හතර පාරක් හිතන්න වෙනවා ...... 

සටන කරන්න ඕනේ කුහකත්වය නැතුව රට ගැන වගේම අනාගතේ ගැනත් හිතල .... මොන සටන කරත් වැඩක් නෑ සාමාන්‍ය මිනිහට කරදරයක් වෙලා ..... ස්ට්‍රයික් කියන්නේ ස්ට්‍රයික් එකේ මේ මේ අංශ වැඩ අනිත් ඒවා වැඩ නෑ කිව්වට එකෙන් තැලෙන්නේ අසරණ මිනිස්සු ...... මිනිහෙක් දෙය්යනේ කියලා ගෙදර යන්න හැදුවම පාරේ නටනවා ..... ඉතින් කොහොමද මිනිස්සු සටනට එකතු වෙන්නේ ..... මිනිස්සුන්ව තරහා කරන් ඉවරයි .....  කොටින්ම විශ්ව විද්‍යාල සිසුවා කියන චරිතේ සමාජෙන් අයින් වෙලා ඉවරයි ..... ඕන එකයි එපා එකයි හැම එකටම විරුද්ද වුනාම ඇත්තම සටනට කවුරුත් නෑ.... CCTV දැම්මත් වැරදි ..... ගහගෙන කොල්ලෝ  හිරේ ගියාම එකටත් උද්ගෝෂණ ....නවක වදේ දීලා ළමයි මැරෙනවා ..... ඕවා අහල ඉන්න කන් වලට කොච්චර ලොකු ප්‍රශ්නයක් වුනත් අහන්නේ නෑ ..... එක නිසා මොනවා කරන්නත් කලින් විශ්ව විද්‍යාල සිසුවා කියන ප්‍රතිරුපේ හදාගන්න ඕනේ ..... ජය වේවා ......