Wednesday, June 28, 2017

අවුරුද්දකට ආසන්න කාලයක් දක්නට ලැබුණු .....
තායිලන්ත ගැහැණු ළමුන් හා ලාංකීය ගැහැණු ළමුන් අතර වෙනස ........

~ බහුතරයක්  ලස්සනය .....

~ කොල්ලෙක් සිනාසුනු විට හෝ කතා කල විට කතා කරන අතර ලංකාවේ කෙල්ලන් මෙන් රවන්නේ පුප්පන්නේ ගස්සන් යන්නේ නැත .....

~ රූපය ගැන උඩගු නැත ..... ඕනෑම වෙලාවක සිනහවෙන්  මුව සරසාගෙන සිටි ...... අඩි දෙක තුනක් උඩින් නොයන අතර නිතරම බිම් මට්ටමේ සිටි .....

~ නිතරම ශුද්ද තායි වලින් කතා කරන අතර පොෂ් වීමට අතරින් පතර ඉංග්‍රීසි කෑලි ඔබන්නේ නැත .....

~ මේකප් වලින් බොහෝ දෙනා තවත් ලස්සන වන අතර ලංකාවේ කෙල්ලන්ගේ  මෙන් බඩ පපුව දාල යන්නේ නැත .....

~ රාත්‍රී සාද වලදී ෆ්ලෑෂ් ලයිට් යොදාගෙන ගත් පින්තුර වල මෝහිනිගේ නංගිලා මෙන් පෙනෙන්නේ නැත .....

~ උපතින්ම කොන්ඩේ කෙලින් නිසා ආලේපන භාවිතයෙන් කෙලින් කර ගැනීමට අවශ්‍යතාවක් නැත ..... ලංකාවේ සමහර අය කොණ්ඩය කෙලින් කල විට දැනෙන අජුත බවත් කෘතීම බවත් නැත .... 

~විවිධ පාට වර්ග වලින් කොන්ඩේ පාට කරයි ..... ලංකාවේ මෙන් මලකඩ පැහැය පමණක් භාවිතා නොකරයි .....

~ ඉතාමත් කොටට ඇදුම් අදින අතර ඒ ගැන වැඩි තැකිමක්ද නැත ..... ලංකාවේ මෙන් අපි ඇන්දුවා වගේ අපිට රවමින් ඇදුම යටට අදිමින් යන්නේ නැත....

~ සැමගේම මුහුණුවර එකම වගේ බැවින් වෙන් කර හදුනා ගැනීම තරමක් අපහසුය ....

~ සැබෑ නම ඉතා දිග වන නිසාත් උච්චාරණයේදී දිව උලුක් වීමට හැකි නිසා අන්වර්ථ නාමයන්ගෙන් පෙනී සිටි .....

~ සමහරක් ගැහැණු ළමුන් උපතින්ම ගැහැණු ළමයි නොවන අතර මගදී වෙනස් වූ අය වේ ....

~ කොතරම් රූමත් වුවත් රූපයෙන් උඩුගු නොවී පාරේ බඩු විකිනීමට තරම් වුවත් ඇති හැකියාව ....

~ පිරිමින් සමග කරට කර වැඩ කරන අතර කාන්තා සමතැන සුන්දර රැකියා වලට පමණක් සිමා කරගෙන නැත ......

තත්වය මෙසේ වුවත් මා තවමත් දේශීය දේ අගේ කරන කොල්ලෙක්මි ......

Monday, May 1, 2017

ලංකාවේ සහ තායිලන්තයේ මැයි දින වෙනස් කම් .....

මැයි 1 කියා කාටවත් ගානක් නැත....
හිතේ  ඇතිවූ කුතුහලය නිසා  සොයාගත් කරුණු ඇසුරින්.....



පක්ෂ 11 වර්තමාන පාර්ලිමේන්තුව නියෝජනය කරත් පක්ෂ මට්ටමින් මැයි රැලි නොපැවැත්වීම......
අපේ තමා සෙනග වැඩිම මැයි රැලිය යනුවෙන් පොස්ට් ෂෙයාර් කිරීමට වඩා එහාගිය බුද්ධිමත් බවක්  තායිලන්ත තරුණ ප්‍රජාවට තිබීම ......
බොහෝ කාර්යාල මැයි දිනයේ වුවද වැඩ කිරීම වගේම  බොහෝ කර්මාන්තශාලා එහි සේවකයන් වෙනුවෙන් විනෝද උත්සව සංවිධානය කිරීම ......
මිලියන 40ක් වූ සමස්ත ශ්‍රමබලකායෙන් 2% පමණ වෘත්තිය සමිති වල සාමාජිකත්වය හිමි නිසා ඇල්මැරුණු මැයි රැලි ......
තිබෙන මැයි පෙළපාලි වුවත් අවසන් වන්නේ දේශපාලුවන්ගේ හිස් කතාවලින් නොව ..... පැමිණි අයගේ විනෝදාස්වාදය වෙනුවෙන් පැවැත්වෙන ක්‍රීඩා වලිනි ......
පෙළපාලි වල අරුත අනිත් පක්ෂ වලට කෝචෝක් දැමීම නොව තමන් මුහුණ දෙන ගැටළු පිළිබදවය.......





එන්න....
තමන් කැමති පක්ෂයේ  මැයි රැලියේ සෙනග ෂෙයාර් කර  විනෝද  වන්න එන්න .....

source and photos : link1 link 2

Wednesday, April 5, 2017

සටන හරියට කරමු .....

සටන හරියට කරන්න මුලින්ම කුහක කම ඔලුවෙන් අයින් කරන්න වෙනවා ...... දොස්තර කියන්නේ අනෙක් රස්සා වගේම එකක් කියල හිතන්න වෙනවා ..... කුහක කම එන්නේ දොස්තර කියන්නේ හෙන ලොකු කෙනෙක් අපිට විතරයි පුළුවන් අනිත් එවුන්ට බෑ..... අනිත් රස්සා වගේ නෙමේ මේක ජිවිතත් එක්ක කරන්නේ.... විදිහේ පුහු මානසිකත්වය නැති කර ගන්න ඕනේ ..... මොකද ජිවිතත් එක්ක බද්ද වුන එකම රස්සාව මේක නොවෙන නිසා ...... 

කුහක කම අයින් කරාට පස්සේ හිතන්න ඕනේ .... අපේ රටට මේ දේ ඕනෙද කියල ..... සිය ගණනක් පිට රට ගිහින් ඉගෙන ගෙන එන එක හොද වෙන්නයි .... මෙහෙ ඉගෙන ගත්තම වැරදි වෙන්නයි බෑනේ .... ඒ කියන්නේ මේ රටේ ඕනේ දෙයක් ..... මෙහෙ තිබ්බා නම් අපේ අය චීනේ රුසියාවේ නේපාලේ බන්ග්ලාදෙශේ ඉන්දියාවේ යන්න ඕනේ නෑ .... චීනේ රුසියාව නම් ටිකක් හොද වුනත් අනිත් රටවල් ගන්න දෙයක් නැත ..... ඒ කියන්නේ මේ රටේ නැති දෙයක්.... 

සයිටම් එන්නේ ඔය වෙළදපොල අවශ්‍යතාව තේරුම් අරගෙන ...... ඇත්ත, සයිටම් කොලේ වහලා ඕක පටන් ගත්තා ..... හරියට පහසුකම් ටික නැතුව උන් පටන් ගත්තා ..... ළමයි ගියා .... ප්‍රමිතියක් නෑ කිව්වා ..... ප්‍රමිතිය හදාගන්න දුන්න ඉස්පිරිතාලේ සයිටම් ළමයි එනවාට ස්ට්‍රයික් කරලා නැවැත්තුවා ......GMOA එකේ අවුල් විසදගන්න උසාවි යන්න වුනා ....නඩුව දින්නා ..... ඔය සිද්දි වෙන්න කලින් කාලයක් තිබ්බා GMOA එකේ සහතිකේ ගන්න ඕන දෙයක් කරන්න කැමති වෙච්ච කාලයක්.... ඒ කාලෙත්  වහපන් වහපන් කියන්නේ නැතුව ප්‍රමිතිය හදන්න ඇත්තටම වැඩ කරානම් ප්‍රශ්නේ සැහෙන දුරට විසදිලා.....

වහපන් කියන්න ලේසි හරියට කරන්නේ කොහොමද කියන එකයි අමාරු ...... 
රටට අවශ්‍ය දෙයක් නිසා කරන්න තියෙන්නේ  ප්‍රමිතියක් ඇතුව කොහොමද ඕක කරන්නේ කියල ..... මුලින්ම කරන්න ඕනේ දැනට තියෙන මෙඩිකල් ෆැකල්ටි එක්ක අලුතෙන් දාන ඒවා එකතු කරන එක ..... ඒ කියන්නේ අලුතෙන් දාන එකේ විභාග  ඇතුලත් වීමේ ක්‍රම ඇතුළු බොහෝ දේ රජයේ මෙඩිකල් ෆැකල්ටි එකේ අනුමැතිය මගින් පවත්වන් යන එක ..... මේක රජයේ මෙඩිකල් ෆැකල්ටි එකට අලුතෙන් වැටෙන වැඩක් නිසා සෑම ළමයෙක්ගෙන්ම යම්කිසි මුදලක් රජයේ මෙඩිකල් ෆැකල්ටි එකට ගන්න ඕනේ .... මේකෙන් ඒ රජයේ මෙඩිකල් ෆැකල්ටි වල අවශ්‍යතාවන් සදහා අමතර අදායම් මාර්ගයක් ද වෙනවා.... ප්‍රමිතියත් ආරක්ෂා වෙනවා.... සුදුසු කම් තියෙන අයට ඇතුලත් වෙන්න පුළුවන් වුනාට හොදම අය විතරක් එලියට එන්න මේ ක්‍රමෙන් පුළුවන් ...... විභාග ක්‍රමය විනිවිද බාවයකින් කරන් යන එක රටේ කාටත් හොදයි ..... විභාග තොග ගණන් ෆේල් වෙන තැනකට ලක්ෂ ගණන් පුජා කරන්න කවුරුත් එන්නේ නෑනේ.... ඒ නිසා නිකන්ම ඒ ඒ ආයතන වලට තමන්ගේ ප්‍රමිතිය ගුණාත්මකභාවය ගැන දෙපාරක් නෙමේ තුන් හතර පාරක් හිතන්න වෙනවා ...... 

සටන කරන්න ඕනේ කුහකත්වය නැතුව රට ගැන වගේම අනාගතේ ගැනත් හිතල .... මොන සටන කරත් වැඩක් නෑ සාමාන්‍ය මිනිහට කරදරයක් වෙලා ..... ස්ට්‍රයික් කියන්නේ ස්ට්‍රයික් එකේ මේ මේ අංශ වැඩ අනිත් ඒවා වැඩ නෑ කිව්වට එකෙන් තැලෙන්නේ අසරණ මිනිස්සු ...... මිනිහෙක් දෙය්යනේ කියලා ගෙදර යන්න හැදුවම පාරේ නටනවා ..... ඉතින් කොහොමද මිනිස්සු සටනට එකතු වෙන්නේ ..... මිනිස්සුන්ව තරහා කරන් ඉවරයි .....  කොටින්ම විශ්ව විද්‍යාල සිසුවා කියන චරිතේ සමාජෙන් අයින් වෙලා ඉවරයි ..... ඕන එකයි එපා එකයි හැම එකටම විරුද්ද වුනාම ඇත්තම සටනට කවුරුත් නෑ.... CCTV දැම්මත් වැරදි ..... ගහගෙන කොල්ලෝ  හිරේ ගියාම එකටත් උද්ගෝෂණ ....නවක වදේ දීලා ළමයි මැරෙනවා ..... ඕවා අහල ඉන්න කන් වලට කොච්චර ලොකු ප්‍රශ්නයක් වුනත් අහන්නේ නෑ ..... එක නිසා මොනවා කරන්නත් කලින් විශ්ව විද්‍යාල සිසුවා කියන ප්‍රතිරුපේ හදාගන්න ඕනේ ..... ජය වේවා ...... 

Sunday, March 26, 2017

පිරිමි හිංසනය


සැමදෙනාම කාන්තා හිංසනය ගැන කතා කරන නමුත් පිරිමින්ට කාන්තාවන්ගෙන් වෙන  හිංසනය ගැන කතා කරන්න කවුරුත් නැත .....  සංවිධානද නැත .....
ඉදන් ඉන්නා විට මුහුණ දෙන මුලිකම හිංසනය නම් උරහිසේ යටි බඩ පාර්ක් කිරීමයි ..... මෙය ඉතාමත් පිළිකුල් සහගත ගමනකට මග සාදන අතර කවුරුත් ඒ ගැන තැකීමක් නැත .....
උස කොල්ලෙක් මුහුණ දෙන මීලග ප්‍රධානතම හිංසනය වන්නේ තනමඩල මුහුණේ ඇතිල්ලිමයි.... උදැසන කාලයේ මෙය තරමක් ඉවසා සිටිය හැකිවුවත් සන්ධ්‍යා කාලයේ ඉවසා සිටිය නොහැකිය .....
මේ අනුව ගත් කල අසුන් ගෙන සිටීමේදී හිංසනය වන පිරිමියා සිට ගත් පසු මුහුණ දෙන්නේ ඊටත් වඩා භයානක තත්වයකටය.....
සෙනග පිරිණු බස් වල දීර්ඝ ඇලපිල්ලක් සේ ගමන් කරන අපිට රියදුරු මහතාගේ මෘදු තිරිංග පහරවල් හමුවේ ලග සිටිනා කාන්තාවකගේ ඇගේ වැදුනොත් ලැබෙන්නේ රැවුම් ගෙරෙවුම්ය ..... "මොකද ආ " "මොකෝ ඇගට එන්නේ " යනුවෙන් ශබ්ධ නගා ඇසුවොත් කලහැක්කේ ලග ලග බස් එන පාරක්නම් ඊලග බස් එකේ යාමය .... නැත්තම් වටේ පිටේ සිටින උන්ගේ රැවුම් උපහාස අපහස මතින් ගමනාන්තය කරා ගමන් කිරීමයි .....
මෙකි කාරනා කෙසේ වුවත් ශ්‍රී ලාංකීය බස් වල ජැක්සන්ලාගේද අඩුවක් නැත.... එකී සුවහසක් වූ ජැක්සන්ලා නිසාවෙන් අපිටත් ජැක්සන් ලේබල් වැදීම සාධාරණද ???
මේසා ප්‍රශ්න ගොඩක් ඇතිව ගමන් කරන අපිට කාගේ සරණක්ද ???

Monday, February 13, 2017

ඔලමොට්ටලකමද? කාලකන්නිකමද ?


අරාෂ් යනු මහලොකු ගායකයෙක් නොවුවත් ඔහු රසිකයන් මිලියන 2.7යි ගණනක් සිටිනා තම නිල ෆේස්බුක් පිටුවේ පලකරේ "ශ්‍රී ලංකාව කොච්චර ලස්සනද" යනුවෙනි ..... එකට අපේ එවුන් දාපු කමෙන්ට් කියවීමෙන් ඇති වුනේ මහත් සංවේගයකි ..... අප රටට ඔබ සාදරයෙන් පිලිගන්නවා.... පැමිණියාට ස්තුති... හොද නිවාඩුවක් ගත කිරීමට ලැබේවා.... මේ ස්ථානත් බලන්න යනුවෙන් සදහන් නොකර ඔවුන් සියල්ල සටහන් කර ඇත්තේ පල්හෑලිය.... කුණු හර්පය.....



එහි තිබු තවත් විදේශිකයෙකු සටහන් කල "Yes, i went there. Very nice country and well behaved people." කමෙන්ට් එකට තිබුනේ මෙවැනි ප්‍රතිචාරයකි "You are welcome bro.... මේ ආයි එන්න උකන්න ලෑස්ති වෙන්න එපා ඉන්න රටකට වෙලා හිටහන්"



මේවා ගුගල් ට්‍රාන්ස්ලේට් පාවිච්චි කර ඉංග්‍රීසියට හරවා බැලීමට අරාෂ්ට හෝ වෙනත් විදේශිකයෙකුට ඇගේ පතේ අමාරුවක් නැති වුනත්... අපේ රටට නොමිලේ ලැබුන ප්‍රචාරණ අවස්ථාව අපි අහිමි කරගෙන අවසානය ... රටේ තරුණ පරම්පරාව මෙවැනි ඕලමොට්ටලයන් නම් කාලකන්නින්නම් තව අවුරුදු 30කට 40කටවත් මේ රට ගොඩ යන්නේනම් නැති බව තක්කෙටම පැවසිය හැකිය ......

Tuesday, January 31, 2017

SAITM තීන්දුවෙන් ඔබ්බට .......


දොස්තර කෙනෙක් යනු අපේ සමාජය විසින් ඉහළ වටිනාකමකට ඉහළ දැමු රැකියාවකි ..... දෙමාපියන් වලි කන්නේ කෙසේ හෝ තම පුතා හෝ දුව දොස්තර කෙනෙක් කිරීමටයි... විවාහයක් ගැන බැලුවත් සෙව්වේ දොස්තරලා ඉන්ජිනේරුවෝය .... තම පුතා දුව ලේලි බෑනා එකී වෘතින්ගෙන් එකක් කරනවා දැකීම එකම පැතුම විය ..... මෙකි සමාජ තත්වය නිසාවෙන් වෙන කෙනෙක් අදාල අංශයට පැමිණීම වැලක්වීමට කුහක කමක් උපදින්නේ නිරායාසයෙනි ......

මෙකි ක්ෂ්ත්‍රයන් වෙනුවෙන් විශ්ව විද්‍යාල ප්‍රවේශ සදහා ඇත්තේ තියුණු තරගයකි ..... ඉතා සුළු පිරිසක් එකී වාසනාව ලබන අතර බහුතරේ එලියට විසිවෙයි ...... මෙකි තරගයෙන් එලියට විසිවූ යහමින් මුදල් තිබෙන පිරිස් වෙනත් රටවල් කරා යන්නේ එකී ආශාව සපුරා ගන්නටය ...... මුදල් නැතත් මධ්‍යම පාන්තිකයන් පවා කෙසේ හෝ ණය වී තම දරුවන් වෙනත් රටවල් වලට පිටත් කරන්නේ වෙනත් අංශ ගණනාවක් තිබුනත් දොස්තර පට්ටම කෙසේ හෝ දරුවාට ලබා දීමටය ..... 

මෙකි කරුණ නිසා පිටරට නොගොස් ලංකාවේම ඒ සිහිනය සැබෑ කරන ආයතනයක් ලෙස SAITM කල එලි බසින්නේ තුබූ වෙළදපොළ තත්වය හොදින් අධ්‍යනය කිරීමෙන්ය ..... එකී ආයතයට තිබු ප්‍රධාන ගැටලුවට අද විසදුම් ලැබුනේ අධිකරණයෙනි ...... 

මටනම් මෙකි ආයතනයට විරුද්ද සටන පටන් ගත යුතුව තිබුනේ එය වසා දැමීමට නොව එහි ප්‍රමිතිකරණය ඉහල දැමීමටය.... එසේ වූවානම් තත්වය වෙනස් වීමට ඉඩ තුබුණි..... රජයට පවරා ගන්න වැනි මෙලෝ රහක් නැති සටන් පාඨ වෙනුවට ප්‍රමිතිකරණය ගෙන ආවනම් සිදුවන්නේ රට තුලම හොද අධ්‍යාපන අවස්ථාවක් උදාවීමයි ...... තවද සිසුන් කොටසක්, උසස් පෙළින් රජයේ විශ්ව විද්‍යාල සදහා නොතේරුන අයට පුර්ණ ශිෂ්‍යත්ව යටතේ බදවා ගැනීම අනිවාර්ය කිරීම වැනි දේවල් තුලින් තවත් කිහිප දෙනෙකුට නොමිලේ ඉගෙනීමට අවස්ථාව ලැබෙනු ඇත ..... මේ කිසිවක් නොකර තිබු කුහකත්වය වසා දැමීමට භාවිතා කලේ නිදහස් අධ්‍යාපනය නමැති සළුවය ..... එකල සටන දියත් කරේ ප්‍රමිතිකරණයට නම් ලැබෙන මහජන සහයෝගයද ඉහලය ..... ඒ තමාගේ ජීවිතය ගැන මහජනයා සිතන බැවිනි.... එත් වසා දමව් .... අපිට එපා....එකී මෙකි නොකී දේවල් වලින් පෙන්නු කුහකත්වය නිසා මහජන සහය අඩුවුණේ කුහකත්වය ඔවුන්ට තර්ජයනක් නොවන නිසාවෙනි ..... 

කෙසේ හෝ තීන්දුව ලැබී අවසන්ය ..... මෙය අවසානය නොවේ..... 
මෙයයි ආරම්භය ..... ඔබට වැඩකිරීමට සිදුවන්නේ ඔබට අකමැති පිරිසක් සමගය.... ඔවුන්ගෙන් නොයෙකුත් පීඩන ලැබෙන්නට ඉඩ ඇත .... ඇනුම් පද අසන්නට ලැබෙනු ඇත ... තවම එක බෙහෙත් පෙත්තක් නොදුන්නත් ඔබ සැම මිනීමරුවන් කර අවසානය ..... දැනට ලංකාවේ කිසිදු වරදක් දොස්තරලා අතින් සිදුවී නැත ..... ඔවුන් සර්ව සම්පුර්ණය ....
තත්වය එසේවුවත්, 
කුහකත්වය පසෙක ලා ඔබට  කිරීමට ඇත්තේ ..... ප්‍රමිතියේ වරදක් ඇත්නම් ඒ පිළිබද සටන් කිරීමයි ....එය නිවැරදි කිරීමට සහය දීමය .... දෙයක් වසා දැමීම ලේසිය.... පවත්වාගෙන යෑම අපහසුය ..... හෙට දිනයේ ඔබ යටතේ පුහුණු වීමට පැමිනෙන අලුත් සිසුන්ට නිවැරදි දේ කියාදීමය.... තමන්ගේ කෙනෙක් ලෙස සිතා එකට වැඩකිරීමය ..... මක්නිසාද යත් හෙට දිනයේ ඔබ දෙදෙනාම සේවය කරන්නේ රටටය ........



Tuesday, January 24, 2017

සම ලිංගිකත්වයෙන් ඔබ්බට .......


සම ලිංගිකත්වය,
පිරිසක් එය සාමාන්‍ය දෙයක් ලෙස අර්ථ දක්වද්දී ..... පිරිසක් එය අසාමාන්‍ය දෙයක් ලෙස සදහන් කරයි ..... ඒ සදහා කරන ලද පරීක්ෂණද රාශියකි ..... ඒ නිසා එය තක්කෙටම හරි වැරදි ලෙස ලේබල් කිරීම අපහසුය .....

සොබා දහම ඉතා අපුරුය .... එහි නිපැයුම් ඊටත් වඩා අපුරුය ..... එකී නිර්මාණ වලින් මිනිසා ගන්නේ අද්විතීය ස්ථානයකි ..... බොහෝ ජිවින්  ලිංග දෙකකට වෙන් කරන ලද්දේ තම වර්ගයා බෝකිරීමටය ..... ලිංග දෙකේම  ලක්ෂණ ඇති බැක්ටීරියා ඇතුළු ක්ෂුද්‍ර ජීවින්  විශේෂ අරුණු කොට සෑම ජිවියෙක්ම මෙකි අපුර්ව සංසිද්දියෙන් මෙලොව එලිය දකී .....  ඒ අනුව ප්‍රජනනය ජීවීන්ගේ පැවැත්මට අත්‍යවශ්‍ය සාධකයකි ...... ප්‍රජනනය නොවන තැන ජීවීන්ගේ පැවැත්මක්ද නැත .....

මොණරා සෙබඩක් දැක්කම නටන්නේ තමන්ගේ ලස්සන පෙන්වන්නේ  විරුද්ද ලින්ගිකයෙක් ආකර්ෂණය කරගෙන තම වර්ගයා බෝකිරීමටය ..... මොණරෙක් තවත් මොණරෙක් ලග නටනවා මෙලොව කිසි කෙනෙකු දැක නැත .....  එහෙයින් අපි මේ උත්සහ කරන්නේ සොබා දහම අභිබවා යෑමටය.... සොබා දහමට අපි විරුද්ද වන සෑම විටම සොබා දහම අපිට ප්‍රති ප්‍රහාර එල්ල කරන අතර ඒවායේ වේදනාවන් ගැන අමුතුවෙන් කිව යුතු නැත ..... එහෙයින් සොබා දහමට එරෙහි වන්නට පෙර දෙපාරක් සිතිය යුතුය .....

අම්මා තාත්තා යන සුසංයෝගයෙන් ජිවිතයට ලැබුණු දේවල් අති මහත්ය ...... තාත්තාගේ රැකවරණයත් අම්මගේ සෙනෙහසත් තාත්තලා දෙන්නෙක් හෝ අම්මලා දෙන්නෙක්ගෙන් ඒ දේ ලැබෙයි ද යන්න සැක සහිතය .....
එමෙන්ම ,
නොදරුවා කාලේ තාත්තලා දෙන්නෙක් අම්මලා දෙන්නෙක්  යටතේ හදා ගන්න  ළමයෙක්ගේ මානව අයිතීන් ගැන කවුරුත් කතා කරන්නේ නැත .....ඒ ළමයින්ගේ මානසික තත්වය ගැන කවුරුත් සැලකිලිමත් නැත ..... අවශ්‍ය වන්නේ තමන්ගේ සිතුම් පැතුම් ඉටු කර ගැනීම පමණි ....

උත්තරය හරි සරලය.... මෙවැනි දේවල් සම්මත කිරීමෙන් නීති සැදීමෙන් වෙන්න ප්‍රශ්න රාශියකට අත වැනීමකි ..... අයින් වෙලා යෑම නුවනට හුරුය ....



Saturday, January 14, 2017

අන්ලිමිටට් ඉන්ටර්නෙට් ඇත්තටම ඕනෙද ???


අසීමිත අන්තර්ජාල භාවිතය ඉවත් කල දා පටන් බොහෝ දෙනා මැසිවිලි නැගුවේ අසීමිත අන්තර්ජාල භාවිතය නැවත ලබාදිය යුතුබවය ...... මුල් කාලයේ මාත් ඒ මතයේ සිටියත්.... අසීමිතව තිබු කාලයේ කල කී දෑ සහ සිමා සහිත කාලයේ කල කී දෑ අතර පැහැදිලි වෙනසක් තිබු අතර සිමා සහිත කාලයේ භාවිතාව පෙරට වඩා ඵලදායි විය ......

අසීමිත කාලයේ පරිඝනකයට නිවනක් නැති විය ....උදේ සිට රෑ වනතෙක් ගිනිරාමෙට වැඩය .... එන සෑම චිත්‍රපටියම ඩවුන්ලෝඩ් කරන අතර කිසිදු හෙවිල්ලක් බැලිල්ලක් නැත ...... සිමා සහිත කාලයේ ඩවුන්ලෝඩ් කරන්න ෆිල්ම් සොයන්නේ දෙයක් මිලදී ගන්නවා හා සමාන සෙවිල්ලකින් පසුවය.... චිත්‍රපටියේ කතාව ....නළුවන් .... ඒ ගැන ඇති IMDB  අගය මෙකි නොකී සියල්ල සෙවූ අතර දැඩි ලෙස අධ්‍යනය කිරීමෙන් ඩවුන්ලෝඩ් කරයි ...... මෙකි ක්‍රමය පෙරට වඩා ප්‍රයෝගික වන්නේ දැන් තමන් ඩවුන්ලෝඩ් කරන්නේ තමන්ට අවශ්‍ය දේ පමණය ..... මුලින් ඕන එකයි එපා එකයි ඩවුන්ලෝඩ් කර හර්ඩ් ඩිස්ක් එක පිරෙව්වට සමහර ඒවා කිසිදා නොබලයි ...... කොටසක් බැලීමෙන් කතාවේ ඇති නීරස බව නිසා අතර මග නවත්වයි ..... 

මෙය චිත්‍රපටි සදහා පමණක් නොවන අතර අන්තර්ජාලයෙන් ඩවුන්ලෝඩ් කරන සියල්ලටම වලංගුය ... මෙකි ඕන එකයි එපා එකයි ඩවුන්ලෝඩ් කිරීමෙන් නෙට්වොර්ක් ට්‍රැෆික් වැඩිවන අතර අනෙක් යුසර්ස්ලට මෙය ගැටලුවකි ..... එකී කරුණ හේතුකරගෙන සාධාරණ භාවිත ප්‍රතිපත්තිය නමින් කප්පාදුවක් හැමෝටම බුක්ති විදින්නට සිදුවිය .....

අසීමිත ඉන්ටර්නෙට් අවශ්‍ය යැයි කියන අයට ස්වයං අධ්‍යනයක් කල හැක ..... අසීමිත කාලයේ කල කි දෑ හා වර්තමානයේ කරන දෙයින් වඩාත් පලදායි කුමක්ද යන්න ....

ලංකාව වගේ රටකට අවශය වන්නේ සැලකිය යුතු වේගයක් හා සැලකිය යුතු ප්‍රමාණයක ඩේටාය.... ඒ ජාතියක් හැටියට අසීමිත නිදහසක් ලද සැමවිටකම අයාලේ යන නිසාවෙනි....