Tuesday, December 22, 2015

අක්කර 73න් දැන් තියෙන්නේ අක්කර කාලයි.....

බුදුන්ගේ දර්ශනයට අනුව සියලු සංස්කාර ධර්ම නැසෙන සුළුය...... භෞතික දේවල් වලට ලොබ බැදීමෙන් කෙදිනකවත් මේ සසරෙන් එතෙර විය නොහැකිය.......
ඉඩ කඩම්  වලටද ලොබ බැදීමෙන් සිදුවන්නේද මෙකි සංසාරය දිග්ගස්සා ගැනීමකි..... පන්සලක් ඉඩමක් වෙනුවෙන් කෑගැසීම බුදුන්ගේ දර්ශනයට විරුද්ද වුවත්....
මේ ඉඩම් ආක්‍රමණයට අපි විරුද්ද විය යුත්තේ අන්කිසිවක් නිසා නොව .... මෙයින් වැලලෙන්නේ අපේ රටේ ප්‍රෞඩ ඉතිහාසය නිසාවෙනි.....
හැබැයි මේ ඉඩම් ගැන කතා කිරීමෙන් මට ජාති වාදී ලේබලය වැදීමට ඉඩ ඇතත්, මා මේ ගැන සටහනක් තබන්නේ අද මා විදි ඒ ඉතිහාසේ දැවැන්ත නිර්මාණ ලක්වාසී අනාගත දරුවන් හා දරුවන්ගේ දරුවනුත් දැකීමට ඇති අසාවත් යුතුකමත් නිසාවෙනි......
අතීතයේද විවිධ ආක්‍රමණ වලින් මේ දේවල් බේරාගත් මුතුන් මිත්තන්ට පින්සිද්ද වෙන්න අපි ඒ ඉතිහාසය වර්තමානයේ බුක්තිවිදී ..... මේ අපේ වෙලාවයි...... 
මේ දේවල් අනාගතයට රැගෙන යනවාද නැද්ද යන්න ඔබට බාරය..... 
මෙය මුස්ලිම් මිතුරන්ට විරුද්දව ගෙන හැර පාන ලිපියක් නොවුනත් .... ශ්‍රී ලාංකිකයන් හැටියට මාගේ හිතාදර මුස්ලිම් මිතුරන්ටත් මේ ගැන වගකීමක් ඇත..... මේ මියයන්නේ ඔබෙයි මගෙයි රටේ ඉතිහාසයයි......



මුහුදු මහා විහාරය අපට වැදගත් වන්නේ ඉතිහාසේ මුහුදට බිලිවෙන්න ගිය විහාරමහා දේවිය ගොඩබැස්ස ස්ථානය හැටියටය..... කිරින්ද ප්‍රදේශයද මෙම සිද්දියට නෑකම් කිව්වත් පිළිගත හැකි සාක්කි රාශියක් මේ ප්‍රදේශයේ ඇතිබව විහාරයේ වැඩවසන හිමිනමක් සදහන් කරේ අවට ගම් වලට වැටුන නම් වලටත් ඇති සම්බන්ද කම් ගෙනහැර පාමිනි... ඒ  අද කෝමාරි නම් ගමට නම වැටුනේ කාවන්තිස්ස රජු "කෝ කුමාරි " ලෙස හැදින්වූ ප්‍රදේශය බවට ජනප්‍රවාදයේ සදහන්...... විහාරමහා දේවිය හා කාවන්තිස්ස රජුගේ විවාහය සිදුවූ මගුල් මහා විහාරය පිහිටා ඇත්තේද මේ ආසන්නයේ වීමද තවත් සාධකයකි...... මේ මුහුදු මහා විහාරයේ වැදගත් කමයි......

විහාර මහා දේවි පිළිරුව
මගුල් මහා විහාරය (ශාලාවක නටබුන් )

මගුල් මහා විහාරයේ ඇති විවාහ වීමට භාවිතා කරා යැයි සැලකෙන පෝරුව 

1967 ඇති ඉඩම් ඔප්පුවට අනුව පන්සලට අක්කර 73ක් අයිති වුවත් 1975 සිට පැවිති ආක්‍රමණශීලි පිළිවෙත නිසා මේ ඉඩම් අත්පත් කරගැනීම් සිදු වී ඇත.... මේ බොහෝ නිවාස ඉදිකිරීම් සිදුකර ඇත්තේ වටිනා පුරාවිද්‍යා සාදක මත වීම තවත් දුකට කාරණාවක්..... එත් විහාර වාසි හිමිනමගේ ප්‍රකාශයට අනුව පුරාවිද්‍යා කැනීම් මගින් තවත් දේ සොයාගැනීමට හැකිය..... නමුත් ඒ සියල්ලට දේශපාලනය හරස් වී ඇත..... ඒ මේ ප්‍රදේශයේ එකදු සිංහල පවුලක් නොමැති නිසා දේශපාලුවන් මේ ප්‍රශ්නයට අත දැමීමට බය තමාට ඇති චන්ද ගොඩ අඩුවෙයි යන කාරණාව නිසාවෙනි..... මෙකි කාරණාව නිසාවෙන් විහාරයේ වැඩවසන හිමිවරුන් තමන්ගේ දානය තමන් විසින්ම පිළියෙළ කරගනි..... ඒ අන් විකල්පයක් නැති නිසාවෙනි..... දහමට මෙන්ම ගොවිතැනටත් මේ හිමිවරුන්ට දක්ෂ වීමට සිදුවන්නේ වන්නේ  පන්සල බේරාගැනීමට අවශ්‍ය කායික ශක්තිය ලබාගැනීමටය...... 







මේ පන්සලේ හිමිවරුන්ට ඇති තර්ජනවල ත්‍රීවතාව කියා පාන්නේ රාත්‍රී කාලයේ ආරක්ෂාවට පොලිස් භටයන් දෙදෙනෙකු සිටීමෙනි. ලගදි ආරක්ෂාවට හමුදා භටයන් ඉල්ලුවත් යුද්දයක් නැති නිසා හමුදාව වැඩක් නැතැයි ඉහළ පරිපාලන නිලධාරීන් තීරණය කර ඇති නිසා පොලිස් ආරක්ෂාවෙන් පමණක් සැහීමකට පත්වීමට සිදුවී ඇත.... මෙකි ජිවිත අවදානමෙන් මේ විහාරය රැකගැනීමට හිමිවරුන් වෙහෙසෙන්නේ මේ ඓතිහාසික වටිනාකමක් ඇති දේ ඉදිරි පරම්පරා වලටත් ලබාදීමටය..... පහුගිය රජයෙන් යම් කිසි සහයක් ලැබුනත් වත්මන් රජය ගැන එතරම් පැහැදීමක් නැත්තේ ....ඒ වත්මන් ජනාධිපති අතින් චෛත්‍යය විවෘත කිරීමේ උත්සවයේදී  ලබාදුන් වාර්තාවට තවමත් කිසිදු ප්‍රතිචාරයක් නොලැබීමයි.... 

අක්කර 73කින් අක්කර කාලකට ලඝු වූ මුහුදු මහා විහාරයේ අනාගතය අවිනිශ්චිතය ...... වෙන රටවල් වලට නැති ප්‍රෞඩ ඉතිහාසයක් අපිට ඇත....ඒ ඉතිහාසය අපේ මුතුන් මිත්තන් සොළින්ගෙන් පටන්ගෙන් ඉංග්‍රීසින්ගෙන් අවසන් වනතුරුම අපට ආරක්ෂා කරදුන්නේය .... එකල ඔවුනුත් මෙය කර හැරියනම් අපට දකින්නට නටබුන් ඉතුරු වන්නේ නැත....   මේ අපේ වෙලාවයි..... 

වාර්තාකරණයේ සාධාරණත්වයක් තිබිය යුතුය..... මේ මුහුදු මහා විහාර ප්‍රශ්නයේ සංශිප්තයකි...... මෙය පිළිබද සම්පුර්ණ වාර්තාකරණයක් කිරීමට බලාපොරොත්තු වන්නේ මගේ හිත මිතුරු ආදිල් සහෝයුරාගේ සහයෙනි .... ඒ තව ජාතියක් තලා පෙලා දැමීමට නොව ..... මා විදි දේ අනාගතයට රැගෙන යාමට ඇති ඒකායන බලාපොරොත්තුවෙනි...... 

විහාරය අවට ඉදිකිරීම්

විහාරය අවට ඉදිකිරීම්

විහාරයේ ඉදිකරන නව නිර්මාණ

විහාරයේ ඉදිකරන නව නිර්මාණ

ඉඩමේ ඔප්පු පෙන්වමින් 

ඉතිරිව ඇති නටබුන්

ඉතිරිව ඇති නටබුන්

ඉතිරිව ඇති නටබුන් 

නටබුන් සංරක්ෂණය කරමින්

විහාරය ඇතුලත 

නමට පමණක් සිමාවූ පුරාවිද්‍යා දෙපාර්තමේන්තුව



ප්‍රකාරයක නටබුන්

පන්සල් භූමියේත් ඇති නිවාස 

Thursday, December 17, 2015

ඒකාබද්ධ විපක්ෂයේ විරෝධය ......



මොවුන්ගේ සමහරක් විරෝධ වලට පදනමක් හා සාධාරණ වුනත් තවත් සමහරක් කරුණු හාස්‍යජනකය .......

1. පාර්ලිමේන්තුවේ ඉන්න ගැඩවිලොන්ට අවුරුදු 5ක් නිකන් හිටියම පෙන්ෂන් දෙන එකේ මේ මිනිස්සු එක ගන්නේ අවුරුදු 20ක් 30ක් වැඩකරලා.... එක නිසා පාර්ලිමේන්තුවේ ඉන්න උන්ගේ පැන්ෂන් කපන්න ....ඊට පස්සේ මේක ගැන හිතමු......

2.මුලින් ඉල්ලුවේ පඩි වැඩිකරන්න එක කරාට පස්සේ එක මුලික පඩියට එකතු කරන්න .... ඊට පස්සේ ආයි පඩි වැඩි කරන්න ....ඊට පස්සේ අයි ඕක මුලික වැටුපට එකතු කරන්න..... දීමනා විදියට පඩි වැඩි කරත් මුලික වැටුපට එකතු කරන එක ලොකු වැඩක් .... ඉස්සර මහින්ද 2500ක් දෙන්නම් කියල අන්දපු කාලේ කට වහන් හිටියා.....දැන් දුන්නට පස්සේ එක මුලික වැටුපට ඕනේ ..... 

3.හෙවිල්ලක් බැලිල්ලක් නැතුව රැල්ලට මිනිස්සු රාජ්‍ය සේවෙට ගත්තා ..... හැබැයි වාඩි වෙන්න පුටුවක් නෑ.....වැඩ කරන්න මේසයක් නෑ..... දැනටත් රජය සේවය ඕනෙවටත් වැඩි ...... ඉතින් තවත් අරන් පඩි ගෙවන්න ඒකාබද්ද විපක්ෂේ සල්ලි දෙනවද දන්නේ නෑ.....

4.පාර්ලිමේන්තුවේ හොරුන්ට බලපත්‍ර හොදයි ..... අපිට නරකයි..... මුලින් උන්ගේ බලපත්‍ර කපමු ....ඒකාබද්ද විපක්ෂේ එකට කැමති වෙයිද .??? 
බදු සහන දීල වාහන ගත්තත් ..... පාරේ යන්න ඉඩ නැත්තම් වැඩක් තියෙනවද ..... ඉස්සර බලපත්‍ර දුන්නම වුනේ එක විකුණලා ඒ සල්ලි වලින් බලපත්‍ර අයිති කාරය වාහනෙකුයි ..... බලපත්‍රේ ගත්ත මිනිහ එකෙන් තව වාහනයක් ගත්ත එක .... එකෙන් එක බලපත්‍රේන් වාහන දෙකක් පාරට ආවා.... මේක අඩුවෙනවා පර්මිට් එක නැතුව සල්ලි දුන්නම.....

5. EPF / ETF ගැන නම් විරුද්දයි.... එක තිබ්බ විදියටම තියෙන්න ඕනේ...එයින් සාර්ථක ආයෝජන සිදුකරත් එයට එක එක විකුර්ති කිරීම අනුමත කල නොහැක....

6. පවුද්ගලික අංශයේ වැටුප් තීරණය වන්නේ ඒ පුද්ගලයා කොතරම් එම සමාගමට වටිනවාද යන්න මතය...එම නිසා රජයට කළහැකි දෙයක් නොමැත...... 

7.පැය 8 වැඩ කාලෙනුත් අඩක් වැඩක් නොකරන නිසා පැයක් 9ක් කෙසේවත් වැඩක් නොකරයි.....නමුත් පඩි වැඩි වීම් ගැනනම් කතා කරයි

8. බදු වැඩි නොකර ඉල්ලන සහන කෙසේ දෙන්නද.... හැබැයි ඇමතිමන්ඩලය අඩු කිරීම පළමුවෙන් කලයුතුය..එවිට සැහෙන මුදල් ඉතිරි කරගත හැකිවුවත් පවතින දේශපාලන ජඩ කම නිසාවෙන් මෙය සිදුකිරීම හීනයකි....

9. මෙයත් රථවාහන තද බදය නිසා ගත් තීරණයක් වුවත් ..... ආණ්ඩුවේ ගොන් කම මැනවින් කියාපායි..... ලංකාවේ අපිට පෙට්‍රල්  නිධි නැත..... හැබැයි රටක් ලෙස සුර්ය ශක්තිය අවුරුද්ද මුළුල්ලේ නිරන්තරයෙන් ලැබේ... එත් සුර්ය ශක්තියෙන් බලශක්ති අර්බුදයට විසදුම් සෙවීමට නොයෑම හාස්‍යට කරුණකි.... නිවාස මට්ටමින් සුර්ය ශක්තියෙන් බලය උත්පාදනය කර එයින් වාහන චාජ් කිරීම කලහැක.... එමෙන්ම නියමු වැඩසටහනක් ලෙස විද්‍යුත් මෝටර් රථ මිලදී ගන්නා අයට සහන මිලට සුර්ය කෝෂ ලබාදිය හැකිය....මේ කිසිවක් සදහා කිසිම පියවරක් නොගැනීම ආණ්ඩුවේ අනාගත දර්ශනය මැනවින් පෙන්නුම් කරයි...... සංවර්දිත රටවල් හැකිතාක් පෙට්‍රල් වාහන පාලනය කිරීමට නිතිගෙනෙන අවදියේ ලංකාව හැකි සෑමලෙසකින්ම  එය අඩපන කරයි......

10. රසායනික පොහොර වලින් ඉවත්වී කාබනික පොහොර වලට අනුගත වීමට පොහොර සහනදාරය කැපුවත්... එහි කාබනික පොහොර වැඩසටහන පැහැදිලි නැත...... කුමක් කරන්න යනවාදැයි පැහැදිලි නැත.....පෙරදිග ධාන්‍යා ගාරය හිස්කිරීමට යනවාදැයි සැක සහිතය.....

පොදු විපක්ෂයේ සමහර කරුණු සාධාරණ වුවත් .... සමහරක් විහිලුවකි...... රජයක් ලෙස ගත් කලත් සමහර යෝජනා විහිළුවකි..... එදා මෙදා තුර ශ්‍රී ලාංකීය දේශපාලනයේ සිදු වුයේ ආණ්ඩුව අයවැය ගැන පුරසාරම් දොඩන අතර විපක්ෂය එයට විරුද්ද වීමය....... එය ලංකාවේ දේශපාලනයට කවදත් පොදු සාධකයකි.....

රට පුරාම වැඩවර්ජන උද්ගෝෂණ ...... 
ඉස්සර නම් වැඩවර්ජනයක් උද්ගෝෂණයක් ආවම 
එක්කෝ කට්ටියව සල්ලි වලින් නවනවා...... 
නැත්තම් දෙකට නවල වෑන් එකේ දාන් යනවා ...... 
වෙනස කොහොමද ...... වෙනස සැපද ??

අරාබි වසන්තය

අරාබියේ නීති ගැන අපි සැවොම දනිමු.....
හොරකන් කරන්න එපා ...... අත් දෙක කපනවා ......
මිනිමරන්න එපා ..... බෙල්ල කපනවා ... එල්ලනවා ......
දුෂණය කරන්න යන්න එපා ..... අවයවේ කපනවා.......
අනාචාරයේ හැසිරෙන්න එපා ...... එක්කෝ ගල් ගහලා මරනවා ..... එක්කෝ  කස පාර ලැබෙනවා......
වෙන ආගම් අදහන්න යන්න එපා ..... කස පාර ලැබෙනවා........ 

මේ දඩුවම් වල සාධාරණත්වය කෙසේ වුවත්...මේවා අපි දන්නේ අද ඊයේ නොවේ.....
තෙල් සම්පතට පින්සිදුවන්න ධනය අතින්ද අඩුවක් නැති මේ මැදපෙරදිග රටවල් වලට අපේ වැනි දුප්පත් රටවල් වලින් යන්නේ අරාබි කරේ සල්ලි මෙහි ගෙන එමටය......

අරාබියේ වැඩිම ඉල්ලුමක් තියෙන්න ගෘහසේවිකාවන්ට හා ඉදිකිරීම් අංශයේ රැකියාවන්ය.....
මේ කොටස් දෙකටම අඩු වැඩි වශයෙන් ලාංකිකයන් වැඩට යන්නේ තමන්ගේ පවුල ගොඩගැනීමේ අවිහිංසක චේතනවෙන්ය......
නමුත් එහෙදි ඔවුන්ට විදින්නට වෙන හිරිහැර ගැන මාධ්‍ය වාර්තා කරන්නේ අද ඊයේ නොව....
එහිදී වැඩියෙන්ම පිඩාවට පත්වී ඇත්තේ ගෘහසේවිකාවන්ය .... සමහර විටෙක ඇග තුල යකඩ ඇන සමග නැවත ලංකාවට එහි ඇති කුරිරු බව කියාපාමිනි.....
ඒවාට එරෙහිව ගත් පියවරක් නැත.... ඒ ඉහල සිට පහළට ලැබෙන කුට්ටිය නිසාවෙනි....
මෑත කාලයේ ගෘහසේවේට යන කාන්තාවන්ට අවුරුදු 5ට අඩු දරුවන් සිටිය නොහැකි බවට ගෙනා නිතිය ප්‍රශංසනීය..... එත් අනෙක් නීති වගේම කොතරම් දුරට ඒවා සාර්ථකව ක්‍රියාත්මක වෙනවාද යන්න ප්‍රශ්නයකි.....

මෑතකදී සමාජයේ බලවත් විරෝධයක් ආවේ... ගල් ගසා මරාදැමීමට සවුදි රජයේන් අප රටේ කාන්තාවකට දඩුවමක් ලැබුන නිසාවෙනි....
එත් එය එරට මාධ්‍ය වාර්තා කරන ආකාරය අනාචාරයේ හැසිරීමට ලැබෙන දඩුවමක් විනා.... අන්කිසිවක් නොව.....
ඒ අතින් බැලුවිට ඒ දඩුවම සධාරණය .... ඇය වරදක් කර ඇත..... එමෙන්ම ඒ අනාචාරයේ හැසිරීමට පිරිමියාට කස පහර 200ක දඩුවමක් දී ඇත.....
වවුලාගේ ගෙදර ගියානම් එල්ලිලා ඉන්න ඕනෙය......
මැද පෙරදිග ගියානම් ගිය වැඩේ කරගෙන එන්න ඕනෙය.....ඒ අතර මෙවැනි දේ කර ගැනීම නොගැනීම ගිය අයවලුන්ට බාරය...... මියයන තුරු ගසන ගල් පහර ඉවසීම සිහිහෙන්වත් සිතිය නොහැකිය.... නිතිය ම්ලේච්චය .... දඩුවම කුරිරුය.... 
එත් මේ නඩු විභාගයේ ශ්‍රී ලංකික කාන්තාවට සාදාරන නීතිමය සහයක් ලැබුනාද යන්න ගටලුවකි..... ඒ රිසානාගේ කදුළු කතාවට හේතු වුනෙත් මේ හරි හැටි නීතිමය සහය නොලැබුන නිසාවෙනි.....
ශ්‍රී ලංකාවේ තානාපති සේවය එතරම් උත්කුර්ෂ්ටය....කීමට වචන නැත  .....එක්කෝ රජයක් හැටියට මේවට විසදුම් හොයන්න ඕනේ....මොකද උන් ජොලි දාන්නේ මේ මිනිස්සු හොයන සල්ලි වලින්ය.... එක නිසා වෙන කාටවත් නොදුන්න විශේෂ අවදානයක් මේ මිනිස්සුන්ට දීම අප කාගේත් වගකීමකි.....

Wednesday, December 9, 2015

නිල ඇදුමේන් අනාගතය දකිමු .......


අපේ රටට හෙන ගහලා තියෙන්නේ..... අපි හැමදාම බැලුවේ එදා වේල කාලා ඉන්න විදියක් මිසක් අනාගතේ ගැන නෙමේ ........
එහෙම අනාගතේ ගැන හිතනවා නම් සමහර විට අපේ වර්තමානයේ කැපකිරීම් කරන්න වෙනවා .....
සමහර ලෙඩ වලට තිත්ත බෙහෙත් බොන්න වෙනවා ......
අපේ රටේ තාමත් දීර්ඝකාලින වැඩපිළිවෙලක් නෑ...... එදාවේල ටුවර් එකක් තමා හැමෝටම ඕනේ.....
ප්‍රතිපත්ති ප්‍රකාශන ගත්තත් තියෙන්නේ අර සහනාධාරේ මේ සහනාධාරේ ......
හාල් අඩුවට දෙන්නම් .... කාර් දෙන්නම් ....අරව දෙන්නම් මේවා දෙන්නම්......
ලොකු ලොකු අයිඩියාසුත් ඉදලා හිටලා එහෙන් මෙහෙන් දැම්මට ඒවා කරන්නේ කොහොමද කියලා කිසිම අදහසක් නෑ......
ලගදි රජයක් හැටියට නිල ඇදුම් වව්චර් වැඩේ අගය කරනවා ......
මොකද එකෙන් වාසි ගොඩක් වෙන නිසා
1. ඉස්සර ටෙන්ඩර් දාල දෙන්නෙක් තුන්දෙනෙක්ට දුන්න නිල ඇදුම් ඩිල් එක දැන් ගොඩක් අයට ව්වෘත වෙන නිසා..... මොකද මිනිස්සු ගිහින් තමන් කැමති තැන් වලින් ගන්න නිසා වෙළෙන්දන් කිහිප දෙනෙකුට ගියපු අදායම ගොඩක් අයට බෙදිලා යන එක ..... ගමේ කඩේට සල්ලි එන එක ....
2.ආණ්ඩුවක් හැටියට රෙදිවල තත්වය හොයන්න බලන්න කරන්න ඕනේ නැති නිසාත් මිනිස්සුන්ගෙන් බැනුම් අහන්න වෙන්නේ නෑ
3.නිල ඇදුම් රෙදි සල්ලි දීලා අරගෙන ඒවා පැකට් කරලා .... ලංකාවේ සියලුම ඉස්කෝල වලට බෙදාහරින්න ගියාම එකට ප්‍රවාහන , ගබඩා ඒ වගේම ඔය රෙදි එහෙමෙහෙ කරන්න ශ්‍රමයත් ඕනේ වෙනවා ...... ඒ කිසිදෙයක් මේ ක්‍රමයෙන් ඕනේ වෙන්නේ නෑ.....
4.දුරපාලත් වල පාසල් වලට යන ප්‍රවාහන වියදම තවත් වැඩි .....දැන් ලියුම් කවරෙක ඔක්කොම වවුචර් දාල යවන්න පුළුවන් නිසා වෙන පහසුව ......
5.රෙදිවල තත්වය නිසා රෙදි ලැබුනත්  භාවිත කරන්න බැරුව අයින් කරන එකෙන් වන සල්ලි නාස්තියත් .....එනිසා  තමන්ට කැමති රෙද්දක් තෝරා බලා ගන්නට ලැබෙන අවස්ථාව......
5.ටෙන්ඩර් පටිපාටියේ තියෙන දුෂණ වංචා නැති වෙලා යාම......

මේ ක්‍රමයේ වාසි තිබ්බත් ගුරු සංගම් ගැටළු ඉදිරිපත් කරන්නේ කලින් කිව්වා වගේ අදහසේ අඩුපාඩු නොව ... එදා වේලේ තියෙන ගැටලුය..... මේ ක්‍රමයෙන් අනාගතයට වෙන අවාසි නොව වර්තමානයේ ගැටලුයි......
ඒ ගැටළු
1. විදුහල්පතිවරුන්ට වවුචර් 2000ක් 3000ක් අත්සන් කරන්න වෙන එක ..... මෙය ප්‍රධාන පාසල් වලට සත්‍යකි...... ප්‍රධානම පාසල් වල 3000ක් නොව 6000 ඉක්මවා යයි..... මේ අත්සන් කිරීමෙන් සහතික කිරීමක් ...වලංගුතාවක් වවුචරයට දෙන්න උත්සහ කලත් එය කෙතරම් ප්‍රයෝගිකද යන්න ගැටලුවකි..... ඒ ඕනෙම කෙනෙක්ට හොර අත්සනක් .... සිල් එකක් ගහන්න බැරිකමක් නැති නිසාවෙනි .... මේ සදහා අපිට තොරතුරු තාක්ෂණයෙන් වැඩක් ගත හැකිය ..... ඒ වවුචරයේ වලංගු අවලංගුතාව සෙවීමට SMS හා Online සේවාවක් මගිනි. බොහෝ රෙදි සාප්පු සම්ප්‍රධායික බිල් පොත් වෙනුවට software මගින් තම ගිණුම් කටයුතු කරයි ....ඒ සාප්පු බිහිමයක software එක internet පදනම් කරගෙන වැඩකරන නිසා වවුචර් අංකය අන්තර්ජාලයෙන් පරික්ෂා කල හැක..... එවැනි පහසුකම් නැති සාප්පුවක් නම් SMS මගින් එහි වලංගුතාවය පරික්ෂා කල හැකිය..... මෙමගින් ඒ අත්සන් ප්‍රශ්නය විසදේ......
2.වවුචරය ගැනීමට දෙමාපියන් නිවාඩු ගෙන පැමිණිය යුතුබවට කරන ප්‍රකාශය..... මෙයට විසදුම වර්ෂ අවසානයේ ළමයාගේ තත්වය සාකච්චා කරන ගුරු මාපිය රැස්වීමේදී මෙය ලබාදීමයි..... එවිට අතිරේකව පැමිණිය යුතු නැත.....
තවත් පොඩි පොඩි ගැටළු මතුකරත් ඒවා මෙහි සදහන් කිරීමට තරම්වත් ගැටළුවක් නොවේ.......
සමහර දේවල් එක රැයින් සාර්ථක කිරීම අපහසුය ...... අද වැරදුනත් හෙට නිවැරදි කරගත හැකිය .....
අද නොව හෙට දකින්න .......

නාදුනන මිතුරන්ගේ කිලිනොච්චි සවාරිය පාර්ට් 3

හුටා......
හොදටම එලිය වී ඇත ..... වෙලාව 9.30 .....
කිලිනොච්චි නගරය හෝටලේ බැල්කනියේ සිට 

මුලතිව් බස් එක 10.05ට බව හෝටලේ බලාගන්නා කෙනා කිව නිසා අපි කඩිමුඩියේ ලෑස්ති වී උදේට මොනවා හරි බඩට දාගන්න ලගපාත කඩයක් සෙව්වේය.......





කිලිනොච්චි express ඒ අවට සංචාරයේ යෙදෙන බැවින් ඔවුන්ට නම් ඕනෑතරම් වෙලා ඇත.....
බසයක් එනකන් 
ගමන් කලයුතු මාර්ගය

එත් අපි මුලතිව් ගොස් ඒ ගමට නැවතත් යා යුතුය......
කොලබ කොටන බස් අතර කිලිනොච්චියේ බස් මසුරන්ය.....
80ට වගේ යන අතර කොටන්නේ නැත..... 
මිට පෙර වතාවක් මුලතිව් හි සංචාරය කල මට එහි ඇතිවී තිබු දියුණුව හොදින් දැනුනි...... 

මහින්ද මාමා මෙච්චර වැඩ කරලත් ඒ පැත්තේ පරදය.... 
නන්දිකඩාල් පසු කර යන අතරේ යුද්දයේ අන්තිම දවස් මනසින් මවා ගැනීමට උත්සහ කරත් එය නිෂ්පලය .....
යුද්දයක් නොතිබූ තරම්ය.... 
අළුත් පරිපාලන ගොඩනැගිලි
නන්දිකඩාල් කලපුව

මුලතිව් නගරයට පැමිණි අපි ඉන්පසුව කේප්පාපිලවු ගමට යාමට විදියක් සොයන්න විය......
ඒ අතරේ රුබන්ගේ කේවල් කිරීමේ හැකියාවෙන් උපරිම ප්‍රයෝජන ගෙන 800කට ඒ ගම්මානයට රැගෙන යාමට කැමති වුවත් මේගලා අක්කා ඊට අකමැති වුයේ අපේ චාරිකාව පැය දෙකකට සීමාවිය යුතුබවට ත්‍රිවිල් අයියා දැමු කොන්දේසියත් සමගය....
දුරකතර ගෙවාගෙන පැමිණි අපිට අද එළිවෙනකන් වුනත් වැඩේ කරන්න ඕනේ විය....
අවසානයේ අපිව ගමට ගෙනියමට 1200ක් ඉල්ලු අතර රැදීසිටිමේ බාධාවන් නොමැත......
ත්‍රිවිල් ගමනත් විනෝද වුයේ සද්දන්ත ඇතුන් තිදෙනෙකුත් හා පැටියෙක් එකම ත්‍රිවිල් එකේ ගමන් කිරීමට සිදුවීමයි......
ත්‍රිවිල් ගමන

විනාඩි 45ක පමණ වෙලාවකින් අපි ගමට ලගාවිය....
රුබන්ගේ හමුදා බුද්ධිඅංශ වලින් පැමිණිය හැකි කරදර ගැන තිබු පුර්ව දැනුම් දීමත් .....
අමන්තගේ ඇමතුම් වලත් සැගවුණු භයානක කමක් මේ වැඩේ ඇති බව දැනුනි......
බයෙන් බයෙන් පොඩි පොඩි ෆොටෝ කිහිපයක් ගනිද්දී රුබන් ගමක ගෙදරට ගිහින් වැඩපටන් ගත්තේය ......

ආදිල් බයෙන් බයෙන් ගත් ඒ සුපිරි චායාරුපය


ඔය අතරේ ස්කුටියක් නවත්වා අපෙන් ඇසුවේ අපි කවුද යන්නයි..... මගේ ප්‍රථම මාධ්‍ය අත්දැකීම නිසා ටිකක් බය වුවත්.... පළපුරුදු කණ්ඩායමක් සිටිය නිසා භය තුනී විය......
ආදිල් දෙමල නොදන්නා රංගනයක් ඉදිරිපත් කර මේගලා අක්කා කණ්ඩායමේ නායිකාව ලෙස තම පිරිස ආරක්ෂා කරන ලදී .......
ඒ  අස්සේ ලග තිබු කඩේට ගිහින් ගමේ ප්‍රධානියා ඉන්න තැන අපි ඇසුවේ ඔහුව මුණගැසී තොරතුරු දැන ගැනීමටයි......

ගමේ ප්‍රධානියාගේ තොරතුරු ලබාගන්නා අතර තුර රුබන් පැමිණියේ තවත් කරුණු සොයාගෙනය......
ගමේ සංවර්ධන සමිතියේ නායකයා

ගමේ ප්‍රධානියාගෙන් පසු එම ගමේ එකම සිංහල පවුල සොයා යන ගමනේ රටකජු වගා කරන කාන්තාවන් දැක රුබන් එහි ගියේ අර සිංහල පවුල ඉන්නා ඉසව්ව් සොයා ගැනීමටයි.....
රටකජු වගා කර ජිවන බර තුනී කරගන්නා කාන්තාවන් 

එත් ඔහු නැවත පැමිණියේ සැහෙන වෙලාවක් ගතවූ පසුය ..... ඒ ඔහුට ඒ කන්තවන්ගේනුත් හොද පුවතක් ලැබුණු නිසාවෙනි......
ඒ අස්සේ ගමේ පොඩි එවුන් එහෙ මෙහෙ සෙල්ලම් කරන ඒවත්.... මගේ කොන්ඩ විලසිතවත් නිසා කොල්ලෝ කුරුට්ටෝ ඉගි බිගි පැමින් සැගවී යන එක සුලබ දසුනකි...... 

ඉන්පසු වෙළදසැල් දෙකක් , තවත් පුද්ගලයන් දෙතුන් දෙනෙක් හා හමුදා සාමාජිකයෙක් අපේ කතාවට එකතු කරගන්නට අපිට පුළුවන් විය......
සමහරෙක් කතාවට සෙට් වූ විට ගැලවීම අපහසුය ...... අපිට ඕනේ දේ අරගත් පසු ඔව්න්ගේ කතාවෙන් ගැලවීම චුයින් ගම් වැඩකි..... 
සියලු තොරතුරු රැස්කරගෙන 4ට පමණ ආපසු අවේ කිලිනොච්චි යන අන්තිම බස් එක 4.30 නිසාවෙනි..... කාලය හරස් වීම නිසා එම ගමේ ධිවර පිරිසත් සිංහල පවුලත් අපෙන් මගහැරුනි......
Add caption

අලංකාරව සැකසු ගෙවත්තක් 

ජොලියේ ඉන්නා පොඩිඋන් 

නඩේගුරා රුබන් 

අන්තිම මොහොතේත් තොරතුරු 

මුලතිව් නගරයට රැගෙන යාමට පැමිණි ටුක් ටුක් එක 
කෝවිල

ඒ ප්‍රදේශයේ කොවිලකුත් වැද පුදා ගැනීමට අවස්ථාවක් ලැබිණි...... 
එහිදී මේගලා අක්කා ඇසු ප්‍රශ්නයකින් මම නිරුත්තර වුනෙමි.....
"පසිදු දෙවියෝ කොහේද ඉන්නේ " 
"උඩ වෙන්න ඇති නේද"  කියමින්උඩ බැලු  මට හිනා ගියේ ...... 
සැබවින්ම දෙවියන් කොහේ ඉන්නවාදැයි නොදැන දේවාලවලට යන මිනිසුන් සිහිවීමෙනි..... බඩට නොකා පලතුරු වට්ටි ඔලුවේ තියන් යන නිසාවෙනි .......

දෙවියන් බැහැදැක 

නැවතත් දුර කතර ගෙවාගෙන කිලිනොච්චියේ නවාතැන් පොලට අවේ කරුණු ගොඩක් අතැතිවය.....  
රැට කෑම කා කට්ටිය එකතුවුයේ දවසේ ප්‍රගතිය මැන ඊලග දවසේ කටයුතු සැලසුම් කිරීමටය.....
කණ්ඩායම් දෙකම ප්‍රමාණවත් තරම් තොරතුරු ලබාගත් නිසා ඉරිදා කොලබ ඒමට යොදාගත්තේ වාර්තාව ලිවීමට වැඩි කාලයක් ලබාදෙන බලාපොරොත්තුවෙනි.......
දැන් නම් මට අනිත් අයත් තරමක් කිට්ටුය ..... විහිළුවෙන් තහළුවෙන් ගත කල රාත්‍රියේ නින්දට ගියේ පහුවදා 7.05 කෝච්චියේ කොලබ යන බවට ඒකමතිකව තීරණය කිරීමෙන් පසුවය......




ෆෝන් වල උදේ 5සිට 6 දක්වා විනාඩි 5න් 5ට එලාම් තිබ්බ තරිදු සුව නින්දට වැටුනා...... 
හැමෝම තමන්ගේ ෆෝන් එකේ එළම් තිබ්බේ උදේ 7 කෝච්චිය ගැන සිහින දකිමින්ය ..... මොකද බස් රථය එච්චරටම අතල් ය .... නැවතත් ඒ අතල් එක ගන්න කාහටත් උවමනක්වක් නැත.....