තායිලන්තයේ මියගිය රජු

තායිලන්ත මිතුරු මිතුරියන්ගේ අධික ශෝකය.... මියගිය රජු ගැන සෙවීමට හේතුවක් විය....
රජමාලිගාවේ නොසිට පොලවේ පය ගසා සිටි රජෙක් බව පසක් විය.....
මමයි රජා සංකල්පයේ නොසිට සාමාන්‍ය මිනිසෙක් සේ තමන්ට ලැබුන බලයෙන් ප්‍රයෝජන ගෙන දියුණු වෙමින් පවතින රටක් ලෙස නොසිට ඉහළ අදායම් ලබන රටක් ලෙස ඉදිරියට ගෙන ඒමට කල සේවය..... 
කැමරාවක් කරේ දමන් සිතියමක් අතට ගෙන ගම් නියං ගම් සංචාර ඒ තමන් සරල බව පෙන්වීමටත් වඩා රටට වැඩක් කිරීමටය..... රජ වෙන්න මාන බලන අපේ රටේ....පාලනතන්ත්‍රයේ බලයක් නොමැති වුවත්..... උත්සව වලට පමණක් මුහුණ පෙන්වනවා වෙනුවට ලැබුණු තනතුරෙන් රටට මෙසේ සේවයක් කල ඔහුගේ හැරයාම සැබෑ දුකක් නොවේද???

උසස් පෙළ සමත් විශ්වවිද්‍යාල නොලැබුණු අයගේ සංගමය

මෙහෙමයි ඒ කතාවේ බොහෝ කරුණු කොලේ වහල ගැහුවා කියලයි මට හිතෙන්නේ .... ප්‍රයිවට් රස්සා කරන කොටස අඩුයි කිව්වට නොගැනිය හැකි තරම් කුඩා කිව්වට .... Software,civil engineering වගේ ඒවා වල වැඩිම රස්සා තියෙන්නේ ප්‍රයිවට් අංශයේ නෙමේද ??? MAS එකේ ඇදුම් මහනවා විතරක් කිව්වට තව කොච්චර අය ඉන්නවද උපාධි තියෙන .....තියෙන ඒවා විශ්ලේෂණය කරන්න ....අලුත් ඩිසයින් හදන්න ..... electric වැඩවලට කියක් ඉන්නවද මගේම යාලුවෝ .... එක නිසා මට එක විවාදාත්මක ප්‍රකාශයක් .... ඊලග එක ප්‍රයිවට් හොස්පිටල් යන්නේ හොද සේවාවක් ගන්න ලු .... හොද සේවාවක් නිකන් දෙන්නේ නැති නිසා යන්න වෙනවා තමා..... කාලය නාස්තිකරන්... එක එක්කෙනාගේ ලොකුකම් බලන්නේ නැතුව ප්‍රයිවට් චැනල් කරලා ගියාම දෙනවා හොද සේවයක් ..... (සැමටම අදාළ නොවේ ...කණගාටුවට බහුතරයක් මෙහෙමයි) ඒවාට වැඩපිළිවෙලක් හදන්න මහන්සි වෙන්නේ නෑ.... ලෙඩ්ඩු උදේ ඉදන් පෝලිම් වල ඒවා නැති කරන්න .... අලුත් ක්‍රමවේදයක් ගෙන්න ස්ට්‍රයික් කරන්නේ නෑ....හැබැයි පඩිය වැඩිකරගන්න ... වාහන පර්මිට් එකට .... යාලුවෙක්ගෙ වැඩ තහනම් වුනාම කොටින්ම තමාගේ හා අන්‍යන්ගේ පැවැත්මට තර්ජනයක්නම් තමා ස්ට්‍රයික් මතක් වෙන්නේ ..... සල්ලි තිබ්බා හෝ නැතා ප්‍රයිවට් යන්නේ ඔය නිසා .... කොහොමත් නිකන් දෙන සේවාව හොද එකක් කරන්න කොහොමත් මහන්සි වෙන්නේ නෑ මොකද වැඩියෙන් සල්ලි එන්නේ ප්‍රයිවට් හොස්පිටල් එකෙන් නිසා..... 
ඊලග තර්කෙ තමා ලෙඩවුනාම හොදම තැනින් බෙහෙත් ගන්න උත්සහ කරාට උපාදිය ගන්න හොදම තැනට යන්නේ නෑ කියල ..... හැබැයි එහෙම කියල එයාම කියනවා මවුන්ට් එලිසබෙත් යන්න අපිට බෑ කියල .... ඉතින් හරිනේ උපාදිය ගන්නත් අපිට හර්වර්ඩ් යන්න අමාරුයි ..... මවුන්ට් එලිසබෙත් වගේම .....එක තමා අපි නවලෝකේ යන්නේ ලෙඩක් වුනාම ....එකයි අපි GMOA එක පිළිගත්ත වෙන රටක ගිහින් උපාධිය ගන්නේ ..... ඒ රටවල් වල තත්වේ හොදනිසා නේ GMOA එක පිළිගන්නේ ..... එහෙම ගිහින් ඉගෙන ගෙන එන ළමයා හොද වෙලා රට ඇතුලේ ළමයෙක් ඉගෙන ගත්තම තියෙන අවුල මොකද්ද ??? රට ඇතුලේ හදන එකක් හරියට කොලිටියට හදන්න ඇයි GMOA එකට උදව් කරන්න .... එකේ තත්වේ තියාගන්න බලයක් ගන්න බැරි .... ඒ කිසිම දෙයක් නැතුව එපා එපා කිව්වට හරියන වද ? රටෙන් එලියට යන්නේ අපේ සල්ලි නෙමේද ??? ඒ ටික රට ඇතුලෙම තිබ්බනම් හොද නැද්ද ??? ඇයි ප්‍රයිවට් ඒවා දාන්න වැඩසටහනක් හදන්න බැරි .... හදල පටන් ගන්න අයට උදව් කරන්න බැරි ? 
විශ්ව විද්‍යාල වලට ගන්නේ විද්‍යා විෂයන් වලින් 30% වගේලු එතකොට ඉතිරි පාස් වෙච්ච 70% ?? ඒ අය මොනවද කරන්නේ ?? ඒ අයට උපාදියක් ගන්න අයිති නැද්ද ?? ඒවා ගැන කිසිම කතාවක් නෑ.... ඊළගට කිව්වා උපාධියක් ගන්නේ සහතිකෙටලු ..... සහතිකේ බිත්තියේ ගහන් හිටියම කන්න ලැබෙනවද ??? රස්සාවක් කරලා හම්බ කරන්න දක්ෂතාවක් ඕනේ නැද්ද ??? සහතිකේ තිබ්බම ඔක්කොම හරිද ?? උපාදිය කරන්නේ දෙයක් ඉගෙන ගන්නේ ඒ අංශෙන් ඉස්සරහට යන්න.... හැබැයි මේකත් කියන්න ඕනේ වෙනත් රස්සාවලට වඩා දොස්තර රස්සාව වෙනස් ..... අසනීපයක් හැදුනම මෙයා බැච් ටොප් ද ...ආණ්ඩුවේ කැම්පස් ද සයිටම් ද බලන්නේ නෑ.... එක නිසා ප්‍රයිවට් හරි ආණ්ඩුවේ හරි එලියට එන්නේ හොද පුහුණුවක් ලබපු අය කියල සහතික වෙන්න වැඩසටහනක් හදන්න ඕනේ ....එහෙම නැතුව තවත් කෙනෙක්ගේ ඒ අයිතිය උදුරගන්න එක වැරදි ...... සියලුම දේවල් වලට සටන් කරන ඔය හැම එකක්ම කොහොමද හරියට අපි මේක කරන්නේ .... කියල කතාවක් නෑ.... වහන්න වහන්න ....එපා එපා කියන්න තමා දන්නේ ..... මටනම් තමාත් ප්‍රයිවට් විශ්ව විද්‍යාල එපා කියන සටන් පාඨ ශක්තිමත් මදි ......

අපිට උපාධි අකැපද ?

A/L කියන්නේ කඩඉම් විභාගයක් .... ඒ කඩයිම පාස් වුනේ නෑ කියලා ඒ අයව අවලංගු කාසි කරලා අමතක කරන්න බෑ... හරි එක්කෝ ඒ අය අමතක කරමු ..... ඒ අය වැඩක් නෑ..... 2014/2015 වර්ෂයේ A/L වලින් පාස් වෙලා තේරුන අය 149572යි ..... එකෙන් කැම්පස් ඇතුලට ගන්නේ 25643... ඉතුරු 123929ක් දෙනා ඉන්නවා සුදුසු කම් තිබිලත් ඇතුලට යන්න බැරි ..... මන් වගේ යාන්තම් ජාමේ බේර ගත්ත අය වගේම හොදට පාස් වෙච්ච් අයත් ඉන්නවා ..... ඒ අයට කොහෙද යන්න කියන්නේ ..... ඒ අයත් වැඩක් නැද්ද ..... දැන් ඒ අයවත් ආණ්ඩුවේ ඒවාට ගන්න තමා අපි සටන් කරන්නේ කියන්න එපා .... එක කොච්චර ප්‍රයොගිකද කියන එක ප්‍රශ්නයක් ...... හැබැයි මේ හැමෝම කැම්පස් ඇතුලට ගන්න කොහොමටවත් බෑ කියල මන් කියන්නේ නෑ.... පුළුවන් හැබැයි කාලයක් යන වැඩක් ..... අවුරුද්දෙන් දෙකෙන් කරන්න පුළුවන් වැඩක් නෙමේ ..... එතකන් මේ පාස් වෙන්න අය මොකද කරන්නේ .... ඔය 123929 ඇතුලේ ඉන්නවා අන්ත දුප්පත් අය ..... පහළ මධ්‍යම පන්තිය ....ඉහළ මධ්‍යම පන්තිය ..... ඒ වගේම ඉහළම පන්තිය .... ඒ ඉහලම අය අපි මේ කතා කරන ඒවාට වැඩක් නෑ ලංකාවේ නැති වුනත් ඒ අය රට ගිහින් බැරිනම් කොහෙන් හරි ඉගෙන ගන්නවා ..... ඔතන ප්‍රශ්නේ තියෙන්නේ මම වගේම බහුතරේ ඉන්න මධ්‍යම පන්තියට ..... සම්පුර්ණ නිකන් දෙන අධ්‍යාපනය ලබන්න අපිට බැරිවෙන නිසා අපිට ගානක් ගෙවල හරි ඉගෙන ගන්න තැනක් තියෙන්න ඕනේ නැද්ද ?? ..... නැත්තම් අපිට අසාධාරණයක් නෙමේ ද ??? එකයි මම කියන්නේ ප්‍රයිවට් කැම්පස් ඕනේ කියල..... ඒ වගේම උපාය මාර්ගිකව ආණ්ඩුවට පුළුවන් නීතියක් ගෙන්න හැම කාණ්ඩයකමින්ම ළමයි ගානකට නිකන් අධ්‍යාපනය ලබාදෙන්න ඕනේ කියල...... ලංකාවේ ප්‍රයිවට් කැම්පස් පටන් ගන්නවා නම් මේ නීතියට යටත් වගේ දෙයක් .... ඒ වගේම මේ දාන හැම එකම අධීක්ෂණය කරන්න ආයතනයක් ..... මේ වගේ වැඩපිළිවෙලකින් අන්ත දුප්පත් ළමයි වගේම දක්ෂ ළමයිට නිකන් අධ්‍යාපනයක් ලැබෙනවා ..... හිතන්න .... වහලා දාන්න නෙමේ....කොහොමද මේක හරියට කරන්නේ කියලා...... සල්ලි වලට දෙන හැම එකක්ම බිස්නස් එකක් නම් ලෝකේ ප්‍රධාන විශ්වවිද්‍යාල ඔක්කොම උපාධි කඩ .... කඩයක් වෙන එක වලක්වන්න තමා අධික්ෂණය කරන්න කිව්වේ ..... රටේ ළමයි කියක් යනවද වෙන රටවල ඉගෙන ගන්න රටේ සල්ලි කොච්චර එලියට යනවද ..... යන්නේ අපිටත් වඩා අන්ත රටවල් වලට ..... ඒ අපේ රටේ කරන්න බැරි නිසා ..... හිතන්න .... තව හිතන්න ..... හැමදේටම විරුද්ද වෙන්නේ නැතුව .....කොහොමද මේක නිවැරදි කරන්නේ කියල ...... ජය වේවා

හැකර් ගැන හිතෙන දේ ....

මරන්න බෝම්බෙ අරන් ආපු මිනිහා ඔලුව අතගාල යැව්වා....... වෙබ් සයිට් එක හැක් කරපු එකෙක් පරිවාසේ අනිත් එකා බන්ධනාගාරේ...... 
බලන් ගියාම ජීවිතේටත් වඩා ආදරේ වෙබ් සයිට් එකට..... 
කරපු වැඩේ හරි කියන්න බෑ.... කරන්න තිබ්බේ හැක් කරනවා වෙනුවට හොයාගත්ත වැරැද්ද අදාළ අංශවලට දැනුම් දෙන එක.... සමහර අය කියනවා රස්සාවක් දෙන්න අරවා දෙන්න මේවා දෙන්න.... එත් එකෙන් අනවශ්‍ය විදියට නීති විරෝධී වැඩකට පොලබනවා..... හිතන්න රාජ්‍ය ආයතනයක හරි වෙන ආයතනයක සංවේදී තොරතුරු එලියට ආවනම්..... එකෙන් වෙන්න තිබ්බ විනාශය.... ඒනිසා හොදම දේ අවවාද කරලා නිදහස් කරන එක වගේම..... මින්පසු මෙවන් දෙයක් නොවෙන්න සියලුම සංවේදී තොරතුරු ඇතුලත් පද්ධති වල ආරක්ෂාව වැඩි දියුණු කරන එක...... ප්‍රසිද්ධියේ නොකලත් මෙවැනි හැකියාවන් ඇති පුද්ගලයන්ගෙන් වැඩක් ගන්න එකයි වටින්නේ.......

මෙහෙම ඇදුම් ඇදන් විභාග ලියන එක සාධාරණද ?

මේවා ගැන කතා කරන්න යෑමෙන් මා අන්තවාදියෙක් වන්නට පුළුවන.... එත් කොටසක් මුහුණ පෙනන්න කොට තවත් කොටසක් සර්වාංගෙම වසා කරන සෙල්ලම කුමක්ද ??? උසස් පෙළ වැනි අතිශය තරගකාරී විභාගයක මෙය සුදුසුද ??? අනෙක් අයට අසාධාරණයක් නොවන වා යැයි කිව හැක්කේ කාටද ??? කුවේට් රටේ වරක් සංචාරය කල මා සර්වාංගෙම වසා සිටිනා අය නොදැකපු තරම් .... මුස්ලිම් රටකවත් නැති දෙයක් කොහෙන්ද ආවේ ?? කොහාටද යන්නේ ???

පසුගිය අවුරුදු 10 තුල මෙවැනි අය කියක් දැකලා තිබ්බද ?? දැන් කියක් පෙන්න ඉන්නවද ?? ඇයි මේ නොතිබ්බ ආගමික ඇදුමක් මතක් වුනේ ??? 

මොවුන් ගැනුද පිරිමිද කියන්න  පුලුවන්ද ???? රෙද්දට මුවා වෙලා කතා කරන එක නවත්තන්න පුලුවද ?

කට්ටියක් මුණ පෙන්නද්දී ඇයි කට්ටියක් ඔක්කොම වහගෙන 

මේක ඇතුලේ ෆෝන් තියන් ඇවිල්ලා කෝල් අරන් උත්තර අහන්න  බැරිද ? 

එකම ආගමක් ස්වරූප දෙකක් 

එන්න අපි කතා කරමු මේ ගැන ...... 

Picture credits https://www.facebook.com/mainbattalion/

කොන්දොස්තර නම් ඒ සොදුරු දේශකයාණෝ .....

කොන්දොස්තර  වනාහි ජිවිතයට ධනාත්මක සිතුවිලි එකතු කරන පුද්ගලයෙකි....

"ඉස්සරහට යන්න මැද්දෙන්  ඉස්සරහට යන්න " කාටත් හුරුපුරුදු වදනකි...
 මෙයින් අදහස වන්නේ මැදුම්පිළිවෙත  අනුගමනය කරමින් ජීවිතය ඉදිරියට ගෙන යන ලෙසය..... කවුරුන් දෙපැත්තේ සිටියත් ඉදිරියටම යන්න, ඔහුගේ අවවාදයයි.....

"මැද්දෙන් අත ඇරලා ඉස්සරහට යන්න" 
ජිවිතයේ සමහර විටෙක අපිට සුවපහසු තැනක් ලැබෙන්නට පුළුවන..... බොහෝ අය එවැනි ස්ථානයක් ලැබුන විට කරන්නේ නැංගුරම්ලා ඔහේ ජීවිතය ගත කිරීමයි....සමහරවිට ඒ ස්ථානය හොදම ස්ථානය නොවුනත් අපි එයට ඇලි ගැලී සිටි..... කොන්දොස්තර මහතා කියන්නේ අපිට අවදානමක් ගන්නා ලෙසය..... අපි හොදට අල්ලාගෙන සිටි ස්ථානය අතහැර ඉස්සරට ගිහින් ඊටත් වඩා හොද ස්ථානයක් ඇද්දැයි බලන ලෙසය..... මෙය පාඩමක් කොට ගෙන අවදානමක් ගෙන ඉදිරියට යන්න ඒ ඔහුගේ පාඩමයි...... 

"බහින අය ලංවෙන්න ..... "
ජිවිතයේ සැලසුමක් තිබීම අපට මෙන්ම අන්අයටත් පහසුවකි ...... හිතුමනාපෙට තීරණ ගන්නවා වෙනුවට සැලැස්මක් තිබීම හොදය..... ඒ  නිසා තමන්ගේ ගමනාන්තේ කලින් දැන් ගෙන දොරගවට කිට්ටු වීමට කටත් පහසුවකි..... අවසාන මොහොතේ සැවොම පෙරලගෙන බැසීමෙන් ඔබත් අන්අයත් අපහසුතාවට පත්වේ......

"මාරු සල්ලි අරන් එන්න..."
මෙයත් කලින් සිතුවිල්ලේ දිගුවකි.... යන්නේ කොහෙද ....කියක් යයිද යනුවෙන් පෙර සුදානමක් තිබීම ඔබේ ගමන පහසු කරයි..... පෙරසුදානම ඔබේ ජිවිත ගමනත් පහසුකරන්නේ නිරායාසයෙනි......

"යන්නේ නැත්තම් යන අයට ඉඩදෙන්න "
අන්අයගේ ගමනට බධනොකරන්න ..... ඒ අයට උදව් කරන්න.....

"බහින අය බෙල් එක ගහලා බහින්න " 
තැනකින් ඉවත්වෙන විට අන්අය දැනුවත් කරන්න එය ඔබේ ගමනට මෙන්ම ඔවුන්ගේ ජිවිත වලටද පහසුවකි.....හොරා සේ බහින්න යාමෙන් ප්‍රශ්න ඇති විය හැක එය වලක්වා ගැනීමට නිරතුරුව අන්අයද දැනුවත් කරන්න..... 

මෙවැනි මහානුභාවසම්පන්න ඔවදන් දෙන කොන්දොස්තර මහතා රුපියලක් දෙකක් වැඩිපුර ගත්විට රවන්න එපා ..... ඔබට ඔහුදුන් අවවාද ගැන සිතා සිත සැහැල්ලු කර ගන්න..... දන්දීම සිහියට නගාගන්න ..... ඒ පාඩම මේ සියල්ලටම වඩා ඔබේ ජිවිතයට වැදගත්ය.....

ගොන් ප්‍රසිද්ධිය ........

සමාජ ජාල වෙබ් අඩවි ලෝකයේ තොරතුරු හුවමාරු කරගැනීම අතින් සුවිශේෂී ස්ථානයක් හිමිකරගන්නේ එහි ඇති ජනප්‍රියතාවත්  එකී ජාලය තුල සක්‍රියව සිටින පරිශීලකයන්ගේ ප්‍රමාණයත් අතින්ය..... වෙනදාට වඩා තොරතුරු දැන් අපි අතරට එන අතර ..... මේ එන බොහෝ තොරතුරු වල හරය ප්‍රශ්නකාරිය ...... අපි කරන කියන දෑ ප්‍රශ්නකාරිය.....

එක්ස් එලියන් නමින් ගීතයක් කියා එක රැයින් කොල්ලෝ කුරුට්ටෝ රැසකගේ ආකර්ෂණය දිනා ගත්තේද අනවශ්‍ය දේවල් වලට ගොන් ප්‍රසිද්ධියක් දීමෙන්ය..... සින්දුවක් අහන්න බැරිනම් ..... එයට ප්‍රචාරයක් දීම ගොන් වැඩකි...... එකී ස්ථානය දියයුත්තේ සැගවනු දක්ෂයෙක් එලියට ගැනීමටය...... එත් අපේ බහුතර පිරිස කරේ වෙන කොහෙවත් මෙලෝ දක්ෂ කමක් නැති කෙනෙක් ෆෝම් කිරීමයි......

මෙයින් නොනැවතුනු..... අපේ ගොන් ප්‍රසිද්ධියක් දීමට කැමති ප්‍රේක්ෂක ජනතාවත් ....... රැල්ලට කුමක් හෝ කර අන්තර් ජාලයේ වීරයෙක් වීමට කැමති පිරිසත් එක්වී කිසිදු හරයක් නැති දේවල් හිට් කරන්න පටන් ගත්තේය...... එහි තවත් ඒක් ගොන් ප්‍රසිද්දියක් වුනේ කුණුහරප රැප් ය.... තොප්පිය හරහට දමා ගත් ...... කුණුහරප කියන පිරිසක් අප රටේ බිහිවූ අතර ඊට අපගේ මි හරක් නැවතත් ගොන් ප්‍රසිද්ධියක් දුන්නේ තවත් එකී දේවල් වලට උල්පන්දම් දෙමින්ය..... 

ගොන් දේවල් වලට ප්‍රසිද්ධියක් දීමට වඩා ....අපි මුහුණ දෙන ගැටළු වලට හඩක් දී එය සදහා සමාජය පෙළගැස්වීමත් නිතර නිතර දකින්නට නොලැබුනත් කුඩා පරිමාණයෙන් හෝ සිදුවීම සතුටට කරුණකි..... 
ෆුල් ෆේස් හෙල්මට් තහනමට විරෝදය....
විල්පත්තු සටන .......
ඉන්දු ලංකා අවබෝධතා ගිවිසුම....
අප රටක් වශයෙනුත් .... පුද්ගලයන් වශයෙනුත් මුහුණ දෙන ගැටළු වලට පිළිතුරක් සෙවීමට ගත් අහිංසක උත්සාහයන් කිහිපයකි......

බොත්තමක් තිබු පමණින් එය ඔබා අනවශ්‍ය දේවල් වලට ප්‍රචාරය නොදෙන්න ...... සැමවිටම ඔබටත් ......ඔබේ යහලුවන්ටත් වටිනා දේ බෙදාහරින්න ....... එක්ස් එලියන්ගේ සින්දුව ඔබ එදා අසා ... එයට අනවශ්‍ය ප්‍රචාරයක් ලබා නොදුන්නේ නම් ...... අද එවැනි කෙනෙක් නැත....... කුණුහරප රැප් වලට අනවශ්‍ය ප්‍රචාරයක් නොදුන්නා නම් ඒවා කරන්න හිටිය උනුත් ඒවා නොකර ඉන්නේ ලැබෙන ප්‍රතිචාර අඩු නිසාවෙනි..... එදා ගප්පියාගේ වීඩියෝ වලට ලයික් වැටුනේ නැතිනම්.... පොඩ්ඩා ... නවරන් ඉපදෙන්නේ නැත.... ගප්පියත් වල පල්ලට යනු ඇත..... මේ ආකාරයටම අනවශ්‍ය ගොන් දේවල් වලට ප්‍රතිචාර දැක්වීමෙන් සිදුවන්නේ තව තවත් ගොන් දේවල් සමාජයේ පැතිරීමයි.....
තින්ක් බිෆෝර් ශෙයාර්......

කොදෙව්වන්ගෙන් අපිට ......

බටහිර ඉන්දීය කොදෙව් දුපත් කණ්ඩායම ලෝක කුසලාන දෙකම දිනා ගැනීම සැමතැනම කතාවෙන ප්‍රධන මාතෘකාවකි ...... මෙය සැමි ගේ කතාව ගැන කතා කරන ලිපියකටත් වඩා මා මේ කණ්ඩායම තුල දැකපු අපේ රටට ගත හැකි දේවල් ගැන කෙටි සමාලෝචනයකි ......

ඔවුන් සියල්ල තමන්ගේ රටවල් අමතක කර එක කොඩියක් සෙවනට පැමිණ තිබේ...... රටවල් විසි ගණනක් බටහිර ඉන්දීය කොදෙව් දුපත්වලට අයත්ය..... ඔවුන් ඒ රටවල් අතුරින් දක්ෂයන්ගෙන් සැදුම් ලත් කණ්ඩායමකි..... අපට තාමත් එක කොඩියක් එක ගීයක් වටා එකතු වෙන්න බැරි වුනත් බටහිර ඉන්දීය කොදෙව් දුපත් කණ්ඩායම ඒ කඩඉම් ජයගෙන තිබේ..... ඒ කණ්ඩායමේ සිටින ප්‍රබල ක්‍රීඩකයන්ගේ සැබෑ රට කුමක්ද යන්න බොහෝ දෙනෙක් නොදනී..... එය හුවා දැක්වීමටත් ඔවුන්ට අවශ්‍ය නැත....තමන් ආ රාජකාරිය කර එහි සතුට අභිමානය සමස්ථ කැරබියන් ජනතාවටම ලබාදීම ඔවුන්ගේ එකම අරමුණය.... 

බටහිර ඉන්දීය කොදෙව් දුපත් කණ්ඩායම අපේ රට වැනිය..... එහි ක්‍රීඩකයින් අප රටේ විවිධ ජාතින් වැනිය..... ඔවුන් එකම ඒකකයක් ලෙස එකතු වුවත් අපි රටක් හැටියට තවමත් අසමගිය.... සැමි අහිබවා යෑමට හෝ කැපී පෙනීමට ගේල්ට උවමනාවක් නැත.....  එත් තවත් ජාතියක් පරයා නැගී සිටීම අපේ රටේ අනිත් ජාතින් වල එකම පැතුම වුවත් කොදෙව්වන් එසේ නොවේ..... මගේ හයෙන් තරගය දිනුවායැයි කවුරුත් කැපිපෙනෙන්න යන්නේ නැත....... මගේ විකට් ටික නිසා තරගය ජයගත්තේයැයි පුරසාරම් දොඩන්නේද නැත.... අපි හැමෝගෙම ජයක් යනුවෙන් නටමින් ප්‍රීති වීම පමණක් ඔවුන්ගේන් සිදුවේ.....නටන සින්දුවෙත් තමන්ගේ නම නෑ කියා නටන්නේ නැතුව සිටින්නේද නැත.... එය බ්‍රවොගේ සින්දුවක් කියා තම තමාගේ සින්දු කියන්නේද නැත...
එත් අපි ?? 

එක අරමුණක් වටා සියල්ල අමතක කර අපි එකතු වෙන්නේ කවදා ද ? 

  

සගරුවන කොයිබටද ?

මෑත කාලයේ භික්ෂුව තරම් හැල්ලු වූ චරිතයක් තවත් නැති තරම් ..... උසාවියේ .... පාරේ .... උද්ගෝෂනේ පෙරමුණ ගන්නා අතරම ගැටුම් වලත් පෙරමුණ ගන්නේ බෞද්ධ භික්ෂුවයි.... බෞද්ධයෙක් හැටියට විටෙක දුකක් ලැජ්ජාවක්  ඇති වුවත් විටෙක බෞද්ධයන් හැටියට මුහුණ දෙන ගැටළු වලට සටන් කිරීම ගැන සතුටක්ද ඇති වෙයි.... එත් බෞද්ධ භික්ෂුව පෙරමුණ ගන්නේ කුමන ප්‍රශ්න වලට ද යන්න යම් යම් අවස්ථාවල ගැටළු සහිතය...... 

සුද්දාගේ කාලේ වුවත් නිදහස් අරගල වල පෙරමුණ ගත්තේ බෞද්ධ භික්ෂුවයි ...... එකල තිබු සමාජ ක්‍රමය අනුව භික්ෂුවට ගමේ නායකත්වයටත් එහා ගියා තනතුරක්  නිතරගයෙන් හිමිවූ අතර ගමේ සිදු වූ සැමදේම සිදුවුයේ උන්වහන්සේලාගේ අනුදැනුම යටතේය....සුද්දාගේ කාලේ අපේ දැන් සිටින බහුතරයක් සිටියානම්.... "අනේ හාමුදුරුවනේ දානේ වලදලා බණක් භාවනාවක් කරන්න ඉන්න" යනුවෙන් කියනු නොඅනුමානය..... එහෙනම් තාමත් සුද්දා අපේ රට පාලනය කරනු ඇත...... එක් අතකට එය එසේ සිදුවුනේනම් කොච්චර හොදයිද යනුවෙන් සිතුවත්..... සුද්දා එකල කල කෙනෙහිලි කම් නිසාවෙන් කෙසේ එසේ සිටින්නද ....... එකල තුබූ තත්වයත් දැන් තිබෙන තත්වයේත් වෙනසක් නැත ....වෙනසට ඇත්තේ එකල වෙන රටකින් පැමිණි පිරිසක් සමග සටන් කිරීමත් .... අද අපේම රට ගැන නොහිතන කාලකන්නි පිරිසක් සමග සටන් කිරීමට සිදුවීමයි......

එකල සටන්වලත් භික්ෂුන් වහන්සේලා සංයමයෙන් සටන් කලායි සිතිය නොහැකිය ..... "පින්වතුනේ ... මේ කඩු අරන් සටනට යන්න" යැයි පැවසුවා වෙන්නට බැරිය ...... වාරියපොළ ශ්‍රී සුමංගල හිමියන් ඉංගිරිසි කොඩිය පාගා දාන්නේ "මම ඔය පින්වතුනේගේ කොඩිය පහතට දානවා ..... මේක අපේ රට පින්වතුනේ යන්න ඔබේ රටට " යනුවෙන් පවසා නොවන බව ඕන කෙනෙක්ට තේරෙනු ඇත..... එකල වාරියපොළ ශ්‍රී සුමංගල හිමියන්ගේ භූමිකාවට යම්තාක් දුරකට අද පණ පොවන්නේ ගලබොඩඅත්තේ හිමියන්ය..... ඒ අවේගශිලිව බෞද්ධයා මුහුණ දෙන සමහරක් ගැටළු වලට නායකත්වය දෙමින්ය...... එදා සොමහිමියන් කලෙත් මේ රාජකාරියමය ....නමුත් ඒ තරම් අවෙගශීලි නැත.... නමුත් ක්‍රියාවන් ප්‍රබලය ...... 

මුහුදු මහා විහාරයට, කුරගලට ඇතුළුව දවසින් දවස බෞද්ධයන්ට සිදුවන කෙනෙහෙලි කම් වලට කතානොකර සිටීමෙන් අපේ උරුමය දවසින් දවස මියයන්නේය..... බෞද්ධයන් විදියට සම්පත් වලට ලොබ බැදීම නොකළ යුතුවුවත් අපේ මුතුන්මිත්තන් එදා එය  රැක නොගත්තානම්  අද අපිට අපේ යැයි කීමට දෙයක් නැත..... මේ දේවල් අනාගතයට රැකගෙන යාම අපේ වගකීමක් වගේම යුතුකමකි..... මේ උරුමය රැකගැනීමේ අරගලයේ භික්ෂුන් වහන්සේලාට ලැබෙන්නේ ප්‍රධන ස්ථානයකි ...... එනිසා දේශපාලන පක්ෂ හා මතවලට කඩේයනවා වෙනුවට රට,ආගම,උරුමය  වෙනුවෙන් පමණක් උන්වහන්සේලා සටන් කල යුතුය.... වෙනත් දේවල් සමගත් සටන් කිරීමට යෑමෙන් පිරිහෙන්නේද අපේ බෞද්ධාගමය ..... අවාසනාවකට භික්ෂුන් වහන්සේලා බොහෝවිට පෙරමුණ ගන්නේ කිසිම වැඩකට නැති නොගැලපෙන දේවල් වලට විනා සම්බුද්ද සාසනයට වැදගත් දේවල් වලට නොවේය..... දවසින් දවස සාසනය පිරිහෙන්නේ භික්ෂුන්වහන්සේලගේම වරදින් නොව ඒ සදහා ගිහි අපිත් වගකිව යුතුය..... දැන්වත් අපි සියල්ලන්ම එකතු වී කිසිම තේරුමක් නැතුව  මුවහමට තඩි බානවා වෙනුවට සැබෑ ප්‍රශ්න වලට පිළිතුරු සෙවිය යුතුය..... ගිලිහෙන්නේ අපේ උරුමය මිසක්  වෙන දෙයක් නොවන නිසාවෙනි......

ලෝකයේ පොහොසත්ම රට

භූතානය ජනගහනය අධිකම රටවල් දෙකක් වන චීනය හා ඉන්දියාවට මැදිව පිහිටා ඇති අතර හිම කදු හා වනාන්තර වලින් බහුල සුන්දර රටකි..... ජනගහනයෙන් ගත්තත් දල ජාතික නිෂ්පාදනයෙන් ගත්තත් එය ඉතාමත් කුඩා රටකි..... එරට ජනගහනය ලක්ෂ 8ක් පමණ වන අතර ආර්ථිකය බිලියන 2ක් තරම් කුඩා එකකි..... ඒ  අතින් ගත් කල ලෝකයේ පොහොසත්ම රට භූතානය වීමට කිසිසේත් නොහැකිය.....

භූතානය පාලනය වන්නේ රජ කෙනෙක් හා පාර්ලිමේන්තු ක්‍රමයක් සම්මිශ්‍රවය ..... මෙහිදී වඩාත් වැදගත්ම කරණය වන්නේ රජතුමා විසින්ම තම බලයන් කප්පාදු කරගනිමින් පාර්ලිමේන්තු ක්‍රමයක් ඇති කිරීමයි...... මේ සදහා ජනතාව කිසි විටෙක පාරට බැස උද්ගෝෂණය නොකළ අතර ඔවුන් ඒ දේවල් හීනෙකින්වත් ඉල්ලුවේ නැත..... එත් බුදුදහමින් ලබා ගත් දායාද අනුව යමින් බලය අත ඇරීම තමන්ගේ ජීවිතය සැහැල්ලු කරන බව වටහා ගත් රජතුමා විසින්ම තම බලයන් නැති කරගන්නේ ලෝකයටම ආදර්ශනයක් දෙමින්ය..... අප රටේ ඕනෑම කාලයක් බලයේ සිටිය හැකි බවට නීති අණ පනත් සම්මත වෙද්දී භූතානයේ රජු කැමැත්තෙන්ම බලය අත අරි.... මෙයිනුත් නොනැවතුණු රජතුමා තවත් අපුරු නීතියක් ගෙනාවේය.......

භුතාන රජ පවුල

ඒ  වයස අවුරුදු 65 පිරුණු පසු අනිවාර්යෙන් රජකම ඊලග හිමිකාරයාට දියයුතු බවත්....පාර්ලිමේතුවේ සිට සියලුම ආයතන වල අයත් ඒ වයසට පැමිණි විට විශ්‍රාම ගත යුතු බවත්ය..... අප රටේ පාලනතන්ත්‍රය අරුණු කොට විශ්‍රාම ක්‍රමය ක්‍රියාත්මක වුවත් භූතානය සැබවින්ම වෙනස් ය..... මෙයින් රටේ වැඩ වලට වැඩි වශයෙන් තරුණයන් පැමිණෙන අතර වයසට ගියපසු සැදැසමය ගත කිරීමට අනිවාර්ය කර ඇත..... එත් අප රටේ මළමිනී මෙන් වයසට ගිය අගමැති මන්ත්‍රීන් බහුලය ..... බලය අත ඇරීමට සුදානම් නැත..... රටට අවශ්‍ය තරුණ ජවය කිසිදා නොලැබෙන අතර පියාගෙන් පවුලේ අයට පමණක් බලය හුවමාරු වෙයි..... එත් භූතානය වෙනස් වන්නේ රාජ්‍ය සේවකයන්ට මෙන්ම රජතුමා ඇතුළු අන් සියලුම දෙනාට නිතිය එකක් කරමින්ය..... නීති වලට පමණක් සිමා නොවූ රජතුමා අවුරුදු 51 දී තම ඔටුන්න පුතාට දෙන්නේ වයස 27ක් තරම් අඩුවිටය..... මෙහිදීද යමක් පැවසිය යුතුය... තාත්තා බලයේ සිටින කොට පිස්සු කෙලින පුතාලා රාශියක් වුවත් නව රජතුමා රජකම ලැබුන පසුවත් පිස්සු කෙලියේ නැත.... පියාගේ අඩිපාරේ යමින් රටට අලුත් ඉල්ලකයක් ලබාදී ඒ සදහා වෙහෙස මහන්සි විය.... තමන් ලග ඇති තරුණ ජවය රටේ අනාගතය වෙනුවෙන් වියදම් කිරීමට පටන් ගත්තේය......

භූතානය මුදල් පසු පස හබායන රටක් නොවෙති..... ඔවුන් හබයන්නේ සතුට පසුපසය..... ඉල්ලක්මක් ඇති කොලයකට කොහෙවත් නැති වටිනාකමක් දී  අප ජිවිත පාලනය කරන්න දෙනවට වඩා සතුට වෙනුවන් අප වැඩ කලයුතු බව ඔවුන් ගේ මතයයි.... ඒ අනුව දල ජාතික නිෂ්පාදනය වැනි ලෝකයම පිළිගත් දර්ශක වලට වඩා ඔවුන් මුල් තැන දෙන්නේ දල ජාතික සතුට වෙනුවෙන්ය..... සතුට මනින ඔවුන්ගේම ක්‍රමයක් ඔවුන් භාවිතා කරන අතර ඔවුන්ට වටින්නේ රටේ ඇති සතුට මිස ධනය නොවයි..... මුදල් පසුපසම හබායන රටවල් අතරේ භූතානය උඩුගම් බලා පිහිනීම පටන් ගෙන ඇත.... ඒ සතුට මුල්කරගෙනය..... බුදුදහමෙන් ලැබූ පන්නරයත් උපයෝගී කරගෙන ඔවුන්ගේ ඒකායන අරමුණ සැබෑ සතුට සොයා යාමයි..... ඒ සදහා රජතුමාගේ පටන් සියලු දෙනා බලය අත ඇරීම ආදී සාමාන්‍ය අපිට කිරීමට අපහසු දේ පවා කරයි.....

සුන්දර භූතානය

සතුට සොයා භූතානය යන ගමනේ ඔවුන් පරිසරයට දක්වන්නේ මහත් ඇල්මකි..... ඔවුන්ගේ විවස්තාවට අනුව රටේ භුමි ප්‍රමාණයෙන් 65%ක් අනිවාර්යෙන් වනාන්තර වලින් ආවරණය වියයුතුය..... එය නීතියකි..... දැනට 75%ක් වනාන්තර වලින් ආවරණය වී ඇති අතර ඔවුන් එය 65% අඩුකරනවා වෙනුවට තව තවත් ගස් සිටිවිම පටන් ගෙන තිබේ.....අප රටේ නැවත සිටුවිමක් කෙසේ වෙතත් තියෙන ටිකත් කිසිදු සොයාබැලීමක් නැතුව කපා දමයි.... රජතුමාගේ පළමු දරුවාගේ පැමිණීම සමරන වස් සිදුකලේද ගස් ලක්ෂයක් සිටුවීමයි.... මේසා විශාල වනගහනය නිසාවෙන් භූතානය තම රට නිපදවන කාබන්ඩයොක්සයිඩ් ප්‍රමාණය මෙන් තුන් ගුණයක් නැවත ඔක්සිජන් කිරීමට තරම් හැකියාවක් ඇති රටකි..... එත් ගෝලීය උණුසුම වෙනුවෙන් අබ මල් රේණුවක තරම් වත් දායකත්වයක් නැති භූතානයට ගෝලීය උණුසුමේ ප්‍රථිපල විදීමට සිදුවී ඇත..... ඒ ඔවුන්ගේ ග්ලැසියර දියවීමෙන් සිදුවන ස්වබාවික අපදා නිසාවෙනි.....

භුතාන අගමැති 

භූතානයේ අගමැති කල කතාවක් මේ සදහා පදනම් විය.... එවැනි පාලනයක් ලැබීමට භුතාන වැසියන් සැබවින්ම වාසනාවන්තය..... ජරාජීර්ණ බලය වෙනුවෙන් ඕන දෙයක් කරන්න දෙපාරක් නොසිතන රටක ජිවත් වීම කොතරම් දුකක්ද ??? ස්වාබවධර්මයේ අපුර්ව නවාතැනක් බදු ලංකාව දවසින් දවස විනාස වී යන්නෙත් මේ නිසා නොවද ??
මුදලට වඩා ජිවිතයේ සැබෑ සතුට සොයා යන රටක් වන භූතානය දුප්පත් වුවත් අධ්‍යාත්මික වශයෙන් භූතානය ලෝකයේ පොහොසත්ම රටයි.... ලෝකයට දෙන ආදර්ශ වලින්ද පොහොසත්ම රටයි.....

http://www.ted.com/talks/tshering_tobgay_this_country_isn_t_just_carbon_neutral_it_s_carbon_negative

සතුටින් සිටිනා භුතාන අනාගතය

නළුවෙක් නොව නිකමෙකි....

අපේ මිස්ටර් ක්ලීන් මහතා අද මහා ලොකු වීරකමක් ලෙස තමා ආර්ථිකය ගොඩගැනීමට පැමිණිබවත්.... රාජපක්ෂ එය විනාශ කල බවත් පවසා බදු වැඩි කරේ එයට විසදුමක් ලෙසිනි..... ඒ අනුව රටේ ණයබර අඩුකර රට ගොඩගැනීමට ඇති මාර්ගය ලෙස ඔහු තෝරාගෙන ඇත්තේ ජනතාව මත බදු පැටවීමයි.... 
මේ මොළකාරයා...
ඇමති මණ්ඩලේ සයිස් එක අඩු කරන්න සිතුවේ නැත.....
අනවශ්‍ය වියදම් කපන්න සිතුවේ නැත.....
පර්මිට් නොදී සල්ලි ඉතුරු කරන්න සිතුවේ නැත....
මන්ත්‍රී ඇමති දීමනා කපන්න සිතුවේ නැත.....
ඇමති මන්ත්‍රී පඩි අඩුකරන්න සිතුවේ නැත.... 
මහින්ද දිනකට කාබාසිනියා කල මුදල් ඉතුරුකරත් ඉතුරු වී නැති බව දන්නේ නැත.....
අවුරුද්දක් ගියත් අලුතින් වැඩ පටන් ගන්නා සිතුවේ නැත.....
ආර්ථික දැක්මක් ඉදිරිපත් කලේ නැත.....
එනිසා ..
රනිල් යනු නළුවෙක් නොව මොළයකි 
කියන එකා එළුවෙකි......
එනිසා රනිල් යනු නිකමෙකි....

උස් තැන් දැක හැකිළෙන්නේ ..... මිටි තැන් දැක පුම්බන්නේ ......

මාධ්‍ය ඉදිරියේ වීරයෙක් වීමට ඇති කැමැත්ත එන්න එන්නම වැඩිවේ ..... තමන්ගේ පට්ටම තියාගැනීමට වැඩ කරනවාට වැඩියෙන් වැඩක් කරන බව පෙන්වීම ලේසි පහසුය..... දැන් කාලයේ මේ සදහා ෆේස්බුක් පිටුවක් හා මාධ්‍ය ආයතන දෙක තුනක් හොදටම ප්‍රමාණවත්ය..... තරුණ පිරිස් බොහෝ සමාජ ජාල වෙබ් අඩවි වල පලවන දෙයින්  රට කරන්න සුදුසු අය තෝරද්දී වැඩිහිටි පරම්පරාව රුපවාහිනී නිවුස් තුලින් එය කරයි..... අප රටේ සැබෑ වැඩක් කර ලකුණු දමගන්නාවට වඩා වැඩි වටිනා කමක් වැඩක් කරන බව පෙන්වීමෙන් ලබාගත හැක්කේ ලංකාවේ චන්දදායකයා වඩාත් කැමති ඇක්ෂන් පාර්ට් වලට මිස සැබෑ වැඩ වලට නොවේය...... සරම උස්සන් අපි වගේම පොඩි මිනිස්සුන්ට ගෙම්බර් දමන අය වීරයන් වන අතර.... ලොකුලොකන්ගේ වැරදි  ඉදිරියේ නැට්ට අදෝමුකයේ ඇතුලටම වන්න රදවා ගනී.... ලොක්කන්ට පාර්ට් නොදැම්මත් පොඩි අයට පාර්ට් දැමීම බොහෝ අයට විරකමකි...... 

මෑතකදී නිදහස් චතුරශ්‍රයේ සිදුවීමට ෆේස්බුක් හරහා තටු ලැබුනත් එවැනි සිදුවීම් රාශියක් දිනපතා අපේ රටේ උද්‍යාන වල හා ප්‍රසිද්ධ ස්ථාන වල සිදුවේ ..... හාවා හද දකින්නාක් මෙන් දියත උද්‍යානයට ඇවිදින්න යන මට ආරක්ෂක නිලධාරීන් පෙම්වතුන්ට විසිල් ගහනවා අනන්තවත් ඇසි ඇත..... එවිට ඒ පෙම්වතුන් ලජ්ජාවෙන් එකිනෙකා විස්ථාපනය වී ආරක්ෂක නිලධාරියාගේ සිමා කාරී අවදානම් රහිත කලාපයට නැවතත් ඇතුළු වේ ..... මේ අයට විසිල් ගහන්න කිව්වේ කවුදැයි නොදනිමු.... පෙම්වතුන්ට නිදහසේ පෙම් සුව විදීමට දිය යුතු වුවත් ප්‍රශ්නය ඇත්තේ අපේ අය නිදහසේ සිමා මායිම නොදන්නා එකය...... විහාරමහා දෙවි උද්‍යානයේ ඉස්සර තුබූ සැකැස්ම සමග වටපිට බැලුවොත් දහසක් දේ බලාකියා ගත හැකිය..... කෙලින් බලන් පමණක් ගමන් කල යුතුය .....නැතිනම් දක්නට ලැබෙන දේවලින් ඔබත් සමගම ඔවුනුත් විලි ලජ්ජාවට පත්වනු ඇත....... 

මෙකි ගැටලුවේදී කට්ටිය එකතු වී අද විරෝධතා දැක්වීම අතිශයින්ම අගය කල යුතුය...... එකල සයිබර් ආවකාශයේ පමණක් තුබූ සටන් අද සැබෑ සටන් වී ඇත..... එත් ආචාර්ය පට්ටමක් ඇති හර්ෂද සිල්වා වැනි කෙනෙක්ගේ හැසිරීම අතිශය වැරදිය.....මර්වින් ගේ ආචාර්ය පට්ටමත් මේ පට්ටමේත් වෙනසක් නොපෙනන අතර උගතෙක් ප්‍රශ්නය විසදන ආකාරය එයින් නොපෙන්නුම් කරයි.... මාධ්‍ය හා මිනිසුන් පිරිවරාගෙන ඒ නිලධාරීන්ගෙන් ප්‍රශ්න ඇසීමෙන් කිසිදු දෙයක් දැන ගැනීමට නොහැකිය..... එවැනි වාතාවරණයක කෙසේ තම නිදහසට කරුණු කියන්නද..... අද තමාට අණ දුන් අය ප්‍රසිද්ධියේ  වමාරා හෙට දින රස්සාව නැති වුනොත් කවුරුන්ද වගකියන්නේ ??? අද උද්ගොෂණයට පැමිණි අය හෙට දිනයේ ඔවුන් වෙනුවෙනුත් නිදහස් චතුරශ්‍රයට රැස්වෙයිද ??? 
ඒ නිසා මුකුත් නොකියා මාධ්‍ය ඉදිරියේ පිචන් වුවත් කමක් නැත..... හර්ෂ  ගෙන ආ කොලවල ඔය තීරණ නැත..... ඒවා එන්නේ කට වචනයෙන්ය..... ඒවා නීතිගත කොට එන ඒවාට වඩා උඩින් හිතල උඩින් ගන්නා වැඩිය හිතන්නේ නැති තීරණය.... 

ගැටලුව විසදීමට සැබෑ උවමනාවක් තුබුනේනම් කල යුත්තේ..... රැස්වී සිටි අය සමග කතා කර ඔවුන්ට විදීමට සිදුවූ තවත් එවැනි සිදුවී ගැන දැනුවත් වී ප්‍රශ්න කාරී සිදුවීමට මුලික වූ ආරක්ෂක නිලධාරීන් සමග මේ ගැන පවුද්ගලිකව සාකච්චා කර ඔවුන්ට අණ දුන් ඉහල නිධාරීන් සමගත් මේ ගැන සාකච්චා කිරීමයි.... මාධ්‍ය සංදර්ශයෙන් හර්ෂගේ  ප්‍රතිරූපය ගොඩනැගෙනවා විනා වෙන කිසිවක්  සිදුවන දෙයක් නැති නිසාවෙනි..... ඉහලින් අණක් හෝ තීරණයක් ලැබුනේනම් එය තාමත් එසේමය..... හැබැයි අපේ කට්ටිය හුරේ දමා වැඩේ අවසාන කර ඇත..... 

සමහර විටක ඉහලින් ගනු ලැබූ ඒ ගොන් තීන්දුව දුන් කෙනා වසා පොඩි මිනිහාට වරද පැටවීමට මෙහි යටි අරමුණද විය හැක..... එනිසා මාධ්‍ය පිරිවරාගෙන ගොස් පොඩි මිනිහට පාර්ට් දමා අණ දුන් කෙනෙක් කියන්න බැරිවූ නිසා මෙය පොඩි මිනිහා අයුතු ලෙස තම බලය පාවිච්චි කිරීමක් ලෙස සමාජයට හුවා දැක්වීමටත් ඉහළ බලධාරීන්ගේ පිට කැසිමටත් ගත් අහිංසක උත්සහයක් වන්නට පුළුවන......
හැබැයි හර්ෂගේ විෂය පථය හා බද්ද වූ මහ බැංකු මංකොල්ලය ගැන කතා කිරීමට හර්ෂගේ කට ලොප් වී ඇත..... ඇටි කෙහෙල් කෑ උගුඩුවෙක් මෙන් ඒ දෙස බලා සිට  පොඩි මිනිහට පාර්ට් දැමීමට පෙරට එන්නේ ආණ්ඩුවටත් බලපෑමක් නොකර  තම ප්‍රතිරූපය ගොඩනැගීමට මෙය කදිම අවස්ථාවක් නිසා නොවේද ??? 

හොරෙන් කලයුතු හොද වැඩ.......

කුලියාපිටිය ළමයා ගැන තවත් කියවීමෙන් වැඩක් නැත...... ඒ ගැන කතා කරන්න කතා කරන්න සිදුවන්නේ ඒ ළමයා සමාජය තුල විශේෂ ළමයෙක් වීමයි....... නමුත් ප්‍රශ්නයට විසදුම් සෙවීමට ඒ ගැන කතා කරන්න සිදුවුවත්.....

ඒ ළමයාට විසදුමක් ලෙස පාසලක් ලැබුන බව නැවතත් අඩබෙර ගැසීමෙන් සිදුවන්නේ ඒ ළමයා නැවතත් අපහසුතාවයට පත්වීමයි..... දැන් ඒ සියලු දෙනා මේ ප්‍රශ්නයෙන් බැට කෑ ළමයා එන්නේ තමන්ගේ පාසලට බව දනී.....එයිනුත් නොනැවතී මුළු රටක්ම දනී.... අපි සමහරක් හොද වැඩවලට ප්‍රචාරයක් ලබාදීමෙන් සිදුවන්නේ තවත් පාර්ශවයක් තව තවත් අපහසුතාවට පත්වීමයි.....මොකද ඒ ළමයා ඒ පාසලට ගියපු දිනයේ "ආ මේ අර ප්‍රශ්නෙන් ඉස්කෝලයක් නැති වුන ළමයා නේද" යනුවෙන් හංවඩු ගැසෙනවා ඇත..... ඒ ළමයා ලබපු විසදුම්ට ප්‍රචාරයක් ලබානොදුන්නේ නම් ඔහු තවත් එක ඒ පාසලේ කොල්ලෙක් වන්නට ඉඩතිබිනි.....

ඒ පුතාට පාසලක් ලැබුන බව පමණක් ප්‍රචාරය කරානම් මේ කිසිවක් සිදුනොවනු ඇත.....එය ඒ පුතාට පාසලක් නොලැබීම ගැන දුක්වූ සියලු දෙනාට සුභ ආරංචියක් නිසාවෙනි... ඔහුගේ මවත් පවුලේ අයත් පාසලේ සීමිත බලධාරීන් පිරිසක් පමණක් මෙය විස්තර සහිතව  දැන ගැනීම හොදටම ප්‍රමාණවත්ය..... මුළුරටම සියලුම දේ දැනගත යුතු නැත..... අවශ්‍ය දේ පමණක් එලියට දීමට උදව් කරන පිරිස් වුවත් ඔලුවේ තබාගත යුතුය...... මොකද සමහර හොද දේවල් වලට අනිසි ප්‍රචාරයන් ලබාදීමෙන් සිදුවන්නේ ඒ පාර්ශවය තවදුරටත් අගතියට පත්වීමයි..... මාධ්‍ය වලටත් ඒ සදාචාරත්මක වගකීම දැනිය යුතුය...... තමන් වාර්තා කරන්නේ මොකද්ද ..... එයින් ඇතිවන බලපෑම වැනි දේවල් පුර්ව අධ්‍යනයක් කර පළකර යුතුය....... නැතිනම් සිදුවන්නේ මහත් විනාශයකි....

මොනදේ වුනත් මේ පොඩි කොල්ලා ඉස්කෝලේ යන මුල්ම දවසටත් මදිනොකියන්න ප්‍රචාරයක් ලැබෙන බව සහතිකය...... එත් එය එසේ නොවේවායි හදවතින්ම පතමි.....එය තවත් එක් පොඩි කොල්ලෙකුගේ ඉස්කෝලේ යන මුල්ම දවස වනවා ඇරෙන්න අර ප්‍රශ්නේ නිසා පාසලක් නැති වූ ළමයාගේ ඉස්කෝලේ යන මුල්ම දවස නොවේවා.......

නිර්මාණශිලිත්වයෙන් පොහොසත් අපේ රටේ යාචකයෝ.........

වැඩඇරී ගෙදර යාමට බසයක් සොයා  බලා ගමන් ආරම්භ කල ටික වෙලාවකින් මා පසු පසින් සද්දයක් ඇසුණු නිසාවෙන් හැරි බැලු මා දැක්කේ කටින් කෙල පෙරා ගෙන දගලන දුප්පත් පාහේ පුද්ගලයෙකි...... ඔහුගේ මල්ලේ තුබූ හාල්, පරිප්පු, ළුණු කොළ හා සෝයා මිට් පැකට් එක සියල්ල තැන් තැන් වලය.....සද්දයක් අසුනේ ඒ පොලිතින් මල්ල පිපිරී යාමෙන්ය..... 

මිනිසුන් කවුරුත් ලංනොවී ඈත ඉදන් බලා සිටි....... ඔහු තාමත් වෙව්ලයි.......
මිනිසුන් බලා සිටි ....... ඔහු තාමත් කටින් සේම දාමින් වෙව්ලයි..... 

මගේ අසල වූ කෙනෙක් ඔහු ලගට ලංවෙත්ම ඔහුට පියවි සිහිය ලැබුණු අතර කදුළු පිසදමමින් හැලුන බඩු එකතු කරන්න පටන් ගනී..... එයට උදව් දෙමින් ඔහුත් බඩු එකතු කර දුන් අතර සාක්කුවට අත යැවූ ඔහු මුදලිනුත් ආධාර කරන ලදී...... ස්තුති පුර්වකව ඒ මුදල් ලබාගත් ඔහුට වටේ සිටි අයද ආධාර කිරීමට පටන් ගත්තේ සියේ කොළ පන්සියේ කොළ වලින්ය...... ලැබුණු මුදල් වලින් එවැනි බඩු මලු 5ක් 6ක් ගැනීමට වුවත් ප්‍රමාණවත් වුවත් .....

තවමත් කදුළු පිසදමමින් හල් එකතු කරන්න ගනී...... යන එන  අය මුදල් ලබා දෙයි.....
කදුළු පිසදමමින් හල් එකතු කරන්න ගනී...... යන එන  අය මුදල් ලබා දෙයි.....

මේ ජවනිකාව නරබා ..... නැවතත් මා ගමන් ඇරබුවේ මටත් ඔහුට ආධාර කරන්න තිබුනා නේද යන් සිතුවිල්ලෙනි ....... එත් ඔහුගේ හැසිරීමත්.... ශරීර ලක්ෂණ අනුව දිනපතා අනුමත වී කන සාක්කුවේ තැන්පත් කරගන්නා කෙනෙකුගේ ස්වරුපයත් දිස්වූ නිසා තරමක දෙගිඩියාවෙන් ගමන් කල මට දක්නට ලැබුනේ......

හාල් , පරිප්පු, ළුණු කොළ පෑගී පොඩිවී ගිය තවත් ස්ථානයකි....... ඒ අපේ අපස්මාර රෝගී දුප්පතා ...... මිට කලින් මේ ස්ථානයේද හදිසියේ රෝගී වී ඇති බවකි......  

නිකන් කන්න ඉල්ලන්නේ නැතුව මේ හිගන්නා නිර්මාණශීලි වී ඇත..... වෙනත් අය දවසේ ලබන අදායම මොහු දර්ශන වාර දෙකකින් ලබාගෙන ඇත..... මේ වැඩේ නිතර නිතර කරන්න බැරිය..... හැබැයි අදායම සරුය..... ලංකාවේ සෙනග ගැවසෙන ස්ථාන රාශියකි.... හෙට මේ අපස්මාර රෝගියා ඔබේ නගරයේද රග දක්වනු ඇත..... හැබැයි මෙහි විපාකය විදීමට සිදුවන්නේ සැබෑ අසරණ රෝගීන්ය.... හෙට දිනයේ එවන් කෙනෙක් සැබවින් ඇදවැටුනත් අපි ගණන් නොගනු ඇත...... ඒ නිසා පාරේ ඇදවැටෙන සියලු දෙනාට උදව් කරන්න.... නැතිනම් මා මෙන් ඔහු පියවි සිහියට එනතෙක් බලා සිටින්න..... 

අපිට අයිති නැති අපේම ඇදුම

ගොඩක් අය ලොකු කථා කියනවා ...... වෙනස් දෙයක් කරන්න.....හැමෝම යන පාරේ යන්නේ නැතුව වෙනම පාරක යන්න අරවා මේවා....
කියන අය කට තිබ්බ පලියට කිව්වට එක කරන්න කොච්චර අමාරුද කියල මට තේරුනේ උපාධිය ගන්න ජාතික ඇදුම අදිනවා කියල මම ගත්ත තීරණේත් එක්ක ..... එක කරන මුල්ම කෙනා මම නොවුනට.....වෙනත් අය යන සාමාන්‍ය පාරේ නොගිහින් වෙනස්ම පාරක යන්න ගත්ත තීරණය නිසා වෙච්ච දේවල් තමා මේ.......

මම මෙතෙක් ලබා තිබෙන ඉහළම අධ්‍යාපනික ජයක්ග්‍රහණය සමරන උත්සවේටවත් අපේ ජාතික ඇදුම ඇදලා අපේ ජාතිකත්වය පෙනන්න බැරිනම් වැඩක් නෑ කියල හිතුන නිසා මම තීරණය කලා ජාතික ඇදුම අදින්න.......

කවදත් මගේ තීරණ වලට ගෙදරින් ලොකු අවුලක් නැති නිසා මේ තිරනේටත් ලොකු ප්‍රශ්නයක් වුනේ නෑ......
එත් අම්ම මේ ගැන විවිධ අයත් එක්ක කතා කරලා ඒ අයගේ පිළිතුරු එක්ක අම්මගේ අදහසුත් එන්න ගත්තා......බහුතරේ ඒ වැඩේ දැක්කේ නොකළයුත්තක් විදියට...... එත් එක්ක අම්මගේ මතෙත් වුනේ හැමෝම වගේ ටයි කෝට් දාල ඔය උත්සවෙටත් යන් කියල......
ගොඩක් අය දැක්කේ ජාතික ඇදුම අදින්නේ ගැමියන් මිසක් නගරේ ඉන්න අපි නෙමේ......
තවත් අය දැක්කේ සිංහල භාෂාව ගැන උපාධියක් නොවන නිසා නොගැලපෙන බව......
තවත් අය හිතුවේ මම දවසක උසස් අධ්‍යාපනය සදහා පිටරට  ගියොත් ඒ අය මගේ උපාධි පින්තුර දැක ඒ රටට වැද්ද නොගන්නවී යන්නය......
තවත් අය කිව්වේ "චි ලජ්ජා නැද්ද "
තව කෙනෙක් කිව්වේ "ඒ වගේ දවසක ඔවා අදිනවද"
කොහොමින් කොහොම අම්මගේ බාධාවල් සහ වටෙන් පැමිණි ප්‍රතිරෝදය මැඩගෙන ජාතික ඇදුමකුත් ඇදගෙන උත්සවේට ගියා......

ගියපු ගමන් වටේ පිටේ ඉන්න අය හැරිලා බලන්න ගත්තේ මං හෙළුවෙන් ආවා වගේ..... ටික වෙලාවකින් එක මට සාමාන්‍ය දෙයක් වුනා....
සමහරු හිනා වෙනවා පෙනුනා...... සමහරු අනිත් අයටත් පෙන්නවා දැක්ක......
සමහරු "උබට පිස්සුද බන් කියල ඇහුව...."
සමහරුන්ට මේක ජෝක් එකක් වගේ වෙලා.....
තවත් අයට මන් නොගැලපෙන කෙනෙක් වෙලා....
තවත් අයට මාත් එක්ක එකට ඉදන් පින්තුර ගන්න එක මදි පුංචි කමක් වුනා......
සමහරු මගේ මුනුට මුකුත් නොකිව්වත් එහෙන් මෙහෙන් මට හිනා වෙනවා කියල මට දැනෙන්න ගත්තා.......
එත්....
තවත් අය මගේ ඇදුම අගය කලා....
මාත් එක්ක එකට පින්තුර ගන්න ඕන වුනා......
ඒ අයටත් එහෙම අදින්න ආසාවක් ආවා කිව්වා.....
මොනවා වුනත්......
මේ වගේ දෙයක් කරන්න මුලිකවම හේතුව වුනේ අපේ පරිගණක අංශයේ  පීඨාධිපතිතුමා අදින්නෙත් ජාතික ඇදුම..... එතුමා නිසා මම මේ ඇදුම අදින්න තීරණය කරා..... ඊලග අවුරුද්දේ තව දෙතුන් දෙනෙක් ජාතික ඇදුම අදිනවා දකින්නයි මගේ පැතුම.....
ඒ මොකද...... 

මගෙයි අනිත් අයගෙයි තිබ්බ එකම වෙනස ඇදුම...... ඒ අය ටයි කෝට් දාද්දි මන් ඇන්දේ ජාතික ඇදුම......
සුද්දා අපේ රටට අවේ නැත්තම් ඒ අයත් අදින්නේ මන් ඇදපු එකම තමා කියල ඒ අයට අමතක වුනා.....
අපේ දේවල් අගයන්න බැරි ..... අපේ කමක් හදුනන්නේ නැති..... බාහිරින් එන දේවල් අගය කොට සලකන ......
අපේ දේවල් හැල්ලු කරන ..... සමාජයක් ඉන්න රටක් දියුණු වෙයි ද ?? ඒනිසා අපි...අපේ දේ වෙනුවෙන් වෙනස් වෙමු......

තවත් යුද්දයක් ???

මන්නාරම් පැත්තේ ගෑනු සෙට් එකක් එකතු වෙලා අටවගත්ත සංගමයකින් ජාතික කොඩියේ සිංහයා අයින් කරන්න කිව්වම එක ගොඩක් මාධ්‍ය ලොකුවට හුවා දැක්වුවා...... ඒ වගේ සෙට් එකකට ඒ වගේ ප්‍රසිද්ධියක් දෙන්න ඕනෙද යන්න ගැටලුවකි...... ඒ අයගෙන් ලොකු හානියක් නැති වුනත් .... ලගදි මුස්ලිම් කොන්ග්‍රසයේ සභාපති කරපු ප්‍රකාශේනම් ටිකක් දරුණුය..... ඒ අන් කිසිවක් නිසා නොව රටේ පිළිගත් දේශපාලන පක්ෂයක සභාපති කල ප්‍රකාශයක් නිසාවෙනි....... 

මුස්ලිම් කොන්ග්‍රසයේ සභාපති 

අදටත් මාගේ දැනුමට අනුව ඔහු කල ඒ මුස්ලිම් වෙනම පරිපාලන ප්‍රදේශ පිළිබද ප්‍රකාශය මුස්ලිම් කොන්ග්‍රසය අදටත් ප්‍රතික්ෂේප කර නැත..... 
 ඔහුගේ ප්‍රකශය අනුව දෙමළ ජනතාව වෙනම ප්‍රදේශ වෙනුවෙන් කරන සටන් නතර කරනොමැති නිසා ඔවුන්ගේ සටනත් ඉදිරියට ගෙන යන බවද සදහන්ය..... 
තත්වය භයානකය..... 
ඒ යුද්දයෙන් ත්රස්තවාදය පරාජය කරත් ඒ සදහා මුල් වූ වස්තු විෂයන් තවමත් ජීවමානව ඇති බවත් .... මුස්ලිම් වෙනම පරිපාලන ප්‍රදේශයක් ගැන බලාපොරොත්තුවක් අතීතයේ සිට තිබු බවටත් මෙයින් යම් කිසි හැගවීමක් සිදුකරනවා..... එමෙන්ම ඔහු තවදුරටත් කියාසිටින්නේ පක්ෂයේ නායකයා වූ අශ්රොෆ් මතිතුමගේද එය බලාපොරොත්තුවක් වූ බවයි.... නමුත් එතුමාගේ පුතා විසින් එය වැරදි බව කියසිටියත් ප්‍රකාශයේ තිබු බරපතල තැන් එසේමය...... 

ඉස්සර තිබු හයිය කොන්ග්‍රසයට නැති බව සැබෑය.... ඒ තවත් බිහිවූ මුස්ලිම් පක්ෂ හේතුවෙනි...... එත් කිසිම මුස්ලිම් පක්ෂයක් මෙයට විරෝධය පලකරද නැත..... 

උසාවියට ගල් ගැසූ බදුර්දීන් ආතල් එකේ විල්පත්තු කපන් ඉන්න කොට ගලබොඩඅත්තේ හිමි රිමාන්ඩ් වේ .... දෙදනාම කරේ එකම වරදකි...... නමුත් ගලබොඩඅත්තේ හිමි ගල් ගැසුවේ නැත..... එත් නිතිය ක්‍රියාත්මක වීම් දෙකකි...... 

යුද්දයකින් බැට කෑ අපිට තවත් යුද්දයක් අවශ්‍ය නැත..... මුස්ලිම් සහෝදර සහෝදරියෝ විශාල පිරිසක් මේ ප්‍රකාශයට විරුද්දව නැගීසිටීම ප්‍රශංසනීය..... ඒ බලලා මල්ලෙන් පැන්න නිසා ද ..... නැතිනම් එකම රටක සහෝදරත්වයෙන් ඉන්නට තියෙන ආශාවටදැයි නොදන්නා මුත් බොහෝ විරුද්ද වීම් හදවතින් පැමිණි දේවල් බව දැනුනි...... 

 එකම රටක එකම කොඩියක් යට එකට පෙලගැහෙන එක හීනයක්ම වෙයිද ?

ජාතික ගීයේ ඇත්ත නැත්ත........

මුලින්ම ජාතික ගීයේ ඉතිහාසය ගත් කල එය තුලත් බොහෝ සිදුවීම්  වී තිබේ.... 1938 දී ඉන්දියාවේ සිට ලංකාවට පැමිණෙන ආනන්ද සමරකෝන් මහතා 1940 දී ගාල්ල මහින්ද විද්‍යාලයේ උගන්වන අතර තුර "නමෝ නමෝ මාතා" යනුවෙන් මේ ගීතය රචනා කර ඇත......මේ ගීතය මියුසියස් විද්‍යාලිය ගායනා කණ්ඩායම පොදු උත්සවයක ගැයිමත් සමග එය බොහෝ ජනප්‍රිය වූ අතර එය එකල වැර්ලස් එකේ ජනප්‍රිය ගීතයක් විය...... ඉන්පසු ජාතික ගීය තේරීමේ තරගයට මෙයත් ඇතුලත් වුවත් 1948 ජය ගන්නේ සහ ශ්‍රී ලංකාවේ ප්‍රථම ජාතික ගීය වන්නේ P.B ඉලංගසිංහ රචිත "ශ්‍රී ලංකා මාතා ඵල යස මහිම , ජය ජය සිරි ලෙස ජල ධාරා " ගීතයයි.......  බොහෝ දෙනා සාක්ෂියක් හැටියට ඉදිරිපත් කරන 1949 නිදහස් උත්සවේ ගායනා කර ඇත්තේද මෙම ගීතයයි......

1949 භාෂා දෙකෙන්ම ගායනා කර ඇති බවට ඇති සාක්ෂියක්

ආනන්ද සමරකෝන් මහතාගේ ගීතය නැවත කරලියට එන්නේ 1950 දී මුදල් අමාත්‍ය JR ජයවර්ධන මහතාගේ ඉල්ලීමත් සමගයි....ඒ "නමෝ නමෝ මාතා" ගීතය ජාතික ගීය ලෙස පිළිගන්නා ලෙසයි...... එවිට ආණ්ඩුවෙන් ඒ සදහා කොමිටියක් පත් කරන අතර සුළු සුළු වෙනස්කම් කර එම ඉල්ලීම ස්ථිර කරනු ලබන්නේ 22 නොවෙම්බර් 1951 දිය ....... ඒ අනුව ප්‍රථමයෙන් මෙය 1952 නිදහස් උත්සවේදී ගායනා කරනු ලබයි....... ඉන්පසු එම ගීතයේ ඝන පිහිටු වීම අසාර්ථක නිසා රටට හානියක් බවත් ගීතයේ ආරම්බය වූ "නමෝ නමෝ මාතා"....."ශ්‍රී ලංකා මාතා යනුවෙන් වෙනස් විය යුතු බවට එකල බලයේ සිටි රජය තීරණය කරනු ලබයි..... ඒ 1961දිය..... මෙයින් සිත් තැවුලට පත් ආනන්ද සමරකෝන් මහතා සිය දිවි නසා ගන්නේ 1962 දී මේ වෙනස් කිරීමට විරෝධයක් වශයෙනි........ ඒ ජාතික ගීයේ ඔබ දන්නා හෝ නොදන්නා අතීත කතාවයි......

තත්වය එසේ වුවත් නල්ලතම්බි මහතා මෙහි දෙමල පරිවර්තනයක් කරන්නේ දෙමල බස රාජ්‍ය බාසාවක් වීමටත් ප්‍රථමය..... එය එකල උතුරේ දෙමළ මාධ්‍ය පාසල් වල ගායනා කර ඇති අතර එයට කිසිදු ආණ්ඩුවක් විරුද්ද වී නැත...... ජාතික ගී කතාව නැවත කරලියට එන්නේ මහින්ද රාජපක්ෂ පාලන සමයේය ...... ඒ ඔහු විසින් දෙමළ පරිවර්තනයට තහංචි දැමීමත් සමගය..... ඉන් අනතුරුව උතුරේ ජාතික ගීය එලසින්ම ගායනා කර ඇති අතර "මාතා" "තායේ " වුයේ නැත..... මෙය නැවත කරලියට එන්නේ ජාතික විධායක සභාවට මනෝ ගනේෂන් මේ පිලිබදව අවධානය යොමු කිරීමත් සමගය........ 

මානුෂිය හා තේරුම් ගැනීමට රුකුලක් වුවත් දෙමළින් ජාතික ගීය ගැයීම නීතිවිරෝධී බවට සාධාරණ තර්කයක් ගොඩනැගිය හැකිය...... 

ඕනෑම කෙනෙක් දන්නවාක් මෙන් විවස්ථාවේ පරිවර්තන තුනක් ඇත ..... ඒ පරිවර්තන වල සිංහල පරිවර්තනයේ ශ්‍රී ලංකාවේ ජාතික ගීය ලෙස අංක 7 වගන්තියේ "ශ්‍රී ලංකා මාතා" ලෙස  නම් කර ඇත ..... දෙමල පරිවර්තනයේ වචනයේ තේරුම දෙමළට හරවා ඇති නිසා එය "ශ්‍රී ලංකා තායේ" වී ඇත..... ඉංග්‍රීසි පරිවර්තනයේ එය අර්ථය පරිවර්තනය නොකර වචනය ඉංග්‍රීසියෙන් ලියා ඇත..... එනම් "Sri Lanka Mother" වෙනුවට "Sri Lanka Matha"යනුවෙනි..... 

සිංහල පරිවර්තනය

දමිල පරිවර්තනය ("ශ්‍රී ලංකා තායේ")

මෙය දැන් සැලකීමේදී පරිවර්තනය නිසා නොගැලපීමක් මතුවේ ....සිංහල හා ඉංග්‍රීසි පරිවර්තනයේ එය "ශ්‍රී ලංකා මාතා" වුවත්  දෙමළ පරිවර්තනයේ එය "ශ්‍රී ලංකා තායේ" වී ඇත..... මෙවැනි අවස්ථාවක ගත යුතු පියවරත් විවස්ථාවේ දක්වා ඇත.....ඒ 23.1 වගන්තිය යටතේය...... එහි දක්වා ඇත්තේ .....පරිවර්තන නිසා ගැටළුවක් මතු වුවහොත් නීති සම්මත කිරීමේදී කතිකා කරගත් භාෂාවේ විවස්තාව නිවැරදි බවයි.....ඒ අනුව නිවැරදි වන්නේ සිංහල පරිවර්තනයේ ඇති "ශ්‍රී ලංකා මාතා" ය. මේ නීති තර්කය අනුව මෙය නීති විරෝධිය...... විවස්ථාවේ 7වෙනි වගන්තිය උල්ලංඝනය කිරීමකි.......

23.1 වගන්තිය

නීති තර්ක පසෙක තබා අපි බැලිය යුත්තේ මෙයින් සමාජයට වන යහපත හා අයහපතයි..... යහපත නම් එය අපේ සහෝදර දෙමළ ජනතාවට තේරෙන ජාතික ගීයක් වීමයි..... අනෙක් අතට මහජාතිය අනෙක් ජාතින්ට වෙනස් කම් කරන බවට කෙරෙන චෝදනා පුස්සක් වනු ඇත..... බෙදුම්වාදය ගැනම කතා කරන විග්නේශ්වරන්ට සිංහල සහෝදර කම් මතක් වීමත් අප ලබාගත් ජයක්ග්‍රහනයකි...... අයහපතක් මම මේ තුලින් නොදකින අතර මට ඇත්තේ කනගාටුවකි...... ඒ මෙතරම් පොඩි රටක ....මෙතරම් පොඩි ජනගහනයක් ඉන්නා රටක ජාතික ගී දෙකක් තිබීම අපේ අසමගිය පෙන්නවා නේදැයි යන හැගීමයි..... තනුව එකක් වූවත් පද මාලා දෙකකි..... භාෂා දෙකකි..... එයින් මෙය ජාතික ගී දෙකක් බවට පත් වේ ...... 

මනෝ ගනේෂන්

විග්නේශ්වරන්ගේ නාග විහාර වැදපුදා ගැනීම....

බහුතර දෙමළ ජනතාවට සිංහල භාෂාව තේරෙන හා කතා කිරීමේ හැකියාවන් ඇති නිසා .... මෙහි සාධාරණ හේතුවක් නැති බවත් විටෙක හැගී යයි..... මෙහි අන්තවාදී අදහස් ඇති බව විටෙක හැගෙන්නේ මේ යෝජනා ගෙන එන පුද්ගලයන් නිසාවෙනි..... ඒ මනෝ ගනේෂන් බෙදුම්වාදී ත්‍රස්තවාදයට සක්‍රියවදායක වූ කෙනෙක් නිසාවෙනි..... මේ යෝජනා පසුපස ඔහුගේ අරමුණු අපැහැදිලිය ...... එය සත්භාවයෙන්ම දෙමළ ජනතාව උදෙසාද ....නැති නම් වෙන බෙදිම්වාදී අරමුණක් උදෙසාද ? අපි බලා සිටිමු......  

https://en.wikipedia.org/wiki/Sri_Lanka_Matha
http://www.dailymirror.lk/67545/history-of-sri-lanka-s-national-anthem-mired-in-controversy
http://www.dailymirror.lk/68405/national-anthem-and-nationalism

රටක් ලෙස අපි අසමගිද ?

නිදහස් උත්සවේ වගේ ජාතික උත්සවයක ජාතික ගීය භාෂා දෙකකින් ගායනා කිරීම ගැන විවිධ මත පළවුවත් ..... 
සමස්තයක් ලෙස මෙතරම් පොඩි රටක ... රටක් ලෙස අපි අසමගි බව පෙන්නුම් කරනවා නොවේද ?
අපිට එක කොඩියක් ....
එක ජාතියක්....
එක ජාතික ගීයක් ....
වටා එකතු වෙන්න බැරි බවත් අපි බෙදී වෙන්වී ඇති බවත් එයින් පෙන්නුම් කරනවා නොවේද ?

එකම සින්දුව භාෂා දෙක තුනකින් එකම අර්ථය එන්න  කියන විට... එය එකම ගීයක්ද යන්න හිතා ගැනීමට අපහසුය..... එය ආණ්ඩුක්‍රම ව්‍යවස්ථාවේද පිළිගෙන ඇති බව ඇතමේක් සදහන් කරන අතර එය කියවා බලා සනාථ කිරීමට තරම් කාලයක් නොලැබුණි..... එවැන්නක් ප්‍රාදේශීය මට්ටමේ උත්සව ගායනා කර බවට සාක්කි තිබුනත් .... ඊටත් එහාට ගොස් 1949 නිදහස් උත්සවේද මේපරිද්දෙන්ම භාෂා දෙකෙන්ම ගායනා කර ඇත...... ඒ අනුව ගත් කල එහි අවුලක් නැත...... ඇති එකම අවුල නම් තවත් දිනෙක මෙය ඉංග්‍රීසි භාෂාවෙන් ගායනා කල යුතු බවටත් අපේ බර්ගර් ජනතාවට ජාතික ගීය වඩාත් සමීප කරනු වස් එය හොද තීරණයකි....... අවශ්‍ය නම් අපේ මුස්ලිම් මිතුරන් සදහා එය අරාබි භාෂාවෙනුත් ....... තවත් භාෂා වෙනුවන් එය තව තව භාෂා වලට පරිවර්තනය කර සංහිදියාව වැඩි කලහැක....එත් රටක් හැටියට අපි එකම දෙයක් පසු පස යනවාද නැතිනම් එකිනෙකාට ඕනේ ආකාරයට වෙනස් වෙනස් මාර්ග වල ගමන් කරනවාද යන්න ගැටලුවකි........ 

මේ ආකාරයට භාෂා ගණනාවක් දීමෙන් හෝ මේ ප්‍රශ්න විසදෙනවා නම් එයත් එක්තරා විදියකට සතුටකි..... ඒ තවත් යුද්දයක් අනවශ්‍ය බැවිනි..... පිරිසක් එක්ව වැඩක් කරන විට තීන්දු තීරණ ගන්නේ බහුතර කැමැත්තටය...... ජනාධිපතිවරණේ වුවත් 52% මොහු ජනාධිපති කරන්න කියන විට 48% එපා මොහුව ජනාධිපති කරන්න කියයි.....අවසානයේ ඒ සියලු දෙනාගේම ජනාධිපති වන්නේ වැඩි ප්‍රතිශතයක් ලබාගත් තැනැත්තාය ...... ඒ අනුව රටක් වශයෙන් මහා ජාතිය වටා අනෙකුත් ජාතින් එකතු වියයුතුය....... එපා කිව් 48% නව ජනාධිපති පිළිගත යුතුය...... එසේ නොකර අනෙක් කොටසට අභියෝග කිරීමෙන් ඇති වන්නේ ගැටුමකි....... සමගිය අවශ්‍ය වන්නේ එවිටය......

ඒ ඇරත් සිංහල භාෂාව ලෝකේ ඇති එකම රටත් ශ්‍රී ලංකාවයි .... ශ්‍රී ලාංකිකයන් හැටියට එය රැක ගැනීම අපි සැමටම භාරය.....
සිංහල වුවත්....දෙමල වුවත්......මුස්ලිම් වුවත් .....බර්ගර් වුවත්..... මැලේ වුවත් ......
අපි සැවොම ශ්‍රී ලාංකිකයන්ය...... මේ අපේ රටය......
අපේ දේ අපි රැක ගත යුතුය.......

මෙවැනි දේවල් කථා කිරීමේදී මම අතිශය පරිස්සම් වෙමි......මට ඇති දෙමල මුස්ලිම් මිතුරන් ගණන ඉතා සීමිතය...... ඒ කිසිම කෙනෙක්ගේ හිත වචනයකින් හෝ රිදවීමට මම අකමැතිය..... ඒ අන් සියලු දේවල් වලට වඩා ඔවුන්ගේ මිතුදම වටිනා බැවිනි...... සිංහල මුස්ලිම් ගැටළුවක් ගැන මම සොයාගත් තොරතුරු සිංහල මිතුරෙකුට කිව් විට මට ලැබුනේ "ජාතිවාදී වැඩ වලට මම කැමති නෑ" යන පිළිතුරයි....එහි සත්‍ය අසත්‍ය තාව සොයනවටත් වඩා ඔහුට ඒ ගැන කතා කිරීමම ජාතිවාදිය.....එත් මුස්ලිම් මිතුරෙක්ගෙන් මට ලැබුන පිළිතුර වුයේ "යමන් මචන් මාත් ආසයි ඔකේ ඇත්ත හොයන්න"......එනිසා යම්හෙයකින් ඔබේ සිත රිදුනනම් සමාවෙන්න ....... මම අසාකරන්නේ සැවොම එක්ව එකිනෙකා අභිබවා යනවට වඩා සැවොම එකතුව රට ඉස්සරහට ගෙන යාමටය......

එත් කෙනෙකුට,
තමන්ගේ ආගම ..... ජාතිය ගැන කතා කරන එක ජාතිවාදී නම් ඔව් මම ජාතිවාදියෙක්........
ප්‍රශ්නයක් අවම හරි පැත්ත ගැන කතා කරන එක ජාතිවාදී නම් ඔව් මම ජාතිවාදියෙක්........
අපේ උරුමය .... අපේ ඉතිහාසය ගැන කතා කරන එක ජාතිවාදී නම් ඔව් මම ජාතිවාදියෙක්.....
ලංකාවේ වෙන දේවල් ආගම ජාති ගැන හිතන්නේ නැතුව කතා කරන එක ජාතිවාදී නම් ඔව් මම ජාතිවාදියෙක්.....
ඇස් දෙකට දැකපු දේවල් ගැන කතා කරන එක ජාතිවාදී නම් ඔව් මම ජාතිවාදියෙක්........
ලංකාවේ තියෙන දේවල් විනාස වෙනකොට ඒ ගැන කතා කරන එක ජාතිවාදී නම් ඔව් මම ජාතිවාදියෙක්.......
අපේ තියෙන දේවල් නැති වෙලා යනකොට ඒ ගැන කතා කරන එක ජාතිවාදී නම් ඔව් මම ජාතිවාදියෙක්.......
අපේ ඉස්සර පාරවල් වල තිබ්බ නම් වෙනස් කරලා අලුත් නම් දාන එක ගැන කතා කරන එක ජාතිවාදී නම් ඔව් මම ජාතිවාදියෙක්.......
රට කෑලි වලට කඩන්න හදන කොට ඒ ගැන කතා කරන එක ජාතිවාදී නම් ඔව් මම ජාතිවාදියෙක්.......

මේ රට අපි හැමෝටම අයිති..... අපි හැමෝගෙම මුලාරම්භය කොහේ වුනත් අපි දැන් ඉන්නේ මේ රටේ ශ්‍රී ලාංකිකයන් විදියට ..... එත් තව ජාතියක් තවත් ජාතියක් නැති කරගෙන ඉස්සරහට එන එකට මම විරුද්දයි..... ඒ ගැන කතා කරන එක ජාතිවාදී නම් ඔව් මම ජාතිවාදියෙක්......
අපි මේ ගැන කතාකරමු..... මේ ආපේ පරම්පරාවේ වාරයයි....... අපි මේ වාරයේවත් එකතු වෙමු...... 
ජය.....

වාහන තදබදයට යකාගේ විසදුම්........

උදේ සවස කාර්යාල වෙලාවේදී රටේ හදවත බදු පිටකොටුවට ගමන් කරන කෙනෙක් හැටියට මාර්ග තදබදය මහත් හිසරදයකි.....
පාරේ කන කාලය අතිමහත්ය .....
එයට මා දකින ප්‍රධානතම හේතු කිහිපයකි.....
1. රටේ ප්‍රමාණයට වඩා රථ වාහන වැඩිවීම
2. එක මෝටර් රථයේ එක මගියෙක් පමණක් ගමන් ගන්නා අවස්ථා බහුල වීම 
3. ඉවසීමක් විනයක් නැති කම
4.පොදු ප්‍රවාහන සේවයේ පවතින අඩු පාඩු

මේ කරුණු ගත්කල රටේ ප්‍රමාණයට වාහන වැඩිවීමට ප්‍රධාන හේතුව තමන්ගේ තත්වය ප්‍රදර්ශයනය කරන භණ්ඩයක් හැටියට වාහන පත් වී තිබීමයි.... කුමන හෝ රෝලක් ගසා....ලිසින් කර වාහන ගැනීමට සිහින මවන පිරිස් අතිමහත්ය ..... 
පසුගිය කලේ චන්ද පොරොන්දුවක් වුයේද වාහන මිල අඩුකර සැමට වාහනයක් ලබාදීමයි.......
බදු මිල වැඩි කිරීමත් ..... ලිසින් ගැනීමට 75%කට වඩා වටිනාකමක් සහිත ණයක් ගැනීම වළක්වාලන නීති සැබවින්ම අගය කලයුතු නීති ය.... 
මිනිසුන්ගේ පැත්තෙන් ගත් කල පොදු ප්‍රවාහන සේවයේ අඩුපාඩු නිසා ඔවුන් තමන්ගේ වාහන වෙත යොමුවන බවද සත්‍යය....එහිද වලංගුතාවක් නැතුව නොවේ..... 

ප්‍රථමයෙන් මේ ප්‍රශ්නය විසදීමට කලයුත්තේ වාහන මිලදී ගැනීමත් ...... කාර්යබහුල වේලාවන් හිදී වාහන භාවිතය හැකිතාක් වැලැක්වීමයි....ඒ සදහා බදු වැඩිකිරීම.... අවුරුද්දකට නිකුත් කරන වාහන ගණන සිමා කිරීම වැනි දේවල් හදුන්වාදිය හැකිය...... 
උදාහරණයක් ලෙස සිංගප්පුරුවේ අවුරුද්දකට වාහන බලපත් නිකුත් කරේ සීමිත ගණනකි...... ඒ බලපතක් ගැනීමට වෙන්දේසියට ඉදිරිපත් වී වටිනා කමක් දිය යුතුය....මේ ක්‍රමයෙන් වාහන ආනයනය කිරීමෙන් රටෙන් පිටවන මහා ධනය නවතින අතරම රටේ වාහන ගන්නත් මානව පාලනය වේ ....තවද වාහනයක් ඇති කෙනෙකුට තවත් වාහනයක් ගැනීමට නොහැකිය.....කල හැක්කේ පරණ වාහනය කුඩුකර අලුත් වාහනයක් ගැනීමයි..... මෙමගින් පාරට පැමිණෙන වාහන ගණන විශාල වශයෙන් අඩු විය..... 
1980 164,500 වාහන තුබූ අතර එය 1989 වන විට  271,200 විය . මේ කෝටා ක්‍රමයත් සමග 1990 සිට 1993 දක්වා ලියාපදිංචි වාහන 41,000 කින් අඩුවිය .මෙයට එරට තුලද බොහෝ විරෝධතා තිබුනත් ඔවුන් එය සාර්ථකව ක්‍රියාත්මක කරන ලදී..... 

ඔවුන්ගේ ඊලග වැයම වුයේ කාර්යබහුල වෙලාවල් වල නගර සීමාවට ඇතුළු වන වාහන වලින් ගාස්තු අය කිරීමයි..... එය එරට වැසියන් "එදිනෙදා මංකොල්ලය " යනුවෙන්ද නම් කරේ දිනපතා ඇතුළු වන වාහන ගණනක් ගෙවිය යුතු නිසාවෙනි..... ස්වයංක්‍රිය වාහනයේ සවිකරන ලද යන්ත්‍රයකින් ගාස්තු අයවන අතර ඒ යන්ත්‍රයට දමන කාර්ඩ් පතට මුදල් දැමිය යුතුය ........මෙමගින් කිහිප දෙනෙක් එක වාහනයක් භාවිතා කරන මට්ටමට ගෙන ඒමට ඔවුන්ට හැකිවිය..... වෙනදා තනියෙන් ගිය වාහනයේ දැන් තුන් හතර දෙනෙක් ගමන් කරන්නේ මෙකි ගාස්තු හා ඉන්දන ගාස්තු බෙදාගෙන ගමන් කිරීමටය......

මේ කුමන බාධා දැමුවත් පොදු ප්‍රවාහන සේවය ශක්තිමත් කල යුතුමය.....ඒ සදහා මගින් බහුලව ගමන් ගන්නා මාර්ග සදහා සුඛෝපබෝගී බස් රථ යෙදවිය යුතුය.....යොදවා ඇති ඒවා විදිමත් කල යුතුය.......සාමාන්‍ය බස් රථ වලින් ඔබ්බට යායුත්තේ තමන්ගේ වාහනයක ගමන් ගත් කෙනෙකුට ඒහා සමාන සැපපහසු කම් ලබාදිය යුතුනිසාවෙනි.......ඒ සදහා ඉහත සදහන් පරිදි අයකරන ගාස්තු ආයෝජනය කල හැකිය.... කැළණි වැලි දුම්රිය සේවයද වැඩි දියුණු කිරීමෙන් තවත් ප්‍රවාහන සේවය ශක්තිමත් කල හැකිය....... මොනෝ රේල් වලට කලින් අපේ තියෙන ප්‍රවාහන සේවා දියුණු කලයුතු බව මගේ හැගීමයි...... 

මේ ප්‍රශ්නය විසදීමේදී ගැටළු රාශියක් .......උද්ගෝෂණ ......වැඩ වර්ජන ....... ඇතුළු තවත් එකිමෙකි නොකී ප්‍රශ්න මතුවිය හැක.....ඒවා වලට බියවී යෝජනා හකුලා ගන්නවා වෙනුවට ඒවා ගැන ජනතාව දැනුවත් කර සහය ලබාගත යුතුය..... ජනතාවට බස් එකේ යන්න කියා ඇමතියෝ BMW එකේ ගිහින් මේ වැඩේ කරන්න බැරිය..... ජනතාවට දුක් විදින්න කියනවා නම් .......ජනතා නියෝජිතයන් ඒ දුක් ඊටත් වඩා විදිය යුතුය.....එත් එසේ සිතන ජනතා නියෝජිතයන් නැති නිසා .......
අද වගේම හෙටත්.....හෙට වගේම අනිද්දාත් ........ මැරෙන තුරාවට මේ ප්‍රශ්නය නොවිසදී තිබෙනු ඇත........  

සිංගප්පුරුව මේ ප්‍රශ්න විසදු ආකාරය දැක්වෙන සටහන්.......

http://www.freepatentsonline.com/article/Transportation-Journal/20915358.html
http://transportpolicy2013.blogspot.com/2013/04/singapore-traffic-congestion-solution.html
http://sbr.com.sg/economy/commentary/singapore-reveals-3-economic-solutions-traffic-congestion-asian-peers

පුංචි රටට මොකද වෙලා තියෙන්නේ ???

නිදහස් උත්සවේ වගේ ජාතික උත්සවයක ජාතික ගීය භාෂා දෙකකින් ගායනා කිරීම ගැන විවිධ මත පළවුවත් ..... 
සමස්තයක් ලෙස මෙතරම් පොඩි රටක ... රටක් ලෙස අපි අසමගි බව පෙන්නුම් කරනවා නොවේද ?
අපිට එක කොඩියක් ....
එක ජාතියක්....
එක ජාතික ගීයක් ....
වටා එකතු වෙන්න බැරි බවත් අපි බෙදී වෙන්වී ඇති බවත් එයින් පෙන්නුම් කරනවා නොවේද ?

සැමටම උදාහරණයක් වන ඉන්දියාවේ තමිල් නඩුවේ මිලියන 67ක් ඉක්මවා සිටින්නේ දෙමළ බස කතා කරන දමිල සම්බවයක් ඇති ජනතාවකි......
ලංකාවේ මුළු ජනගහනයත් මිලියන 22කි.... ඒ අනුව අපිට වඩා තුන් ගුණයක් දෙමල කතා කරන මිනිසුන් සිටින රටේ ජාතික ගිය දෙමළින් ගයන්නේ නැත.....
ඉන්දියාවේ දෙමල භාෂාව 5වෙනියට වැඩියෙන්ම භාවිත කරන භාෂාවයි...... එත් ඉන්දියාවේ ඇත්තේ එක ජාතික ගීයකි...... ඒ ඔවුන්ගේ ඇති සමගිය නොවේද ?
දෙවෙනියට වැඩිම භාෂාවෙන් වුවත් ඔවුන් ජාතික ගීය ගයන්නේ නැත..... එයයි වෙනස .....

ඒ ඇරත් සිංහල භාෂාව ලෝකේ ඇති එකම රටත් ශ්‍රී ලංකාවයි .... ශ්‍රී ලාංකිකයන් හැටියට එය රැක ගැනීම අපි සැමටම භාරය.....
සිංහල වුවත්....දෙමල වුවත්......මුස්ලිම් වුවත් .....බර්ගර් වුවත්..... මැලේ වුවත් ......
අපි සැවොම ශ්‍රී ලාංකිකයන්ය...... මේ අපේ රටය......
අපේ දේ අපි රැක ගත යුතුය.......

මහින්දගෙන් සිරිසේන උගත යුතු පාඩම්.......

ඊයේ යෝෂිත ගේ රිමාන්ඩ් ගත කිරීමත් සමග මහින්දගේ කදුළු වලට අලුත් වටිනාකමක් එක්විය....
මිනිසුන් ගණනාවකගේ කදුලැල් පිසදු ඔහුගේ කදුළු දැකීම පිරිසකට මහත් දුකකි.....
ඇත්ත.....
අපි අද බෝම්බ යුද බියක් නැතුව විනෝද වීමට ඔහුගෙන් සේවාවක් නොවුනා නොවේ.....
එත්,
තමන්ගේ පුතා හිරේ යනවිට ඇඩුණු මහින්දගේ ඇස්,
රතුපස්වල දරුවාගේ මරණය දැක තෙත් වුනේ නැත..... ඊට සාධාරණයක් ඉටු කිරීමට හිත උණු වුනේ නැත......
කටුනායක රොෂේන් චානකගේ මරණය දැක තෙත් වුනේ නැත..... ඊට සාධාරණයක් ඉටු කිරීමට හිත උණු වුනේ නැත......
ධිවර ඇන්ටනිගේ මරණය දැක තෙත් වුනේ නැත..... ඊට සාධාරණයක් ඉටු කිරීමට හිත උණු වුනේ නැත......
ලසන්තගේ මරණය දැක තෙත් වුනේ නැත..... ඊට සාධාරණයක් ඉටු කිරීමට හිත උණු වුනේ නැත......
තාජුදින් ගේ මරණය දැක තෙත් වුනේ නැත..... ඊට සාධාරණයක් ඉටු කිරීමට හිත උණු වුනේ නැත......
අන්තරේ කොල්ලන්ගේ මරණය දැක තෙත් වුනේ නැත..... ඊට සාධාරණයක් ඉටු කිරීමට හිත උණු වුනේ නැත......
ඊට අමතරව
බ්‍රිතාන්‍ය ජාතිකයෙක් අපේ රටට සංචාරයකට පැමිණ සිටීමේදී ඔහු ඝාතනය වී ඔහුගේ පෙම්වතිය දුෂණය වූ විට..... ඊට සාධාරණයක් ඉටු කිරීමට හිත උණු වුනේ නැත......
සරුවා සුනිල් පොඩි ළමයි දුෂණය කර පාටි දමන විට ඒ දුක් විදි ළමයි අඩන විට එය දැක තෙත් වුනේ නැත..... ඊට සාධාරණයක් ඉටු කිරීමට හිත උණු වුනේ නැත......

ඉහත සියලු සිදුවීම් වලට මහින්ද වගකිව යුත්තේ ඔවුන් ඔහුගේ කාලයේ   මියගිය නිසා හෝ කරදරයට පත් වු නිසා  නොව......ඒ මරණ වලට වගකිව යුත්තන්ට නිතිය ක්‍රියාත්මක නොකර ආරක්ෂා කර නිසාවෙනි......
ඔහුගේ පාලනය පෙරලා දැමීමට ප්‍රධාන හේතුවක් වුයේ  නීතියේ වල් වැදීමයි......
දුෂණ වංචා ගැන කොපමණ කිව්වත් ඒවා හසුකර ගැනීම අතිශය අමරුය..... වෙනත් ආණ්ඩු දුෂණය වංචාව පමණක් කරද්දී මහින්ද ආණ්ඩුව රටට වැඩක් කළේය.....

සිරිසේන මේ සිදුවීම් වලින් ඉගෙන ගත යුත්තේ එක දෙයකි......

කරන කියන දේවල් වලට බලය නැති වූ පසු වන්දි ගෙවීමට සිදුවේ.....
ඔබව ඔය තනතුරට උසස් කර මිනිසුන්ම ඔබව ඔය තනතුරෙන් ඉවත් කිරීමටත් දෙවරක් නොසිතන බවයි.......
ළමයි නිසා මහින්දට තම තනතුරෙන් වන්දි ගෙවීමට සිදුවූ නිසා තම ළමයිනුත් මෙයින් පාඩමක් ඉගෙන ගෙන සාමාන්‍ය ලෙස ජිවත් වීමට කියාදීම.......

සිරිසේන මැතිතුමනි ,
ඔබගේ වැඩපිළිවෙලත් එපා වෙමින් පවතී...... කරන්නේ නෑ කියූ සෑම දෙයක්ම අකුරක් නෑර කරනු පෙනේ......
ඔබත් අඩන දිනය වැඩි ඈතක නොවේ.......

සීපා එන්න එපා .......

සීපා ... කිව්වට එකේ මොනවද තියෙන්නේ කියල කවුරුත් දන්නේ නෑ...... 
එකේ යෝජනා මාලාව එළිදක්වපු දවසට ඒ ගැන ගුණදොස් කතා කරනවා ඇරෙන්න  තවමත් ඒ ගැන කතා කිරීම  කලින් වැඩිය.....එත් ඕනෙම පොඩි එකෙක්ට තේරෙනව ඉන්දියාව අපිට වඩා දියුණු වුනාට මේකෙන් අපිට නම් ලොකු වාසියක් වෙන්නේ නැති බව...... ඒ නිසා එයට විරුද්ද වීම සාතිශය සාධාරණය....... මොකද රට කරන්න පත් කරපු උනුත් රටට ආදරේ නැති අතරේ ඉන්දියාව අපිට ආදරේ කිරීමට කිසිදු හේතුවක් නැති නිසාවෙනි.......
එත් මට කියන්න අවශ්‍ය වුයේ වෙනත් කතාවකි...... 

ඒ IT අංශයේ රැකියා වල නියතු අය දැක්වූ ප්‍රතිචාරයි..... ඔවුන්ගේ ප්‍රතිචාරය වුනේ මෙමගින් තමන්ගේ රැකියා නැති වී ඉන්දියන් පිරිස් වලට රැකියා ලැබෙන බවකි...... ඒ සදහා ඔවුන් ඉන්දියාවේ විරැකියා සංඛ්‍යාලේඛන ඉදිරිපත් කරන අතර එහි ඇත්තේ රටක් ලෙස විරැකියා අගය මිසක් IT අංශයේ රැකියා වියුක්තිකයන්ගේ අගය නොවේ..... එහෙයින් ඒ අගයන් ගැන කතා කිරීම පලක් නැත...... ලිපිය ලියන අවස්ථාවේත් ඒ ගැන අගයක් සොයාගැනීමට අපහසු වුයේ ඔවුන්ට එවැනි ප්‍රශ්නයක් නැති නිසාද යන්න ගැටලුවකි...... මොකද ඉන්දියාව යනු IT අංශයෙන් ඉදිරියෙන්ම ඇති රටක් නිසාවෙනි.......

ඊළගට වැඩියෙන්ම බුකි වසින් ගෙනහැර පාන සිද්ධිය වනුයේ  ඉන්දියාවේ පියන් රස්සාවකට අයදුම් කර ඇති ආචාර්ය උපාධි ලාභීන්ගේ සංඛ්‍යාවයි ....... ඒ ගැන නම් කිව හැක්කේ ඉන්දියාව යනු හොර උපාධි ආයතන වල තිත්පොළකි ..... එතරම් ඉගෙන ගෙන ඇතත් රැකියාවක් නැතිවීමට හේතුව එහි තත්වය බාල නිසා නොවේද...... එය අපේ මර්වින් ගේ ආචාර්ය උපදියට සමාන වීමට හැක..... නුතන ලෝකයේ සුදුසුකම් ලෙස දකින්නේ සහතික වලට වඩා ඒ පුද්ගලයට  ඇති ප්‍රයෝගික බුද්ධියයි ...... ඇරත් ලංකාවේ පවා ආචාර්ය උපාධි ලභියෙක්ට බොහෝ රටවල් වලින් ආරාධනා පැමිණෙන්නේ ඔවුන් ලබා ඇති අධ්‍යාපනයේ ඇති තත්වයයි...... ඒලෙස ගත් කල ඔය කියන උපාධි ගැන කතා කිරීමටවත් දෙයක් නැත...... 

ඊළගට බොහෝදෙනා මැසිවිලි නැගුවේ ඔවුන් බත් පැකට් එකට පවා වැඩ කරන බවයි....... ඒ නිසා තම වැටුප් පහල වැටීමටද ඉඩඇති බවයි....... මේ කතාවේ සත්‍යක් තිබුනත් එය කොතරම් ප්‍රයොගිකද යන්න ගැටලුවකි......මක් නිසාද යත් කොම්පැනි සොයන්නේ දක්ෂයන් අඩුමිලට මිසක් අඩුමිලට අදක්ෂයන් නොවේ...... මෙහිදී මේ ලෙස අපේක්ෂාබන්ගත්වයෙන්  වැඩ කරන කෙනෙක් සිටිනම් ඔවුන් අදක්ෂයන් බව මගේ හැගීමයි....ඒ IT ආයතන බහුලව ඇති ඉන්දියවෙවත් රැකියාවක් සොයා ගැනීමට ඔවුන් අසමත් නම් තවත් කුමක් කතා කරන්නද...... ඒ සදහා බොහෝ දෙනා ඉදිරිපත් කරන්නේ online freelancing site වල ඉන්දියන් කාරයන් තුට්ටුවට දෙකට වැඩ කරන නිසා තමන්ට වැඩ නොලැබෙන බවය..... කතාව ඇත්තය ....අපේ එකෙක් $5 කියන වැඩේ ඉන්දියන් කාරයන් $1 කිරීමට ඉදිරිපත් වෙයි.....මුලදී ඔය කට්ට කෑවත් පසු කාලීනව ඒ site වල ගොඩනගාගත් තත්වය මත ඔවුන්ගේ අයකිරීම වැඩිකළ හැකි බව නොතෙරෙනවද ....නැතිනම් කට්ටක් කා වැඩක් කිරිමට ඇති නොහැකියාවද යන්න ගැටලුවකි...... මුලදී ඉතාමත් අඩු මුදලට වැඩ කරදී .....client ලා හදාගෙන වැඩේ ඇති තත්වය හා client සමග මිතුරු වී ලොයල්ටි හදාගෙන ඔහුගෙන්ම වැඩ කරගන්නා අය කොතෙකුත් ලංකාවේ ඇත..... එක රැයින් ලොව සාර්ථක වූ දේවල් නැත...... බොහෝ දේවල් වලට ඇත්තේ දිගු රාත්‍රියක් ...... ඒ කාලය ගත කර ...තමන්ගේ හැකියාවන් පෙන්වා ක්‍රමයෙන් මුදල් හම්බ කිරීම අපේ අයට නොතේරෙන්නේ ඇයි යන්න ගැටලුවකි.......

තමන් දක්ෂනම් ITඅංශයේ කල හැකි දේවල් රාශියකි...... අඩා දොඩා පලක් නැත.....ලංකාවේ ඇතුලේ වුවද තරුණ දක්ෂයන් බිහිවෙමින් පවතී ...... ඒ ගැන මට මුලින්ම දැනුනේ අවුරුදු කිහිපයක් බාල සෙට් එකක් සමග වැඩ කිරීමෙන්ය ..... ඒ වගේ උන් තව රාශියක් මේ ක්ෂේත්‍රයට එන්න ලගයි.....ඉන්දියාවෙන් නාවත් ඔවුන්ගෙන් වුවත් ඔබේ රැකියාවට තට්ටු විය හැක...... බලාගෙන පරිස්සමින්......