Sunday, January 31, 2016

මහින්දගෙන් සිරිසේන උගත යුතු පාඩම්.......



ඊයේ යෝෂිත ගේ රිමාන්ඩ් ගත කිරීමත් සමග මහින්දගේ කදුළු වලට අලුත් වටිනාකමක් එක්විය....
මිනිසුන් ගණනාවකගේ කදුලැල් පිසදු ඔහුගේ කදුළු දැකීම පිරිසකට මහත් දුකකි.....
ඇත්ත.....
අපි අද බෝම්බ යුද බියක් නැතුව විනෝද වීමට ඔහුගෙන් සේවාවක් නොවුනා නොවේ.....
එත්,
තමන්ගේ පුතා හිරේ යනවිට ඇඩුණු මහින්දගේ ඇස්,
රතුපස්වල දරුවාගේ මරණය දැක තෙත් වුනේ නැත..... ඊට සාධාරණයක් ඉටු කිරීමට හිත උණු වුනේ නැත......
කටුනායක රොෂේන් චානකගේ මරණය දැක තෙත් වුනේ නැත..... ඊට සාධාරණයක් ඉටු කිරීමට හිත උණු වුනේ නැත......
ධිවර ඇන්ටනිගේ මරණය දැක තෙත් වුනේ නැත..... ඊට සාධාරණයක් ඉටු කිරීමට හිත උණු වුනේ නැත......
ලසන්තගේ මරණය දැක තෙත් වුනේ නැත..... ඊට සාධාරණයක් ඉටු කිරීමට හිත උණු වුනේ නැත......
තාජුදින් ගේ මරණය දැක තෙත් වුනේ නැත..... ඊට සාධාරණයක් ඉටු කිරීමට හිත උණු වුනේ නැත......
අන්තරේ කොල්ලන්ගේ මරණය දැක තෙත් වුනේ නැත..... ඊට සාධාරණයක් ඉටු කිරීමට හිත උණු වුනේ නැත......
ඊට අමතරව
බ්‍රිතාන්‍ය ජාතිකයෙක් අපේ රටට සංචාරයකට පැමිණ සිටීමේදී ඔහු ඝාතනය වී ඔහුගේ පෙම්වතිය දුෂණය වූ විට..... ඊට සාධාරණයක් ඉටු කිරීමට හිත උණු වුනේ නැත......
සරුවා සුනිල් පොඩි ළමයි දුෂණය කර පාටි දමන විට ඒ දුක් විදි ළමයි අඩන විට එය දැක තෙත් වුනේ නැත..... ඊට සාධාරණයක් ඉටු කිරීමට හිත උණු වුනේ නැත......

ඉහත සියලු සිදුවීම් වලට මහින්ද වගකිව යුත්තේ ඔවුන් ඔහුගේ කාලයේ   මියගිය නිසා හෝ කරදරයට පත් වු නිසා  නොව......ඒ මරණ වලට වගකිව යුත්තන්ට නිතිය ක්‍රියාත්මක නොකර ආරක්ෂා කර නිසාවෙනි......
ඔහුගේ පාලනය පෙරලා දැමීමට ප්‍රධාන හේතුවක් වුයේ  නීතියේ වල් වැදීමයි......
දුෂණ වංචා ගැන කොපමණ කිව්වත් ඒවා හසුකර ගැනීම අතිශය අමරුය..... වෙනත් ආණ්ඩු දුෂණය වංචාව පමණක් කරද්දී මහින්ද ආණ්ඩුව රටට වැඩක් කළේය.....

සිරිසේන මේ සිදුවීම් වලින් ඉගෙන ගත යුත්තේ එක දෙයකි......

කරන කියන දේවල් වලට බලය නැති වූ පසු වන්දි ගෙවීමට සිදුවේ.....
ඔබව ඔය තනතුරට උසස් කර මිනිසුන්ම ඔබව ඔය තනතුරෙන් ඉවත් කිරීමටත් දෙවරක් නොසිතන බවයි.......
ළමයි නිසා මහින්දට තම තනතුරෙන් වන්දි ගෙවීමට සිදුවූ නිසා තම ළමයිනුත් මෙයින් පාඩමක් ඉගෙන ගෙන සාමාන්‍ය ලෙස ජිවත් වීමට කියාදීම.......

සිරිසේන මැතිතුමනි ,
ඔබගේ වැඩපිළිවෙලත් එපා වෙමින් පවතී...... කරන්නේ නෑ කියූ සෑම දෙයක්ම අකුරක් නෑර කරනු පෙනේ......
ඔබත් අඩන දිනය වැඩි ඈතක නොවේ.......

Thursday, January 21, 2016

සීපා එන්න එපා .......


සීපා ... කිව්වට එකේ මොනවද තියෙන්නේ කියල කවුරුත් දන්නේ නෑ...... 
එකේ යෝජනා මාලාව එළිදක්වපු දවසට ඒ ගැන ගුණදොස් කතා කරනවා ඇරෙන්න  තවමත් ඒ ගැන කතා කිරීම  කලින් වැඩිය.....එත් ඕනෙම පොඩි එකෙක්ට තේරෙනව ඉන්දියාව අපිට වඩා දියුණු වුනාට මේකෙන් අපිට නම් ලොකු වාසියක් වෙන්නේ නැති බව...... ඒ නිසා එයට විරුද්ද වීම සාතිශය සාධාරණය....... මොකද රට කරන්න පත් කරපු උනුත් රටට ආදරේ නැති අතරේ ඉන්දියාව අපිට ආදරේ කිරීමට කිසිදු හේතුවක් නැති නිසාවෙනි.......
එත් මට කියන්න අවශ්‍ය වුයේ වෙනත් කතාවකි...... 

ඒ IT අංශයේ රැකියා වල නියතු අය දැක්වූ ප්‍රතිචාරයි..... ඔවුන්ගේ ප්‍රතිචාරය වුනේ මෙමගින් තමන්ගේ රැකියා නැති වී ඉන්දියන් පිරිස් වලට රැකියා ලැබෙන බවකි...... ඒ සදහා ඔවුන් ඉන්දියාවේ විරැකියා සංඛ්‍යාලේඛන ඉදිරිපත් කරන අතර එහි ඇත්තේ රටක් ලෙස විරැකියා අගය මිසක් IT අංශයේ රැකියා වියුක්තිකයන්ගේ අගය නොවේ..... එහෙයින් ඒ අගයන් ගැන කතා කිරීම පලක් නැත...... ලිපිය ලියන අවස්ථාවේත් ඒ ගැන අගයක් සොයාගැනීමට අපහසු වුයේ ඔවුන්ට එවැනි ප්‍රශ්නයක් නැති නිසාද යන්න ගැටලුවකි...... මොකද ඉන්දියාව යනු IT අංශයෙන් ඉදිරියෙන්ම ඇති රටක් නිසාවෙනි.......

ඊළගට වැඩියෙන්ම බුකි වසින් ගෙනහැර පාන සිද්ධිය වනුයේ  ඉන්දියාවේ පියන් රස්සාවකට අයදුම් කර ඇති ආචාර්ය උපාධි ලාභීන්ගේ සංඛ්‍යාවයි ....... ඒ ගැන නම් කිව හැක්කේ ඉන්දියාව යනු හොර උපාධි ආයතන වල තිත්පොළකි ..... එතරම් ඉගෙන ගෙන ඇතත් රැකියාවක් නැතිවීමට හේතුව එහි තත්වය බාල නිසා නොවේද...... එය අපේ මර්වින් ගේ ආචාර්ය උපදියට සමාන වීමට හැක..... නුතන ලෝකයේ සුදුසුකම් ලෙස දකින්නේ සහතික වලට වඩා ඒ පුද්ගලයට  ඇති ප්‍රයෝගික බුද්ධියයි ...... ඇරත් ලංකාවේ පවා ආචාර්ය උපාධි ලභියෙක්ට බොහෝ රටවල් වලින් ආරාධනා පැමිණෙන්නේ ඔවුන් ලබා ඇති අධ්‍යාපනයේ ඇති තත්වයයි...... ඒලෙස ගත් කල ඔය කියන උපාධි ගැන කතා කිරීමටවත් දෙයක් නැත...... 

ඊළගට බොහෝදෙනා මැසිවිලි නැගුවේ ඔවුන් බත් පැකට් එකට පවා වැඩ කරන බවයි....... ඒ නිසා තම වැටුප් පහල වැටීමටද ඉඩඇති බවයි....... මේ කතාවේ සත්‍යක් තිබුනත් එය කොතරම් ප්‍රයොගිකද යන්න ගැටලුවකි......මක් නිසාද යත් කොම්පැනි සොයන්නේ දක්ෂයන් අඩුමිලට මිසක් අඩුමිලට අදක්ෂයන් නොවේ...... මෙහිදී මේ ලෙස අපේක්ෂාබන්ගත්වයෙන්  වැඩ කරන කෙනෙක් සිටිනම් ඔවුන් අදක්ෂයන් බව මගේ හැගීමයි....ඒ IT ආයතන බහුලව ඇති ඉන්දියවෙවත් රැකියාවක් සොයා ගැනීමට ඔවුන් අසමත් නම් තවත් කුමක් කතා කරන්නද...... ඒ සදහා බොහෝ දෙනා ඉදිරිපත් කරන්නේ online freelancing site වල ඉන්දියන් කාරයන් තුට්ටුවට දෙකට වැඩ කරන නිසා තමන්ට වැඩ නොලැබෙන බවය..... කතාව ඇත්තය ....අපේ එකෙක් $5 කියන වැඩේ ඉන්දියන් කාරයන් $1 කිරීමට ඉදිරිපත් වෙයි.....මුලදී ඔය කට්ට කෑවත් පසු කාලීනව ඒ site වල ගොඩනගාගත් තත්වය මත ඔවුන්ගේ අයකිරීම වැඩිකළ හැකි බව නොතෙරෙනවද ....නැතිනම් කට්ටක් කා වැඩක් කිරිමට ඇති නොහැකියාවද යන්න ගැටලුවකි...... මුලදී ඉතාමත් අඩු මුදලට වැඩ කරදී .....client ලා හදාගෙන වැඩේ ඇති තත්වය හා client සමග මිතුරු වී ලොයල්ටි හදාගෙන ඔහුගෙන්ම වැඩ කරගන්නා අය කොතෙකුත් ලංකාවේ ඇත..... එක රැයින් ලොව සාර්ථක වූ දේවල් නැත...... බොහෝ දේවල් වලට ඇත්තේ දිගු රාත්‍රියක් ...... ඒ කාලය ගත කර ...තමන්ගේ හැකියාවන් පෙන්වා ක්‍රමයෙන් මුදල් හම්බ කිරීම අපේ අයට නොතේරෙන්නේ ඇයි යන්න ගැටලුවකි.......

තමන් දක්ෂනම් ITඅංශයේ කල හැකි දේවල් රාශියකි...... අඩා දොඩා පලක් නැත.....ලංකාවේ ඇතුලේ වුවද තරුණ දක්ෂයන් බිහිවෙමින් පවතී ...... ඒ ගැන මට මුලින්ම දැනුනේ අවුරුදු කිහිපයක් බාල සෙට් එකක් සමග වැඩ කිරීමෙන්ය ..... ඒ වගේ උන් තව රාශියක් මේ ක්ෂේත්‍රයට එන්න ලගයි.....ඉන්දියාවෙන් නාවත් ඔවුන්ගෙන් වුවත් ඔබේ රැකියාවට තට්ටු විය හැක...... බලාගෙන පරිස්සමින්...... 

Sunday, January 17, 2016

සිංහල සිනමාව මැරිලා නෑ......



සිනමාවට බොහෝ ඇලුම් කරන්නෙක් විදියට .....ලොකු චිත්‍රපටි විචාරකයෙක් නොවුනට ..... මැතකදි ඉදන් අපේ සිනමාව ගැන තිබ්බේ දුකක්..... එක තැන පල් වෙන ඉන්දියන් කොපි...... රාජාවලියේ සිනමා දිගහැරුම් වලින් හෙම්බත් වෙලා හිටපු ලාංකීය සිනමා ලෝලීන්ට "හෝ ගාන පොකුණ" සිසිල් දියධාරාවකි.....

ජෝක් ෆිල්ම් එකක් නොවුනත් මා ජෝක් ෆිල්ම් එකකටත් වඩා වැඩියෙන් සිනහා වී ඇත..... ජෝක් ෆිල්ම් වල සරම උස්සන් කුණුහරප කියාගෙන අපිව හිනස්සන්න ගන්න උත්සාහය දැක්කම අපිට හිනා ගියත් ....  "හෝ ගාන පොකුණ" වැඩි වීරියකින් තොරව අපිව සිනහ ගන්වයි..... සිනහව අතරින් ප්‍රබල සියුම් ප්‍රහාර මුළු සමාජයටම එල්ල කරයි.....  ඒ ප්‍රහාර කොතරම් බලවත් ද නම් දර්ශනය අවසානයේ හිතන්න දෙයක් ඉතිරි කරයි.....

ඇස් වලට කදුළු එන්න සිනහ ගන්වන චිත්‍රපටිය .......ඒ සතුටු කදුළු වේලෙන්නත් කලින් ....ඇස් වලට දුක්  කදුළු ගේන්නේ ඊලග මොහොතේය....සිනමාකරුවා ඒ තරම් දක්ෂය.... මෙය මා කලින් අත්විද ඇත්තේ "3 ඉඩියට්ස් " චිත්‍රපටියේය .... ඒ හා සමාන මට්ටමකින් දුක සතුට නිරතුරුවම "හෝ ගාන පොකුණ" බෙදයි......

කිරීමට ඇත්තේ එකම එක අයාචනයකි..... DVD කොපි අන්තර්ජාලයට එනතෙක් රැදිනොසිට රුපියල් 300ක් දී චිත්‍රපටියක් නරබා අපේ රටේ හොද නිර්මාන කරන කලාකරුවන් අගය කරන්න යන ඉල්ලීමයි.....

පසු ලිපි:
බලන්න යන කෙනෙක් ඉන්නවා නම් කියන්න .....ආයි සැරයක් බලන්න ආසාවක් තියෙනවා ...... ;)

අධ්‍යක්ෂක : ඉන්දික ෆර්ඩිනැන්ඩො


Friday, January 15, 2016

නදීශාගේ උම්මා එකෙන් අසදරණයට ලක්වුවෝ......

ගුගල් දෙවියන්ගෙන් මේගැන ඇහුවම කියපු දේ ......

නදීෂා කාගේ හරි කට කෑවම මට නම් ඒ ගැන ගානක්වත් නැත...... ඒක නදීශාගේ කටය ..... එයාට ඕන කටක් කෑමට පුර්ණ නිදහස ඇත..... 

එත් ඉන්න ඔබ්බට ගිහින් බැලුවොත් පොඩි අවුල්  ගතියක් ඇත..... 

සිංහල සිනමාවේ මෑතක ආ බොහෝ ෆිල්ම් බැලුවත් ඒ කිසිවක කට කන දර්ශන නැත..... කට කෑමට ඔන්න මෙන්න කියා තිබියදී කැමරාව අහකට ගැනීමට කැමරාකරුවාට හික්මීමක් ඇත..... සැබවින්ම සිනමාකරුවාටත් අවශ්‍ය වන්නේ දෙන්නා ආදරෙන් උපරිම මට්ටමට ලංවූ බව පෙන්වීම විනා කට කනවා පෙන්වන්න නොවේ...... ඒ දැඩි හික්මිමට  හේතුව අපි ලෝකය දිහා තවමත් ලිං මැඩියන් දෙස බලන නිසාද නැතිනම් හැදියාව නමැති සළුවෙන් මනස වසා සිටින නිසාද කීම අපහසුය..... හැබැයි එක දෙයක් තක්කෙටම පැවසිය හැකිය .....කට කනවා නොපෙන්නුවත් සිනමාකරුවට පෙන්වීමට අවශ්‍ය දේ පෙන්වුබවයි .....

ඉංග්‍රීසි සිනමාවේ කට කන දර්ශන කොතෙකුත් ඇතත්....කලින් පරිද්දෙන් ඒ ආදරයේ උපරිමය පෙන්වීමට භාවිතා කරයි....... වැඩට යාමට පෙර දෙමාපියන් එකිනෙක කට කන්නේ තමන්ගේ විවාහය සාර්ථක එකක් බව ප්‍රේක්ෂකයාට පෙන්වන්නය...... අන්තිම සටනෙන් වීරයා ජයගත් පසු කටට උම්මා එකක් දෙන්නේ වීරත්වය මිශ්‍ර ආදරයක් පෙන්වීමටයි..... ඉංග්‍රීසි සිනමාවට ආඩුනික නොවුනත් සිංහල සිනමවටනම් තවමත් දක්නට නොලැබෙන දෙයකි....... 

සිනමාවත් පෙරලාගෙන මියුසික් වීඩියෝ කලාව පැමිණ තිබේ.....ලගදි ආ මියුසික් වීඩියෝ එකක පිරිවැය මිලියන 15කි..... ඒ තරම් මුදලක් විනාඩි 4ක් වෙනුවෙන් වැයකරන්න මියුසික් වීඩියෝකරුවන් ශක්තිමත්ය....
කටට උම්මා දීම සිනමාවටත් කලින් හදුන්වා දෙන්න ඉරාජ් මුල්තැන ගන්නේ මේ නිසාවෙනි..... එමගින් ගීතයට ලැබුන විශේෂ කලාත්මකබවක් මගේ මනසට නොදැනුනත්..... කුමක් හෝ විකුණා කැමට තරම් අප රටේ කලාව බාල්දු වී ඇත...... ගීතය ලස්සන වුනත් විකුණාකන්න හදන්නේ ගීතයේ ලස්සනවත් කලාත්මක බවවත් නොව..... වෙනම දෙයකි...... සින්දුව හිට් කරන්න ඕනේ වෙන විදියකටය..... 

මෙමගින් මුලිකවම අසාධාරණයට ලක්වෙන්නේ රන්ජන් සාලිය සහ සමිතා ය .... ඒ ඔවුන්ගේ සින්දුව ගායනය හෝ වෙනත් කිසිවක් නිසා හිට් නොවී වෙන එහෙකින් ජනප්‍රිය වෙන නිසාය..... සමිතාගේ කටහඩ අපි කටත් හුරුපුරුදු කටහඩක් වුවත් රන්ජන්ගේ කටහඩ වැඩිය හුරුපුරුදු නැත..... කවුරු හරි රන්ජන් අය්යේ අලුත් සින්දුවක් කිව්වේ නැද්ද කියල අහපු විට දෙන්න තියෙන උත්තරේ....

"මල්ලි අර නදීෂා කොල්ලෙක් ගේ කටකාපු සින්දුව කිව්වේ මන් තමා" 

ඊළගට මෙම ගීතයෙන් අපහසුතාවට පත්වන්නේ අලුත් මියුසික් වීඩියෝ කර්මාන්තයයි.....ඕනෑම දෙයක් හිට් කරගැනීමට ඕනෑම ගු වැඩක් කිරීමට අපේ කලාකරුවන් දෙපාරක් නොසිතනු ඇත..... 

දවස් 6කින් 843,452 දෙනා මෙය නරබා ඇත .... ඒ නදීශාගේ උම්මා එක බැලීමටද ..... රන්ජන් හා සමිතාගේ සින්දුව අහන්නද යන්න ප්‍රශ්නයකි.......
  

Tuesday, January 5, 2016

ආලවක චින්තනය .....රට දිනන මග........ දෙවන කොටස.....

අමාත්‍යංශ වල කාර්යභාරය කලින් සදහන් කර පරිද්දෙන් පාර්ලිමේන්තු කණ්ඩායමටම පැවරෙන අතර සිවිල් සංවිධාන,පුරවැසියන්ට  වලට අමාත්‍යංශ වල වියදම් තොරතුරු හා නව වියාපෘති ගැන තොරතුරු දැනගැනීමට හැකිඅතර හැකිනම් ලබාදෙන කාලය තුල සංශෝදන යෝජනා ඉදිරිපත් කල හැක.... මෙමගින් බලාපොරොත්තු වන්නේ රටේ සියලු දෙනා රටේ සංවර්ධනයට දායක කරගැනීමයි.... 



නව නිපැයුම් සැමවිට දිරිමත් කරන අතර අමාත්‍යංශ මට්ටමෙන් ඒ ඒ විෂය පථයට අදාල නිපැයුම් වලට අවශ්‍ය සහය ලබාදෙනු ඇත.... යහපත් බලපෑමක් කල හැකි විශේෂ වියපෘති සදහා නව නිපැයුම් යනුවෙන් දෙපාර්තමේන්තුවක් පිහිටවා එයින් අවශ්‍ය සියලු සහයන් ලබාදෙනු ඇත ..... අවශ්‍යනම් විදේශ දේශකයන් ...මුදල් ඇතුළු සියලු සම්පත් ලබාදේ....රටක් ලෙස ඉහලට ඒමට අලුතෙන් නිර්මාණ ප්‍රබල සදකයකි.....මෙකි දෙපාර්තමේන්තුවේ තවත් වගකීමක් වනුයේ පාසල් මට්ටමින් වැඩමුළු තරග සංවිධානය කර ළමයින් ඒ සදහා යොමු කිරීමයි..... අධ්‍යාපන විෂය පථයත් නවීන තාක්ෂනය සමග ඒකාබද්ද විය යුතු අතර අවුරුදු 5න් 5ට විෂය මාලාවන් වෙනස් විය යුතුය...... 

සැමට ඉගෙනීමට අවස්ථාවක් ලබාදිය යුතුය..... ඒ නිසා උසස් පෙළ දක්වා ඉගෙනීම ගාස්තු අයකිරීමකින් තොර වන අතර උසස් අධ්‍යාපනය සදහා ගාස්තු අයකෙරේ..... ඒ සදහා අවශ්‍ය ණය පහසුකම් රජය මගින් දෙන අතර....එකී ණය මුදල උපාධිය ලබා අවුරුදු දෙකක් අතර ගෙවිය යුතුය..... (ණය නිසිලෙස නොගෙවන අයට වෙන දේ තවමත් සිතමින් පවතී) ...මෙකි ක්‍රියාවලියෙන් ළමයින් තුල තමන්ගේ ඉගෙනීම ගැන වගකීමක් තමන් තුලම ඇති වන අතර උසස් පෙළ විෂය මාලාව අනුව කැමති ක්ෂ්ත්‍රයක්, කැමති රාජ්‍ය හෝ වෙනත් විශ්වවිද්‍යාලයක්  තෝරා  ගත හැක........ ඒක් එක් විශ්වවිද්‍යාල තුල ඒ ක්ෂ්ත්‍රයට අදාල අභියෝගාත්මක විභාගයක් පැවැත්වෙන අතර එයින් සමතවන්නට එකී විශ්ව විද්‍යාල ප්‍රවේශය ලැබෙනු ඇත..... මේ නිසා තමන් තෝරා ගන්නා ක්ෂ්ත්‍රය හා එම විශ්ව විද්‍යාලයේ තත්වය ගැන පුර්ණ අවබෝධයක් අයදුම් කිරීමේදී තිබිය යුතුය..... එකී අසමත් වන්නන් හට නැවත අවස්ථාවක් ලබාදෙන අතර මේ කාලයේ තමන් කැමති වෙන ක්ෂ්ත්‍රයකට හෝ වෙනත් විශ්ව විද්‍යාලයක් තෝරාගත හැක.... 
මෙකි ක්‍රියාවලියෙන් සැමටම උසස් අධ්‍යාපනයක් ලබාගත හැකි අතර තමන්ගේ අනාගතය ගැන තමන් වගකිව යුතුය....... මේ ක්‍රියාවලියෙන් විශ්ව විද්‍යාල ස්වයං අදායම් උපදවන අතර රජයක් හැටියට ඇති වියදම් අඩු වනු ඇත..... ඒ ඉතිරි මුදල් උසස් පෙළ තෙක් පාසල් අධ්‍යාපනයට යොමුකළ හැක......

මීලගට : ආර්ථික උපාය මාර්ග 

Saturday, January 2, 2016

ආලවක චින්තනය .....රට දිනන මග........ පළමු කොටස.....


1. විධායක ජනාධිපතිදුරය නාමමාත්‍රික නොකට එයට තුබූ බලය අඩු කරමින් ... තිබෙන අහිතකර බලතල ඉවත් කෙරේ ......

ස්වාධින කොමින්ෂන් සභා මගින් .. රාජ්‍ය සේවය ..... පොලිසිය ..... අධිකරණය ....මැතිවරණ කොමිසම...... අල්ලස් හා දුෂණ කොමිසම පාලනය කෙරේ ... ජනාධිපතිතුමාට හෝ කිසිවෙකුට එහි කාර්යන් වලට අත දැමීමට නොහැකි වන අතර ..... මෙම කොමිෂන් සභා පත්කිරීම පාර්ලිමේන්තුව මගින් සිදු කරයි .....අනෙකුත් කාර්යන් වලට පමණක් ජනාධිපතිතුමා මැදිහත්ව ඇමති මණ්ඩලයක් හරහා පාලනය වේ .......  

අප වැනි රටක් ගොඩනැගීමට බලයක් සහිත නායකත්වයක් තිබිය යුතුය ...... ජනාධිපති රටේ නායක සේම ආණ්ඩුවේ ත්‍රිවිධ හමුදාවේ ඇතුළු සියලුම ස්ථාන වල නායකයා වන්නේය...... පාර්ලිමේන්තුවේ පැවැත්වෙන රැස්වීම වලට සහභාගී විය යුතු අතර කාර්යබහුලත්වය නිසා මසකට වරක් හෝ අනිවාර්යෙන් පාර්ලිමේන්තුවේ රැස්වීමකට සහභාගී යුතුය..... එමෙන්ම එම දිනය වේලාසන පවසා පාර්ලිමේන්තුවේ අනෙකුත් මන්ත්‍රීන්ට ජනාධිපතිතුමාගෙන් ප්‍රශ්න ඇසීමට ..... කරුණු විමසීමට අවස්ථාවක් දිය යුතුය......

අප වැනි රටක ජනාධිපති කෙනෙක් නීතියට යටත් කල විගස සිදුවන්නේ සැමදා උසාවියේ කරුණු දැක්වීමට යාමටයි ..... ඒ විපක්ෂයේ හෝ වෙන පාර්ශව විසින් දමන ලද නඩු නිසාවෙනි .....  එම නිසා ජනාධිපති නීතියට යටත් නැති අතර ..... යම් වරදක් හෝ  රටට හානියක් සිදු වුවා ලෙස බහුතර පාර්ලිමේන්තුව විශ්වාස කරන්නේනම් දෝෂාභියෝගයක් ඉදිරිපත් කර එය සම්මත කර ජන මත විචාරයකින් මගින් තව දුරටත් ජනාධිපති පදවියේ තබා ගන්නවාදැයි ජනතාවට තීන්දු කල හැක.....

එමෙන්ම ජනාධිපති ලෙස පත් වී දිවුරුම් දුන් වහාම මීලග ජනාධිපති වරණය සිදුවන දිනය ප්‍රකාශයට පත්කරන අතර එය වෙනස් වන්නේ යම් හෙයකින් ජනාධිපති දෝෂාභියෝග ජනමත විචාරණය පරද වූ විට හෝ ඩුරයේ සිටියදී මියගියහොත් පමණි..... අන් කිසිම ලෙසකින් එය වෙනස් කල නොහැක......

ජනාධිපති අපේක්ෂකයාට ඕනෑම වාර ගණනක් ජනාධිපති වරණයට ඉදිරිපත් විය හැකි අතර එකලග වාර දෙකකට වඩා අපේක්ෂකයෙක් විය නොහැක .....ජනතාව මගින් එය තීන්දු කල යුතුය ...... මක්නිසාද යත් අප වැනි පහල සිට ඉහලට ගිය බොහෝ රටවල් වල රාජ්‍ය නායකයා බොහෝ කාලයක් එම තනතුරේ සිට රට ගොඩනැගීමට කටයුතු කල නිසාවෙනි...... 

2. පාර්ලිමේන්තුව 

පාර්ලිමේන්තුවේ මැතිවරණ ක්‍රමයට වඩා මන්ත්‍රී වරුන්ට ලැබෙන වරප්‍රසාද නිසා පාර්ලිමේන්තුව බුද්ධිමතුන් , රටට ආදරේ කරන මිනිසුන්ගෙන් තොරව හොරුන්ගෙන් පටු වාසියට වැඩ කරන අයගෙන් පිරිඇත... එම නිසා එම බොහෝ වරප්‍රසාද කපා හැරේ.....
මන්ත්‍රී වරුන්ට අවුරුදු පතා දෙන බලපත්‍ර ලාබි වාහන පාර්ලිමේන්තු වාරයකට එකක් වන ඇත එය ඔහු එය පාර්ලිමේන්තු කාලය පුරාවට එනම් අවුරුදු 6ක් බාවිතා කල යුතුය......
එම ලබාගන්නා වහනය සාමාන්‍ය එකක් විය යුතු අතර එය බලපත්‍ර කොන්දේසි මගින් පාලනය කෙරේ ..... එය ද ඉන්දන අතින් අතිශය කාර්යක්ෂම විය යුතුය...... යම් හෙයකින් මෙකි බලපත්‍රය තෙවැනි පාර්ශවයකට විකිනීමට ලක් කරොත් මන්ත්‍රී දුරය අහිමි වීම සහ  අවුරුදු 5ක සිර දඩුවමක්ද හිමි වේ ..... යම් හෙයකින් කලින් වතාවක මන්ත්‍රී කෙනෙක් වූ කෙනෙක් නම් වාහනයේ තත්වය අනුව අලුත් වාහන බලපත්‍ර නිකුත් කෙරේ .....
ඉන්දන ලබාදීමේදී සියලුම ගමන් විස්තර මාසිකව පාර්ලිමේන්තුවට ලබාදිය යුතු අතර අනෙක් මන්ත්‍රී වරුන්ට සේම මහජන තවටත් එහි පිටපත් ඉල්ලා සිටීමේ සම්පුර්ණ බලය හිමිය....... මෙය ඉන්දන සදහා පමණක් නොව මන්ත්‍රී විමධ්‍යගත අයවැයද මෙසේ සැම දෙනාටම පිටපත් ලබා ගත හැක.......තමන් කල කි දේ ගැන ඕනෙම කෙනෙකුට ප්‍රශ්න කල හැක.....
දැනට අවුරුදු පහක් සිටීමෙන් මන්ත්‍රී වරුන්ට විශ්‍රාම වැටුපක් හිමිවන අතර ..... අනෙක් රාජ්‍ය සේවකයන් එවැනි වැටුපක් ගන්නේ අවුරුදු 30කට නොවැඩි සේවා කාලයක් සම්පුර්ණ කිරීමෙනි එම නිසා මන්ත්‍රී කෙනෙක් ලෙස අවුරුදු 30ක්  පාර්ලිමේන්තුවට තේරී පත් වී සේවය කලොත් පමනක් විශ්‍රාම වැටුපට හිමිකම් කිව හැක......
දැනට නොමිලේ සහ ඉතාමත් අඩු මුදලට ආහාර පාන පාර්ලිමේන්තුවෙන් ලබාගැනීමට හැකි අතර එය වහාම නවත්වා වෙළද පොලේ අනෙකුත් පාරිබෝගිකයන් ලබා ගන්නා හා පාර්ලිමේන්තුවට ලාබයක් ඇති වන පරිද්දෙන් මිල ගණන් සංශෝදනය වේ ......
පැමිණීමේ දීමනා ආදිය කපාහැරෙන අතර මාස ගණන් නිවාඩු දැමීම හෝ නොපැමිණීමෙන් මන්ත්‍රීදුරය අහෝසි වීමටද ඉඩඇත.....

අමාත්‍ය මණ්ඩලය 15ක් පමණක් වන අතර තාක්ෂණික වශයෙන් බෙදීමට අපහසුතා ඇති වුවහොත් 20ක් දක්වා පමණක් එය වැඩි කල හැකිය..... නියෝජ්‍ය අමාත්‍යවරුන් ඇතුළුව එම ගණන 30කි උපරිමය 40ක ඇමති මණ්ඩලයක් පත් කෙරේ...... එමෙන්ම පාර්ලිමේන්තුවේ සිටින සියලුම මන්ත්‍රීන්ට(පක්ෂ විපක්ෂ) තම කැමැත්ත අනුව එකක් හෝ එකකට වැඩි ගණනක් අමාත්‍යංශ සදහා අමාත්‍යංශ කණ්ඩායමේ සිටිය හැක....... ඒ ඒ අමාත්‍යංශ වල සියලු වැඩ කටයුතු එම කණ්ඩායම දැනුවත්ව සිදු කල යුතු අතර යම් හෙයකින් රටට අවාසි දායක දෙයක් සිදුවන්නේ නම් වහාම පාර්ලිමේන්තුවට එය ඉදිරිපත් කර සැමදෙනාගේම අවදානය එය සදහා යොමු කල යුතුය...... අමාත්‍යංශ වල සියලුම තොරතරු රටේ ඕනෑම පුරවැසියෙකුට ලබාගත හැකි අතර ...... ආරක්ෂක අංශ තොරතුරු පමණක් ලබා ගැනීම සිමාකෙරේ..... 

අමාත්‍ය මණ්ඩලයට කිසිදු විශේෂ වැටුපක් හිමි නොවන අතර වගකීම් පමණක් අනෙක් මන්ත්‍රීන්ට වඩා වැඩි වේ...... එමෙන්ම අමාත්‍යංශයේ සියලු තීන්දු තීරණ වලට අමාත්‍යතුමා වගකිව යුතුවේ ..........  

ඔබේ යෝජනා හා සංශෝදනත් යොමු කරන්න ......